Zamonaviy futbolchilar uchun «oltin to‘p» sovrini kariyeraning pik nuqtasi hisoblanadi. Bu mukofotni qo‘lga kiritgan futbolchilar futbol tarixida abadiy qolishlari turgan gap. Shunday bo‘lsada, bu sovrin uchun loyiq bo‘la turib uni qo‘lga kirita olmagan futbolchilar haqida muxlislar ko‘pincha unutib qo‘yishadi. Bugun e’tiboringizga ushbu sovringa to‘liq haqli bo‘lsada, uni qo‘lga kirita olmgan ajoyib futbolchilardan tashkil topgan kuchli beshlikni taqdim etamiz.
5- o‘rin Stiven Jerrard
Deyarli butun kariyerasini «Liverpul»ga bag‘ishlagan qahramonimiz 2005-yilda ushbu sovrinni qo‘lga kiritishga juda yaqin kelgan edi. Istanbuldagi fantastik finaldan so‘ng, Stiven bu sovringa batamom qiziqmay qo‘ydi. Futbolchi jamoasining ravnaqi va muxlislar ishonchini o‘zining so‘nggi mavsumidagi so‘nggi o‘yinlariga qadar yuragida saqladi. Futbolchi sovringa juda yaqin kelgan bo‘lsada, unga yeta olmadi. Afsuski aynan o‘sha yili futbol olamini titratib yuborgan Ronaldinyo o‘zining eng kuchli mavsumin o‘tkazgan va hayotidagi eng muhim sovrinni qo‘lga kiritgan edi.
4-o‘rin Buffon va Kasilyas
«Oltin to‘p» sovrini shu kunga qadar faqat bir marotabagina darvozabonga topshirlganidan xabaringiz bor. Lev Yashindan so‘ng, bu sovringa da’vogarlar orasida posbonlar uchragan bo‘lsada, ular hujumchilarning soyasida qolib ketmoqda. So‘zimizga Buffon va Kasilyas yaqqol misol bo‘la oladi. Italiyalik posbon futbol olamida eng mashxur darvozabon sifatida qayd etilsa, Kasilyas eng sovrindor kipper hisoblanadi. Bundan tashqari bu yigitlar Mundialda ham g‘olib chiqishni uddalashgani e’tiborga molik. Shu kunga qadar Buffon so‘rovnomada 2-o‘rinni qayt etgan bo‘lsa, Kasilyas biror marotaba kuchli uchlikka ham kira olmagani achinarli. To‘g‘ri, darvozabonlarning o‘yini maydonda u qadar ko‘rinmas, biroq bunday posbonlar har kuni ham tug‘ulavermaydi.
3-o‘rin Zlatan Ibrahimovich
Albatta, Ibrahimovich bu sovrinsiz ham o‘zini dunyodagi eng kuchli futbolchi deb hisoblaydi. Ibra tomonidan maydonda amalga oshiriladigan mo‘’jizlar haqida uzoq so‘zlash mumkin, biroq u futbol olamidagi eng omadsiz insonlardan biri. Nega deysizmi? Sababi Zlatan Ronaldu va Messi ismli futbol daxolarining zamonida tug‘uldi va qanchalar urunmasin ularning soyasidan chiqib keta olmadi.
2-o‘rin Xavi va Inyesta
“Agarda bu ikki yigit bo‘lmaganida bormi, Ispaniya terma jamoasi va «Barselona» tomonidan qo‘lga kiritlgan sovrinlarning yarmi hozir boshqa jamoalarda bo‘lgan bo‘lar edi”
Visente Del Boske
Darhaqiqat, bu yigitlar futbol inqilobini amalga oshirgan Gvardiolaning o‘ng va chap qo‘li edi desak, adashamagan bo‘lamiz. Xavi uchrashuv davomida aniq paslar borasidagi ko‘rsatgichni bir necha bor rekord darajaga olib chiqqan bo‘lsa, Inyesta to‘p uzatishni san’at asariga aylantirib yubordi. Afsuski, bu yigitlar o‘zlari tinimsiz pas bilan ta’minlab turgan jamoadoshini bir necha bor «oltin to‘p»ni qo‘lga kiritishi uchun zamin yaratishdiyu, o‘zlari chetda qolib ketishdi.
1-o‘rin Tiyeri Anri
Fransiyalik futbolchining 21 asr boshidagi «Arsenal» jamoasidagi o‘yinlarini bir eslang! O‘sha davrlarda bu yigit uchun maydonda amalga oshirib bo‘lmas ishning o‘zi yo‘qdek ko‘rinar, uning bir o‘zi butun boshli «Real Madrid» himoyasini yorib o‘tib ketishga ham qodir edi. Qahramonimiz o‘z kariyerasi davomida APL, La Liga, JCH, YECHL, qit’a chempionati singari nufuzli musobaqalarning barchasida g‘olib chiqqan bo‘lsada, ushbu sovrinni qo‘lga kirita olmagan. Anri naqd 4 bor ushbu sovringa ega chiqishga yaqin kelgan bo‘lsada, doimmo xal qiluvchi so‘rovnomada raqiblariga imkonni boy berib qo‘ygan. Futbolchi o‘z kariyerasidan ko‘ngli to‘lganini bot-bot takrorlasada, «oltin to‘p»ni qo‘lga kiritishni orzu qilmagan futbolchining o‘zi yo‘q ekanligni ich-ichidan his etsa, ajab emas.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
