Saudiyaliklardan uchralgan mag‘lubiyatdan hali o‘zlariga kelib ulgurmagan muxlislar bu safar Falastin haqida o‘ylashlariga to‘g‘ri keladi. Yuqorida nega aynan muxlislar deb ta’kidlaganimni tushungan bo‘lsangiz kerak, chunki o‘yinchilar va futbolga aloqador shaxslardanda ko‘ra jonkuyar — bu muxlislar. 14 noyabr “Paxtakor” stadionini “yondirib” bergan muxlislar bu alohida mavzu, mayli bu haqida keyinroq to‘xtalamiz.
Bugun 19 noyabr O‘zbekiston terma jamoasi saralashdagi navbatdagi uchrashuvini o‘tkazadi, bu safargi "o‘ljamiz" futboli “uchish”ni boshlayotgan Falastin. Yodingizda bo‘lsa kerak, birinchi davradagi "tasodifiy" mag‘lubiyatimizga aynan ushbu terma jamoaning sa’y-harakatlari sabab bo‘lgandi. Bahona esa sun’iy qoplamali maydon. Bu safar-chi,ko‘ramiz ...!
Bugun stadion to‘lmasligi mumkin. Saudiya bilan o‘yindan oldin, yaxshi niyatlar ila bira to‘la Falastinga ham chipta olganlar, kuyib qolmaslik uchun kirishlari mumkin bo‘lsa, bugungi o‘yin uchun shu paytgacha yana besh mingta chipta sotilgan. Jami 8 ming atrofida chiptalar sotilgani haqida ma’lumotlar bor. Qisqa qilib aytganda, bu safar muxlislarning aksariyati bevosita oynayi jahon orqali o‘yinni kuzatib borishadi.
Baribir muxlisligimga boramanda, yana fikrlarim muxlislar bilan qorishib ketmoqda. Keling, bugungi o‘yin haqida gapiray. Terma jamoa ichki muhiti suv quyganday jim-jit, kayfiyatlar a’lo, keraksiz Krimesni hisobga olmasak hech kimni jarohat bezovta qilmayapti. Falastinning murabbiy-u shogirdlarida ham hammasi joyida, menimcha keragidan ham ortiqroq. Demak, hammasini soat 17:00 dan 19:00 gacha bo‘lgan vaqt hal qiladi. Tan olib aytaylik, bugun yaqqol favoritmiz, shundan kelib chiqib aytsak, bugun kamida yirik hisobdagi g‘alabani kutishga haqqimiz bordir, axir... Lekin tanganing ikkinchi tomonini olib qarasak, taxminan yurtida siyosiy ziddiyat bo‘layotgan Falastin ham bugun osonlikcha mag‘lubiyatni sovg‘a qilish uchun Toshkentga kelmagan. Mantiqan olib qarasak, faqat g‘alaba kerak ularga ham. Qani kutaylikchi, bir gap bo‘lar.
Qisqa qilib aytsam, barcha mutassaddilar revansh vaqti keldi, muxlislar oldidagi qarzimizni uzamiz deya baralla gapirmoqda. Bunga haqli albatta. Biz muxlislar nima ham qilardik. Kutamiz...
O‘yindan so‘ng biz yana qaytamiz...
Olg‘a, O‘zbekiston!
Ibrohimov Isroiljon
Muxlis.
Dinamo
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
