Olmaliq shahrida ayollar o‘rtasida O‘zPFL Liga Kubogining 5-7-o‘rinlar uchun bahslari davom etmoqda. Farg‘onaning "Neftchi" jamoasi sababsiz musobaqaga yetib kelmaganligi uchun turnirda uchta jamoa ishtirok etyapti. Kecha Termizning "Surxon" jamoasi maydon egalari AGMK-W2 jamoasini 2:1 hisobida mag‘lub etib, imkoniyatlarini yaxshilab olgan edi.
Bugun tur o‘yinlari davom etdi. Unda "Surxon-W" va "Buxoro-W" jamoalari o‘zaro kuch sinashishdi. Uchrashuvning 73-daqiqasida buxoroliklar jarima maydonlari ichida o‘yin qoidasini buzishdi. 11 metrli jarima zarbasini esa Dilafruz Toshpo‘latova aniq amalga oshirib, hisobni ochdi. Shu tariqa termizliklar muddatidan oldin beshinchi o‘rinni qo‘lga kiritdi.
Ertaga bo‘lib o‘tadigan "Buxoro-W" va AGMK-W2 jamoalari uchrashuvi oltinchi o‘rin egasini aniqlab beradi. Musobaqa g‘olibligi uchun kechadigan asosiy bahslar esa 14 noyabr kuni start oladi. Unda "Navbahor" (Namangan), "Andijanka" (Andijon), "Dinamo" (Samarqand) hamda "Sho‘rtan" (G‘uzor) jamoalari kuarsh olib borishadi.
Ayollar futboli bo‘yicha O‘zPFL Liga kubogi
12 noyabr, seshanba
SURXON-W– BUXORO-W 1:0
Olmaliq. OKMK sport majmuasi 31 tomoshabin
Hakamlar: Kristina Borisova, Aleksandra Konchikova, Darya Snetkova
Nazoratchi: N. Ro‘zimov
Komissar: Oybek Yunusov
Gol: Dilafruz Toshpo‘latova, 73 penaltidan (1:0)
Ogohlantirishlar: Fazilat Merganova, 53 – yo‘q.