Yevropa chempionatining keyingi yilga qoldirilganidan xabaringiz bor. UEFA tomonidan qabul qilingan qaror muxlislarni ranjitgani rost, biroq bugungi ro‘yxatimizdagi futbolchilar bundan mustasno…
Nikola Zaniola
“Roma”ning yangi yulduzi yanvaryoyida “Yuventus”ga qarshi uchrashuvda oyoq suyaklarini sindirib olgan edi. Doktor Mariane tomonidan “Villa Styuart” klinikasida jarrohlik stoliga yotgan futbolchi hozirda tiklanish bilan band. Aslida uning jarohatdan to‘liq forig‘ bo‘lishi uchun yana kamida 5-6 oy kerakligi bois, Italiya bilan Yevroga bormasligi aniq bo‘lib ulgurgan edi. Voqealarning bunday ko‘rinish olishi futbolchi uchun ikkinchi imkoniyatni taqdim etmoqda. Endilikda futbolchi nafaqat Yevro, balki A seriyaning hal qiluvchi turlarida ham maydonga tushish imkoniyatiga ega.
Usmon Dembele
Umuman olganda,Dembelening “Barselona”dagi ishlari sira yurishmayapti. Fransiya terma jamoasi bilan JCH g‘olibligini qo‘lga kiritgan futbolchi top darajada ekanligiga hech kimda shubha yo‘q. Xatto fransuz muxlislari uning jarohatlar bilan o‘ralashib qolganida Kataloniya klubini ham ayblashgacha borishdi. Fevralyoyida futbolchinining tizzasi Finlyandiyada operasiya qilindi. Uning yana futbolga qaytishi bahorning so‘nggi kunlariga to‘g‘ri kelgani bois, “Barselona” Martin Breytueytni xarid qildi. Endilikda, Usmon tiklanish va yana sport formasini qaytarish bilan ovora. To‘g‘risi, bu uning karyerasidagi eng omadli pauza bo‘ldi. Bundan oqilona foydalanish zarur.
Eden Azar
Fevral oyining so‘nggi kunlarida “Real Madrid” “Levante”ga qarshi maydonga tushdi va qimmatli ochkolardan ayrildi. Bu ham yetmaganidek, jamoning eng qimmat futbolchisi – Eden Azar ham jiddiy jarohat bilan uchrashuvni erta tugatdi. Shifokorlar Eden uchun mavsum yakunlanganini e’lon qilishmagan bo‘lsa-da, futbolchi bu mavsumda o‘z formasini tiklab olishga ulgurmasligi aniq edi. AQSHda muvaffaqiyatli operasiya qilingan futbolchi formasini tiklay olmasa ham Yevroda qatnashishi mumkin edi, biroq endi unda hal qiluvchi musobaqaga o‘zining eng yaxshi formasida borish imkoniyati paydo bo‘ldi.
Xarri Keyn
Keynsiz qolgan “Tottenhem” juda ojizlanib qolgani bor gap. Angliya terma jamoasida ham bugungi kunda Keyndan kuchliroq hujumchi yo‘qligini barcha yaxshi anglab turibdi. Shu sababli, ushbu futbolchining safga qaytishiga imkon bergani uchun inglizlar Yevro-2020ning qoldirilganidan sira ranjishmadi. Shu o‘rinda Xarrining mehnatsevarligini ham alohida qayd etib o‘tish joiz. Futbolchi allaqachon to‘p bilan ishlashni boshlab yuborgan. Aytishlaricha,u aprelyoyida to‘liq jarohatidan forig‘ bo‘ladi. Musobaqaning qoldirilishi esa, uning o‘z formasini tiklab olishi uchun juda yaxshi imkoniyat ekanligi haqiqat.
Markus Reshford
Angliya terma jamoasi uchun muhim bo‘lgan yana bir kerakli kadr. Markusning Yevroni o‘tkazib yuborishi ma’lum bo‘lgach, inglizlar Jeymi Vardini terma jamoaga qaytarish ishlarini boshlab yuborishgan edi. 2018-yilda terma jamoadagi faoliyatini yakunlagan Vardini bezovta qilishning hojati yo‘q. Reshford 2021-yilga qadar barcha jarohatlaridan qutilishi aniq.
Memfis Depay
Ijtimoiy tarmoqlarda juda mashhur bo‘lgan futbolchining Gollandiya terma jamoasi uchun qanchalar muhim figura ekanligidan xabaringiz bor. Butun boshli qanotga javob beruvchi futbolchi Yevropa chempionatidan quruq qolishi haqidagi xabar “lolalar yurti” muxlislarini xafa qilgan edi, biroq qit’a birinchiligi kelasi yilga qoldirildi. Endilikda, Depay nafaqat jarohatdan qutilishi, balki o‘zining eng yaxshi sport formasiga kirib olishi uchun ham yetarlicha vaqt mavjud.
Jenk Tosun
“Everton”dan “qochib ketgan” turk “Kristal Pelas” safida debyut uchrashuvidayoq gol urishga muvaffaq bo‘lgan edi. Afsuski, u keyin yana jarohat oldi. Yakunda baribir yana “Liverpul”shaxriga qaytib keldi va jarrohlik stoliga yotdi. Shu o‘rinda,uning Turkiya terma jamoasi uchun juda muhim futbolchi ekanligini aytib o‘tish joiz. Yangilangan va yoshartirilgan jamoada Tosun yetakchilik qilishi ko‘zda tutilgan edi. Yaxshiyamki,musobaqa kelasi yili o‘tkaziladi. Aks holda, Turkiya Yevropa chempionatini chinakam yetakchi futbolchisisiz o‘tkazishi to‘g‘ri kelgan bo‘lar edi.
Jo Allen
Uelslik yarim himoyachi yodingizdami? Ayni damda Chempionshipda “javlon urayotgan” bo‘lishiga qaramay, Uels terma jamoasining asosiy futbolchilaridan biri sanaladi. O‘tgan oyda boldir suyagini sindirib olgach, yarim himoyachining Yevroni o‘tkazib yuborishi aniq bo‘lib ulgurgan edi. Bugunga kelib unda Yevropa birinchiligida ishtirok etish uchun Beyldan ko‘ra yaxshiroq imkoniyat mavjud.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
