Ertaga O‘zbek futbol vatani Qo‘qonda katta futbol bayrami. “Qo‘qon-1912” jamoasi Ho‘qandi latifda boshlangan “Xalqaro hunarmandchilik festivali” doirasida Tojikistonning “Xo‘jand” klubiga qarshi xalqaro o‘rtoqlik uchrashuvini o‘tkazadi. Mazkur bahs oldidan ayrim ma’lumotlar bilan tanishtirib o‘tamiz.
O‘zaro o‘yinlar
Bu ikki jamoa sobiq Ittifoq birinchiliklarida (2-liga 7-mintaqa) to‘rt bor to‘qnash kelishgan.
1988 va 1989 yillari bo‘lib o‘tgan uchrashuvlarning ikkitasida Xo‘jandliklarning qo‘li baland kelgan bo‘lsa, bitta bahsda vakillarimiz g‘alaba qozonishgan. Bitta o‘yinda esa hisob ochilmagan. To‘plar nisbati - 5:5.
Aytgancha, bu jamoalar joriy yilning 17 iyul kuni o‘zaro o‘rtoqlik uchrashuvida maydonga tushishdi. Mazkur bahsda ham nursiz durang qayd etildi.
“Xo‘jand” haqida qisqacha ma’lumot
Klub rasmiy sayti bergan ma’lumotlarga ko‘ra, Tojikiston futbolining birinchi tamal toshlari aynan Xo‘jandda qo‘yilgan. 1920 va 1930 yillar oralig‘ida Tojikistondagi birinchi futbol klubi aynan Xo‘jand shahrida tashkil etilgan.
1925 yilda Xo‘jand va Dragomirovo shaharlari jamoalari o‘rtasidagi o‘yin bo‘lib o‘tadi. Ushbu jamoalarning birinchi to‘qnashuvida xo‘jandliklar 4:1 hisobida g‘alaba qozonishdi. Takroriy o‘yinda ham raqibimiz 1:0 hisobida zafar quchgan ekan.
Xo‘jand shahri futboli tarixidan o‘rin olgan va o‘sha birinchi jamoada futbolchilar bilan tanishing: Danilov, Stan, Vitovskiy, Yolkin, Sretenskiy, Proskuryakov, Zorov, Vasilev, Manasyans, Lukashin, Lamzin, Trofimov.
Keyinchalik Xo‘jand shahri shafarini himoya qiladigan jamoani “Gornyak” deb atay boshlashdi. Ushbu jamoa sobiq Ittifoq chempionati “B” klassida ishtirok etdi. Ma’lum vaqtdan keyin jamoa nomini “Pomir” deb o‘zgartirishdi. “Pomir” bir necha bor sovrindorlar qatoridan o‘rin oldi.
1976 yilda bugungi “Xo‘jand” jamoasi tashkil topdi. Jamoaning birinchi murabbiyi sport ustasi Vladimir Burin. Aynan o‘sha yili Markaziy Osiyo chempionati (“B” klass) yo‘lga qo‘yildi. “Xo‘jand” klubi ushbu musobaqada 15 yil ishtirok etdi.
Tojikiston mustaqillikka erishgach, “Xo‘jand” o‘z mamlakati chempionatida muntazam qatnashib kelmoqda va bugungi kunga qadar ko‘plab yutuqlarga erishdi.
Bugungi kunda raqibimiz Tojikiston chempionatining 13-turidan keyin 20 ochko to‘plagan holda 2-o‘rinda bormoqda. Tojikiston birinchiligida 8 ta klub ishtirok etadi. Xo‘jandliklar shu kunga qadar chempionatda 22 ta to‘p kiritishga muvaffaq bo‘lishdi.
Raqibimizning transfer narxi
Dunyoga mashhur transfermarkt.de saytining ma’lumotiga ko‘ra, “Xo‘jand” jamoasining taxminiy transfer narxi 650 ming yevroni tashkil etmoqda. Jamoaning eng qimmatbaho o‘yinchisi Davron Ergashevdir. 1988 yilda tug‘ilgan ushbu yarim himoyachining taxminiy transfer bahosi 300 ming yevroga teng. Yana bir futbolchi Jahongir Aliyevning taxminiy transfer narxi 150 ming yevro deb baholangan.
MA’LUMOT UCHUN:
“Xo‘jand” futbol klubi.
Tashkil topgan yili: 1976.
Klub Prezidenti: Rajabboy Ahmadzoda.
Ijrochi direktor: Murodjon Umarov.
Laqabi: Xo‘jandliklar, Shimoliklar, So‘g‘diylar.
Shahar: Xo‘jand.
Rasmiy veb-sayt: fc-khujand.tj.
Stadioni: Mustaqillikning 20 yilligi.
Stadion sig‘imi: 25 000
Bosh murabbiy: Vitaliy Levchenko.
Jamoa sardori: Manuchehr Ahmedov.
JAMOANING ERISHGAN YUTUQLARI:
Tojikiston chempionati kumush medal sohibi (6):
1998, 2002, 2003, 2015, 2017, 2018.
Tojikiston chempionati bronza medal sohibi (5):
1996, 1997, 2000, 2008, 2009.
Tojikiston kubogi g‘olibi (4): 1998, 2002, 2008, 2017.
Tojikiston kubogi finalchisi (2): 1997, 2010.
Jamoa tarkibi:
DARVOZABONLAR
1. Daler Barotov
13. Mo‘minjon Gadoyboyev
91. David Kupatadze (Gruziya)
HIMOYACHILAR
2. Sohibjon Hakimov
4. Davronjon Ergashev
5. Parviz Bokiyev
14. Oybek Abdug‘aforov
21. Firdavs Chakalov
22. Manuchehr Ahmedov
44. Asil Begimqulov (O‘zbekiston)
YARIM HIMOYACHILAR
6. Hojiboy Ziyoyev
7. Komron Mirzonajod
8. Baxtiyor Choriyev
11. Amirjon Rahimov
18. Parviz Aliyev
23. Dilshod Karimov
HUJUMCHILAR
10. Dilshod Bozorov
11. Tursunali Rustamov (Qirg‘iziston)
15. Damir Azimov
17. Dilshod Vasiyev
62. Jahongir Ergashev
Ҳасанали ота
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
FCB.UZ — бу «Барселона»
Шуҳрат Шокиржонов
Шерзод Ражабов
Қаҳрамон Асланов
