“Manchester Yunayted” Saul uchun qancha to‘lamoqchi?
Angliyaning “Manchester Yunayted” klubi “Atletiko” yarim himoyachisi Saul Nigez uchun 150 million yevro to‘lamasligi aniq bo‘ldi.
“AS” nashri malum qilishicha, “qizil iblislar” ispaniyalik futbolchining transferiga 80 million yevro ajratadi.
Manba bergan xabarlarga qaraganda, yozda 25 yoshli futbolchi uchun kurashga “Manchester Siti” ham qo‘shilishi kutilmoqda. “Shaxarliklar” aynan Saulni David Silvaning o‘rinbosari sifatida ko‘rishmoqda.
“Barselona” hujumchisi APLga o‘tishi mumkin
Taniqli “DailyMail” nashri bergan xabarlarga qaraganda, “Barselona” forvordi Martin Breytueyt yozda “Vest Hem” klubi a’zosi bo‘lishi mumkin.
Manba ma’lum qilishicha, “bolg‘achilar” “ko‘k-anor” rangililarga daniyalik futbolchi uchun 15 million yevro taklif qilishni rejalashtirmoqda.
Eslatib o‘tamiz, Martin shuningdek “Everton” va “Valensiya” klubilarining ham nishonida turibdi.
Kloppga fulbek kerak
“Liverpul” ustozi Yurgen Klopp qanot himoyachisi sotib olishni istamoqda.
“TaemTalk” nashri bergan xabarlarga suyanadigan bo‘lsak, Klopp PSJ qanot himoyachisi Levin Kurzava bilan shartnoma tuzishni istamoqda.
Germaniyalik murabbiy shu yo‘sinda Trend va Robertsonlar uchun sog‘lom raqobatni yo‘lga qo‘ymoqchi. Aytish joizki, Kurzava ikkita qanotda ham bir hil harakatlanishga qodir futbolchilar sirasiga kiradi.
Eslatib o‘tamiz, fransiyalik futbolchi PSJni yozda erkin agent maqomida tark etadi.
“Arsenal”ga ispan kerak
“Diario Sport” nashri bergan xabarlarga qaraganda, Londonning “Arsenal” klubi “Real Madrid”dan ijaraga olingan Dani Sebalosni sotib olish fikridan voz kechgan.“Koninirlar” endilikda bor e’tiborini “Espanyol” yarim himoyachisi Marko Rokaga qaratadi.
Manbaning ma’lum qilishicha, “Arsenal” sport direktori koronavirus pandemiyasi chekinishi bilan transfer borasida muzokaralarga kirishadi.
Getse Bundesligada qolmoqchi emas
Yozda “Borussiya Dortmund” jamoasini erkin agent maqomida tark etishi kutilayotgan Mario Getse faoliyatini Bundesligada davom ettirishni istamayapti.
“Bild” nashri bergan xabarlarga ko‘ra, yarim himoyachi “kuchli beshlik”da harakat qiluvchi klublardan birida o‘zini sinab ko‘rmoqchi.
Ayni damda, 27 yoshli futbolchiga “Everton”, “Napoli”, “Milan” va “Vest Hem” klublari taklif bilan chiqqan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
