Stadion.uz yaqin yillarda dunyoning eng kuchli himoyachilaridan biriga aylanishga juda yaqin turgan yosh va iqtidorli futbolchilar bilan tanishtirib o‘tadi.
O‘zan Kabak
20 yoshli turk himoyachi uchun “Shalke-04” 15 million yevrodan voz kechganida, muxlis va mutaxassislar hayron qolishgan edi. Endilikda, O‘zan statistik ma’lumotlarga ko‘ra Bundesliganing eng foydali himoyachisiga aylanib bormoqda. To‘p uchun kurashda faol, chaqqon va ikkinchi qavatda deyarli tengsiz bo‘lgan Kabakning atrofida allaqachon grand jamoalar “o‘ralashib” yuribdi. To‘p uchun kurashlarning 72(!) foizida yutib chiqayotgan iqtidorli himoyachining o‘yinlarini bir necha bor “Manchester Siti” va “Barselona” klubi skautlari stadiondan turib tomosha qilishga ham ulgurishdi. Katta ehtimol bilan, qahramonimiz yana bir mavsum “Shalke” safida to‘p suradi va yaxshigina summa evaziga Bundesligani tark etadi.
Vilyam Saliba
Transfer huquqi “Arsenal”ga tegishli bo‘lsa-da, Saliba Fransiyaning “Sent-Etyen” klubi safida ijara asosida to‘p tepmoqda. E’tiborli shundaki, Londonda o‘zini ko‘rsata olmagan himoyachi vatanida futbolchi sifatida jadallik bilan o‘sib kelmqoda. Bu mavsumda qahramonimiz har bir o‘yinda o‘rtacha havodagi kurashlarning 2,5,erdagi kurashlarning esa 1,95 tasida g‘olib chiqdi. Bu «Liga 1»dagi eng yaxshi 3 ta ko‘rsatkichdan biri degani. Kamtarin “ Sent-Etyen” himoyachisi uchun juda yaxshi ko‘rsatkich. Bundan tashqari, Salibaning texnikasi juda yaxshi. U o‘yin davomida kuchli pressinda qolib ketsada dribbling yoki fint evaziga vaziyatni yumshatishi va jamoada to‘pni saqlab qolishga urunadi. Eng muhimi, qahramonimiz aniq birinchi uzatmaga ega. Bu bugungi kunda zamonaviy murabbiylar tomonidan himoyachilardan talab qilanayotgan birinchi raqamli vazifa bo‘lib turibdi. Katta ehtimol bilan, Vilyam kelasi mavsumni “Arsenal” safida boshlaydi. Mustafi va Sokratisni transferga qo‘ygan “Arsenal” Fransiyada chinakam progress namoyish etgan futbolchisini ortga qaytarish borasida ish olib borishni ancha avval boshlagan.
Alesandro Bastoni
Antonio Kontening yoqimtoy futbolchisimurabbiy jamoaga kelishibilanoq uning e’tiborini qozondi. Endigina 20 yoshni qarshi olganiga qaramay, Bastoni juda sovuqqon va ehtiyotkor. Uning o‘yinlarini hatto Italiya futboli afsonasi Juzeppe Bergomi ham bir necha bor e’tirof etdi. Maydon bo‘ylab aniq krosslarni amalga oshirayotgan himoyachi bugungi kunda A Seriyaning eng kuchli markaziy himoyachilaridan biri bo‘lib turibdi. Aynan uning ishonchli o‘yinlari sababli Diyego Godin zaxira o‘rindig‘iga mixlanib qoldi. Doimo sovuq bosh bilan to‘p suruvchi himoyachi kelajakda Bonuchchi va Kyellini singari dunyoning eng kuchli klassik markaziy himoyachisi bo‘lib yetishishi aniq. Hozircha, himoyachi uchun “Manchester Siti” 60 million yevro taklif qilgan bo‘lsa-da, “Inter” o‘z “marvaridini” hech kimga sotmoqchi emas. Bastonining o‘zi ham hech qayerga ketishni istamayapti. Shunga qaramay, “Tuttosport” uning Italiyada uzoq ushlanib qolmasligini bashorat qilmoqda. Barchasini vaqt ko‘rsatadi.
Dan-Aksel Zagadu
Bugungi ro‘yxatimizdagi yanabir fransuz himoyachisi. Zagadu mavsumdan mavsumga kuchli va ishonchli himoyachiga aylanib bormoqda. Ayniqsa, Bundesligaga o‘tgach, uning o‘yinida keskin o‘sish kuzatildi. Lusyen Favr futbolchini nafaqat himoyada, balki jamoaviy hujumda ham faol ishtirok etishini talab qilmoqda. Zagadu ham o‘z texnikasi bilan maqtanishi mumkin. Statistik ma’lumotlarga qaraganda, himoyachi har bir uchrashuvda o‘rtacha 1,4 bor aniq aldab o‘tishni amalga oshirmoqda. Bundan tashqari, u Bundesligadagi himoyachilar ichida standard vaziyatlarda barchadan foydaliroq bo‘lib turibdi. “PSJ”da asosan qanot himoyasida ko‘rinish bergan Zagadu endilikda Xummels bilan birgalikda himoya markaziga javob bermoqda. Aslida, uning fantastik tezligi qanotlarda ham to‘p surish imkonini beradi, biroq Favr Zagaduning jismoniy holati va ikkinchi qavatdagi ustunligidan markazda foydalanishni afzal ko‘rmoqda. Umuman olganda, universal himoyachi ham bunga qarshi emas. Dan-Aksel yaqindagina 20 yoshni qarshi oldi. Shunday bo‘lsada, bugun u “Borussiya Dortmund”ning asosiy tarkib futbolchisi sanaladi. Qahramonimiz shu tempda o‘sishda davom etsa, yaqin yillar ichida albatta biror bir grand jamoa libosini kiyishi turgan gap.
Dayo Upamekano
“RB Leypsig” tepasiga Yulian Nagelsmann kelgach, Dayo nafaqat Bundesliganing, balki butun Yevropaning eng yaxshi himoyachilaridan biriga aylanishga muvaffaq bo‘ldi. Upamekano Nagelsmanning ko‘rsatmasiga binoan markaziy yarim himoyachilarga yaqinroq joylashadi va himoya markazida erkin to‘p suradi. Bu bejizga emas, albatta. Dayo paslarining 92 foizi aniq manziliga yetib boradi. Soddaroq qilib aytganda, uning brak uzatmalari deyarli yo‘q. Ishonchli va aniq uzatmalar egasi. Ayniqsa, “Tottenxem”ga qarshi uchrashuvlarda Upamekano zamonaviy futbolga yangi super himoyachi kirib kelayotganini barchaga ko‘rsatib qo‘ydi. O‘sha uchrashuvlardan so‘ng, deyarli barcha grand klublar “buqalar” himoyachisiga ko‘z tikkani rost. Jamoasi to‘p bilan munosabatda bo‘lganida u markazdagi uzatmalarga javob beradi. To‘psiz qolgan chog‘da pressingda juda faol harakat qiladi. Umuman olganda, Dayo istalgan grand jamoa talablariga bemalol javob berishga qodir himoyachi. «Bild» nashri bergan xabarlarga qaraganda, Upamekanoning agenti allaqachon bir nechta nomdor jamoalar bilan muzokaralar o‘tkazishni boshlagan. Himoyachining o‘zi ham allaqachon klub mutasaddilari bilan uchrashgan va o‘zini yozda transferga qo‘yishlari borasida gaplashib olgan. Hozircha, uning qaysi klubga o‘tishi borasidagi savol ochiqligicha qolmoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
