Ushbu ruknimizdagi eng so‘nggi yangiliklar bilan tanishtirishda davom etamiz.
“Bavariya” Alfonso Devisni saqlab qolmoqchi
Myunhenning “Bavariya” jamoasi so‘nggi kunlarda barchaning e’tibor markazida turgan universal vinger Alfonso Devis bilan o‘rtadagi shartnomani uzaytirmoqchi. “Bild” nashri bergan xabarlarga ko‘ra, klub futbolchining agenti bilan muzokaralarini birinchi qismini allaqachon boshlab yuborgan.
Manbaning ma’lum qilishicha, “Bavariya” futbolchi bilan o‘rtadagi shartnomani 2025-yilga qadar cho‘zishni reja qilgan.
Eslatib o‘tamiz, Alfonso Devis ushbu mavsumda 26 ta o‘yinda maydonga tushdi va o‘z hisobiga 1 ta gol va 7 ta assistni yozib qo‘ydi.
“Milan” Argentinalik futbolchini sotib oladi
Italiyaning “Milan” jamoasi yozda o‘z tarkibiga Argentinaning “Rasing” jamoasi yarim himoyachisini qo‘shib olmoqchi.
Federiko Matias Saracho “Milan” bilan shaxsiy shartnoma borasida kelishuvga erishib bo‘ldi. Endi ikki klub transfer summasi borasida so‘nggi qarorni qabul qilsa bo‘lgani.
“Calciomercato”ning xabar berishicha, “Rossoneri”lar yarim himoyachi uchun “Rasing”ga 15 million yevro to‘lamoqchi, biroq “Rasing” Fedeni 25 milliondan kamiga qo‘yib yuborishni istamayapti. Muzokaralar davom etmoqda.
Eslatib o‘tamiz, Federiko Matias Saracho ushbu mavsumda 17 ta o‘yinda maydonga tushdi va o‘z hisobiga 4 ta gol yozib qo‘ydi.
“Chelsi” himoyachi olmoqchi
Angliyaning “Chelsi” jamoasi ustozi Frenk Lempard yozda himoyachi sotib olmoqchi. Murabbiy bu mavsumdagi himoyachilarning o‘yinlaridan ko‘ngli to‘lmayatganini yashirib o‘tirmayapti.
“Mirror” bergan xabarlarga ko‘ra, Frenk “RB Leypsig” himoyachisi Dayot Upamekanoni jamoasida ko‘rishni istamoqda. Manbaning ma’lum qilishicha, himoyachi uchun “Chelsi” 60 milliondan voz kechishga tayyor.
Shuningdek, Dayotning hizmatlari bilan “Bavariya” va “Arsenal” jamoalari ham qiziqish bildirishmoqda.
Dibala va “Yuventus” kelisha olmayapti
Ayni damda “Yuventus” Paulo Dibala bilan tuzilgan shartnomani yangilash borasida muzokaralar o‘tkazayotganidan xabaringiz bor. Turin super klubi argentinalik hujumchini 2025-yilga qadar jamoa safida olib qolishni istamoqda.
Jurnalist Nikola Skrinining ma’lum qilishicha, ayni damda muzokaralar to‘xtab qolgan. Bunga sabab sifatida Dibalaning kattaroq maosh so‘rayotgani deb izoh bermoqda Nikola Skrini. Dibala yiliga 12 million yevro maosh olishni istamoqda. “Zebra”lar taklif qilgan 9 millionlik shartnoma futbolchini qoniqtirmagan.
Eslatib o‘tamiz, Dibala va “Yuventus” o‘rtasidagi shartnoma 2022-yilda o‘z yakuniga yetadi.
“Manchester Yunayted”dan BOOM bo‘ladimi?
“EveningNews” nashri bergan xabarlarga ko‘ra, “qizil iblislar” “Aston Villa” sardori Jek Grilishni qo‘lga kiritish ishlarini boshlab yuborgan. Manbaning ma’lum qilishicha, “Yunayted” Grilish borasida “Aston Villa” bilan muzokaralar olib bormoqda. Klub Birmingem jamoasini ertaroq ko‘ndirish orqalEslatib o‘tamiz, Grilish ushbu mavsumda APLning 25 ta uchrashuvida maydonga tushdi va o‘z xisobiga 7 ta gol yozib qo‘ydi. Shuningdek, uning xisobida 6 ta assist ham mavjud.i Grilishni yozning ilk kunlaridayoq jamoaga qo‘shib olmoqchi.
24 yoshli futbolchining tavon puli 45 million yevroga teng bo‘lgani bois, “Manchester Yunayted” uni hoziroq to‘lashga tayyor ekanligini ma’lum qilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
