Coca Cola superligasi 6-tur doirasidagi "Qo‘qon-1912" - "Surxon" uchrashuvdan keyingi matbuot anjumanining ikkinchi qismida jamoamiz ustozi Baxtiyor Ashurmatov qatnashdi.
“Surxon” bilan bo‘ladigan o‘yinni murabbiy sifatida hayajon bilan kutayotgandim. Negaki, termizliklar safida Shavkat Salomov, Aleksandr Kasyan, Husniddin G‘ofurov, Bubanya kabi ko‘plab tajribali o‘yinchilar bor edi. Bunday futbolchilar har qanday jamoani kuchaytirishga qodir, deb o‘ylayman.
Lekin bugun shogirdlarimiz o‘zlarining nimalarga qodir ekanliklarini ko‘rsatishdi. Buning uchun ularga o‘z minnatdorchiligimni izhor etaman. Bunday yigitlar bilan har qancha faxrlansak arziydi. Chunki, havo issiq bo‘lishiga qaramay, g‘alaba uchun borlarini berib o‘ynashdi. Futbolchilar jismoniy holatlari yaxshi ekanligini namoyish etishdi. Keyingi o‘yinlar ham bunday tempni saqlab qolishga harakat qilamiz.
Gapni ochig‘i, birinchi bo‘lim og‘ir bo‘layotganiga sabab raqiblarimiz ham birinchi taymda yaxshi o‘ynamoqda, ishnchli himoyalanishoqda. Gol urgandan keyin bizda bo‘sh hududlar paydo bo‘lmoqda va qarshi hujumdan samarali foydalanyapmiz. Hisobni ochguncha futbolchilarda ham bosim bo‘lmoqda. O‘yinni ikki qismga bo‘lishimiz mumkin, gol urguncha va goldan keyin. Gol urib olgach, osonroq bo‘ldi, vaziyatlarni ham ko‘p yaratdik. Birinchi bo‘limdagi o‘yindan ham murabbiy sifatida ko‘nglim to‘ldi. Bugun g‘alabaga mos o‘yin ko‘rsatdik.
Raqib jamoa safida Shavkat Salomov va buydor himoyachilar yaxshi taassurot qoldirishdi. Shunday bo‘lsa-da bugun uchta gol kiritishga erishdik. Bugungi g‘alaba bilan muxlislarimizni tabriklayman.
Muzaffarov bugun o‘yin qaydnomasiga kiritildi. Agar bugun kerak bo‘lganida uni 20-30 daqiqaga maydonga tushirishimiz mumkin edi. Ammo hisob 2:0 bo‘lgach, uni maydonga tushirmadik. Ishonamanki, bu futbolchimiz keyingi o‘yinlarga 100 foiz maydonga tushishga tayyor bo‘ladi.
Biz har o‘yindan oldin raqib o‘yinini murabbiylar va futbolchilar bilan tahlil qilib boramiz. Kerakli tarkibni va taktikani tanlaymiz. Bugungi g‘alabada Zohid Nurmatov, Davron Fayziyev va murabbiylar shtabidagi barchaning hissasi katta bo‘lganini aytib o‘tishim joiz. Rahbarlarimiz ham tayyorgarlik jarayonida bizga barcha sharoitlar yaratib berishmoqda. Ahil jamoa tuzdik. Bugungi o‘yindan keyin shogirdlarimdan faxrlanib ketdim. Bugungi bahs oldidan xavotirim bor edi. Endi safar uchrashuvlarida ham kerakli natijalarni qo‘lga kiritib, muxlislarimizni xursand etamiz, degan umiddaman", — dedi Baxtiyor Ashurmatov.
Al-G‘arafa
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
