Italiya chempionatining 7-turi doirasida "Milan" safarda "Jenoa" klubi mehmoni bo‘ldi.
Birinchi bo‘limni genuyaliklar faol o‘tkazishdi va bir nechta xavfli vaziyatlar yaratishdi. Taym tugashiga 4 daqiqa qolganida "Jenoa" yarim himoyachisi Lasse Shyone jarimadan zarba yo‘lladi. Pepe Reyna shundoqqina qo‘liga kelib tushayotgan to‘pni o‘tkazib yubordi.
Futbolchilar tanaffus uchun maydondan chiqib ketayotgan paytda hakam mezbonlar futbolchisi Saponarani maydondan chetlatdi. Bu esa ikkinchi bo‘limda "Milan"ga qo‘l keldi. Taym boshida ular jarima zarbasini tezkorlik bilan amalga oshirishdi. Teo Ernandes chap qanotdan jarima maydonchasiga kirib borib, o‘tkir burchak ostida zarba yo‘lladi. To‘p darvozabonning qo‘liga tegib, to‘rga borib tushdi.
Oradan ko‘p o‘tmasdan hakam VAR yordamida "Jenoa" darvozasi tomon penalti belgilash bilan birgalikda himoyachi Biraskiga to‘g‘ridan-to‘g‘ri qizil kartochka ko‘rsatdi. Kessie esa 11 metrli jarima zarbasidan unumli foydalanib, "rossoneri"ni hisobda oldinga olib chiqdi.
Uchrashuvning 79-daqiqasida "Milan" himoyachisi Kalabriya ikkinchi ogohlantirishni oldi va maydonni tark etdi. "Jenoa" esa bir kishi kam bo‘lib qolganiga qaramay oldinga tashlandi. Natijada o‘yinga qo‘shib berilgan daqiqalarda ular penalti ishlashdi. Penaltidan yo‘llangan zarbani Reyna qaytardi va jamoasining g‘alabasini saqlab qoldi.
Ushbu g‘alabadan keyin "Milan" o‘z ochkolarini 9taga yetkazib, 11-o‘ringa ko‘tarilib oldi.
Italiya A seriyasi, 7-tur
Jenoa – Milan 1:2 (1:0, 0:2)
Gollar: 1:0 – 41 Shyone, 1:1 – 51 Teo, 1:2 – 57, penalti Kessie.
Jenoa – Radu, Gilyone, Sapata, Romero, Payach, Shyone, Lerager (Pandev, 88), Radovanovich, Krishito (Biraski, 11), Pinamonti (Favilli, 73), Kuame.
Milan – Reyna, Romanyoli, Kalabriya, Teo, Leo Duarte, Bigliya, Kessie, Bonaventura (Konti, 81), Chalxanoglu (Lukas Paketa, 46), Suso, Piontek (Rafael Leau, 46).
Ogohlantirishlar: Sapata (23), Kalabriya (43), Bigliya (62), Lerager (64), Shyone (67), Lukas Paketa (84), Romero (88).
Chetlatishlar: Saponara (45+2), Biraski (56), Kalabriya (79), Kastilyexo (o‘yindan keyin).
Noaniq penalti: Shyone (90+3, darvozabon)
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
