Ushbu ruknimizdagi eng so‘nggi yangiliklar bilan tanishtirishda davom etamiz.
“Arsenal”ga himoyachi kerak
Londonning “Arsenal” jamoasi qishki transferlar chog‘ida markaziy himoyachi harid qilishni rejalashtirmoqda.
Taniqli jurnalist Nikola Shira bergan ma’lumotlariga qaraganda, “kononirlar” nishonida “Flamengo” himoyachisi Pablo Mari turibdi.
Klub seleksiya hizmati arzon, biroq ishonch variant topganiga qoyil qolmaslikning iloji yo‘q. 26 yoshli himoyachining transfer qiymati 10 million yevroni tashkil etmoqda.
Ayni damda himoyachi o‘z agenti bilan Londonda tibiiy ko‘rikdan o‘tmoqda. Agar barchasi ko‘ngildagidek o‘tsa, yangi hafta boshida uning transferi rasman e’lon qilinadi.
“Monako”dan kutilmagan qaror
Kataloniyaning “Barselona” jamoasi qishki transferlar chog‘ida Suaresning o‘rnini to‘ldirish uchun hujumchi izlashda davom etmoqda.
“Footmercato” nashri bergan xabarlarga qaraganda, jamoa “Monako” hujumchi Visam Ben Yedderni o‘z safiga qo‘shib olishni rejalashtirgan ekan, biroq fransuz klubi o‘z yetakchisini qo‘yib yuborishdan bosh tortgan.
Eng qizig‘i shundaki, klub Ben Yedder uchun “Barselona” tomonidan 80 million yevro taklif qilinganini yashirib o‘tirmayapti. Hujumchining o‘zi “Barselona”ga o‘tishni istamoqda, biroq mavsumning eng qizg‘in pallasida “Monako” o‘z snayperini hech qayerga qo‘yib yubormasligi kundek ravshanlashib bormoqda.
Pyontek “Milan”da qoladimi?
Milanning “Milan” jamoasi hujumchisi Kshishtof Pyontek qishki transfer oynasi chog‘ida o‘z jamoasini o‘zgartishi mumkin. Bu haqida Italiyaning bir nechta nashrlari ma’lum qilmoqda.
Kuni kecha “rossoneri”lar hujumchisi uchun Londonning “Tottenhem” jamoasi rasmiy taklif bilan chiqdi. Manbaning ma’lum qilishicha, “shporlar” Kshishtof uchun 30 million funt sterlingdan voz kechishga tayyor ekanliklarini ma’lum qilishgan. Bu summa “Milan”ni yuz foiz qoniqtirmoqda. Agar tumanli albion vakillari hujumchi bilan shaxsiy shartnoma borasida ham kelishuvga erishsa, kelasi hafta polyak Londonga ko‘chib o‘tadi.
“Bo‘rilar” yetakchisini sotmoqchi
Angliyaning “Vulverhempton” klubi safiadagi o‘yinlari bilan barchaning e’tiboriga tushgan Adama Traorega bir nechta klublar qiziqish bildirayotganidan xabaringiz bor.
“The Mirror” nashri bergan ma’lumotlarga qaraganda, “bo‘rilar” o‘z yetakchsini sotib yuborishga qarshi emas. Manbaning ma’lum qilishicha, “Vulverhempton” jamoasi yozda o‘z futbolchisini auksion ko‘rinishida pullash orqali katta daromad olmoqchi.
Ayni damda ispaniyalik futbolchi uchun “Barselona”, “Liverpul” va “Roma” klublaridan takliflar mavjud. Klub bu jamoalarning qay biri kattaroq pul taklif qilsa, Adamani o‘sha jamaoga sotishga qaror qildi. Futbolchining o‘zi APLda qolishni istamoqda, biroq shaxsiy shartnoma bandlariga ko‘ra, uning yangi jamaosi nomini “Vulverhempton” aniqlab berishi lozim.
Bugungi kunga kelib, Transfermarket portali Traoreni 28 million yevroga baholayotgan bo‘lsada, uni qo‘lga kiritishni istagan klublar 50 million yevro atrofida pul sarf etishlari lozim.
SSKA hujumchisi APLga o‘tmaydi
Moskvaning SSKA jamoasi hujumchisi Fyodor Chalov qishki transferlar chog‘ida tumanli albionga yo‘l olishi haqidagi mish-mishlarga barham berildi.
Britaniya nashrlarining xabar berishicha, hujumchi borasida Londonning bir yo‘la ikki klubi “Vest Hem” va “Chelsi” jamoalari muzokaralar olib borgan bo‘lsada, “armiyachilar”ning “ochko‘zligi” jarayonga yakuniy nuqtani qo‘ygan.
Gap shundaki, klub o‘z hujumchisini avvaliga ijaraga berishdan bosh tortgan bo‘lsa, keyinroq 12 million yevrolik taklifni rad etgan. SSKA Chalovning transferidan 25 million yevro ishlab olishni reja qilgan edi, biroq APL jamoalari 21 yoshli futbolchi uchun bu summani to‘lashni istamadi. “Chelsi” Chalov uchun 25 million yevro to‘lagandan ko‘ra, Edinson Kavani uchun 25 million yevrodan voz kechishni avzalroq ko‘rdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
