Superliganing so‘nggi 26-turida bo‘lib o‘tgan “Nasaf” – “Dinamo” uchrashuvidan keyingi matbuot anjumanining ikkinchi qismida jamoamiz ustozi Ro‘ziqul Berdiyev o‘z fikrlarini bildirib o‘tdi.
— Bugungi o‘yin haqida nima deyish mumkin? Biz bugun muxlislarimizni xursand eta olmadik. Bu bellashuv nafaqat Samarqand jamoasi uchun, balki biz uchun ham muhim edi. Mavsumni 5 o‘rinda yakunlashda bizda imkoniyat bor edi. Buni yigitlarga uqtirgan edim. Bugungi natija uchun yigitlarga alohida “rahmat” aytmoqchiman. Futbolchilarimdan bu darajadagi futbolni umuman kutmagan edim. Yechinish xonasida ham ular bilan jiddiy gaplashib oldik. Agar ular futbolda o‘smoqchi bo‘lishsa, harakat qilishlari kerak. Bugun ko‘rsatgan o‘yinimiz mag‘lubiyatga loyiq edi. Bugun biz hujum chizig‘isiz o‘ynagandek bo‘ldik. Butun mavsum mobaynida bizni qo‘llab turgan muxlislarga alohida rahmat aytmoqchiman.
— “Dinamo” jamoasi bugun tartibli o‘yin evaziga g‘alaba qozondi. Jamoaga Tachmurod Agamurodov kelgandan so‘ng “Dinamo” tartibli futbol namoyish eta boshladi. Ular tartibli harakat qilganlari uchun biz deyarli vaziyat yarata olmadik. Bugun ko‘proq samarqandliklarning g‘alabasiga biz sababchi bo‘ldik. Futbolchilarimiz bugun sust harakat qilishdi. Yosh jamoamiz g‘alaba qozonib mavsumni 5-o‘rinda tugatsa, bu biz uchun ajoyib natija bo‘lardi. Biz bugun uchun alamli mag‘lubiyatga uchradik, buni o‘zimiz ham tushunib turibmiz.
— “Navbahor” jamoasidan futbolchilarimizga jiddiy takliflar bo‘ldi. Bundan tashqari “Paxtakor” jamoasidan ham qiziqishlar bor. Lekin bularni barchasini amalga oshish-oshmasligini vaqt ko‘rsatadi. Bu haqida rahbariyat bilan muhokama qilamiz. O‘ylaymanki, bu futbolchilarni klub osonlikcha qo‘yib yubormaydi. Yosh futbolchilarimiz o‘sayabdi, ularga takliflar bo‘lishi tabiiy.
— Yangi homiy haqida gap bo‘ldi (Enter-engineering). Bu ishlar amalga oshsa, klubimiz jiddiy o‘zgarishlar qilishi kerak bo‘ladi. Bizga saviyali futbolchilar zarur bo‘ladi. Bu haqida rahbariyatga ham aytamiz. Chunki har bir o‘yinda mukammal harakat qilish uchun yaxshi tarkibga ega bo‘lish kerak. O‘zingiz guvohi bo‘ldinglar, yosh jamoa bilan mavsum davomida barqaror o‘ynamadik. Qaysidir bellashuvlarda yaxshi harkat qildik, qaysidirlarida esa aksincha. Mana bugungi bahsda ham futbolchilarning ruhiy tarafdan kuchsizligi tabloda o‘z natijasini aks ettirdi. O‘ylaymanki, yangi mavsumda hammasi boshqacha bo‘ladi. Jamoa oldiga katta maqsadlar qo‘yadi. Chunki bizning muxlislarimiz jamoa yuqori o‘rinlarga kurashib, xalqaro turnirlarda ishtirok etishiga o‘rganishgan.
Olimpik
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
