«Real Madrid»ning yirik hisobdagi mag‘lubiyati futbol ommasi tomonidan keng muhokama qilinmoqda. Bu borada «Real Madrid»ning sobiq futbolchisi Ronaldu ham chetda qolmadi. Italiyaning «Tuttosport» nashri Ronaldu bilan kichik intervyuni tashkil etdi. Bundan tashqari, kechagi uchrashuvning qahramoni Diyego Kosta ham «Atletiko Madrid» rasmiy sayti uchun intervyu berdi. Biz esa bu intervyularni sizlarga taqdim etish uchun jamladik.
Diyego Kosta
Men bunday yirik hisobdagi g‘alabadan juda hursandman. Ayniqsa, bu g‘alabaga hissa qo‘shganimdan baxtiyorman. To‘g‘ri, men azaliy raqiblarimiz darvozasiga 5 ta gol kiritganimdan hursandman, lekin unutmaslik lozim, bu o‘rtoqlik uchrashuvi edi. Rasmiy uchrashuvlarda hammasi boshqacha bo‘lishi ham mumkin edi. Hozirda «Atletiko Madrid» «Real Madrid» dan ustunroq. Biz yangi mavsumda Madridda kim birinchi raqamli jamoa ekanligini isbotlash uchun bor kuchimizni sarflaymiz.
Chetlatilishim borasida ortiqcha so‘zlashning xojati yo‘q. Sababi, men qizil kartochka olgan bo‘lsamda, maydondagi futbolchilarning soni teng edi. Futbol - bu hissiyot! Ba’zan uni ushlab qolishning iloji yo‘q. Shunday ekan, meni bu ishim uchun kechirishlarini so‘rab qolaman.
Serhio Ramos
Juda ham yoqimsiz hislar, lekin biz mavsumni endigina boshlayapmiz. Bu o‘rtoqlik uchrashuvi bo‘lsada, «Atletiko Madrid» o‘yinga boshqacha kayfiyatda tushib keldi. To‘g‘ri, juda yirik hisobda mag‘lub bo‘ldik. Buni tan olaman. Eng quvonarlisi biz tanaffusda birinchi bo‘limni unutib ikkinchi 45 daqiqalikda g‘alaba qozonish uchun harkat qildik va buni uddasidan chiqdik. Shunday bo‘lsada, o‘zimizni oqlamoqchi emasman. Ko‘pchilik bizda motivasiya qolmagan deb o‘ylamoqda. Hech ham bunday emas. O‘tgan mavsumdagi omadsizlikdan so‘ng hammasini boshidan boshlashga qaror qildik. Men o‘z jamoamga to‘liq ishonaman. Agarda zarracha shubham bo‘lganida birinchilardan bo‘lib «Real Madrid»ni tark etgan bo‘lar edim.
Ronaldu
«Real Madrid»ning «Atletiko»ga qarshi o‘yinda ko‘rsatgan o‘yini men ko‘rgan eng yomon uchrashuvlardan biri bo‘ldi. Siz tasavvur qilyapsizmi? Bir uchrashuvning o‘zida 7 ta to‘p olib chiqdingiz! Bu «qirollik klubi» darajasidagi jamoa uchun juda hunuk natija! Meni «Real Madrid» safida bo‘lgan paytim mavsum oldi o‘yinlardagi qoniqarsiz natijamiz uchun keskin tanqid qilishar edi. Ba’zan ko‘p gol o‘tkazib yuborganimiz uchun bizga bosim uyushtirishar edi. Endilikda har bir jamoa «Real Madrid»ga qarshi alohida tayyorgarlik bilan maydonga tushmoqda. «Qaymoqranglilar» esa, to‘p uchun yugurishni ham istashmayapti. Klub rahbarlari va Zidan bu borada chora ko‘rishi shart!Aks holda «Real Madrid» avvalgi darajasiga hech qachon chiqa olmaydi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
