AGMK – «Qo‘qon-1912» uchrashuvidan keyingi matbuot anjumanining birinchi qismida mexmonlar bosh murabbiyi Baxtiyor Ashurmatov ishtirok etdi.
– Gapni ochig‘i, kayfiyat tushkun. Birinchi bo‘limni yaxshi o‘tkazdik. Ikkinchi bo‘limni ham yaxshi boshlagan edik.Lekin Sanjar Tursunovning goli futbolchilarga salbiy ta’sir o‘tkazdi. Ushbu gol chempionatning haqiqiy bezagiga aylandi. Yigitlarga rahmat aytaman, oxirgacha durang uchun o‘ynashdi.
Biz ahil jamoa tuzishga muvaffaq bo‘ldik. Bugun ham shogirdlarimga aytgandim. Biz safarda ham ochko yig‘ishni boshlashimiz kerak. To‘g‘ri hozir yuqori o‘rinlarning birida boryapmiz. Ammo bugun asosiy raqiblardan biriga mag‘lub bo‘ldik. Chempionatni ham yuqori o‘rinlarda yakunlashni istasak, mehmonda ham g‘alaba qozonishimiz kerak. Bugun ham yomon o‘ynamadik. Lekin bundan ham yaxshiroq o‘ynashimiz lozim. Gapni ochig‘i, yigitlarda ruhiyatni o‘zgartirishga muvaffaq bo‘ldik. Yigitlarda o‘ziga bo‘lgan ishonchni qaytirishga erishdik. Shuning uchun bugun 2:0 hisobida ortda borayotganimizga qaramay, shogirdlarim kuchli jamoaga qarshi so‘nggi daqiqaga qadar kurash olib borishdi. O‘ylaymanki, jamoamiz potensiali kuchli va biz mavsum yakuniga qadar hozirgi ushbu tempni ushlab turishga harakat qilamiz. Buning uchun mehmonda nafaqat durang balki, g‘alaba uchun ham o‘ynashimiz kerak bo‘ladi.
AGMK o‘yinni ko‘rib chiqqanimizda raqib safida maydon markazini kuchaytiradigan futbolchilar ko‘p ekanligi oydinlashdi. Biz markaziy tayanch himoyamizni kuchaytirish maqsadida Iqbol Malikjonovni maydonga tushirdik. Tanlagan tarkibimiz va taktikamiz o‘zini oqlamadi deya olmayman. Ikkinchi, chiroyli gol o‘yin taqdirini hal etdi.
Mavsum oldida jamoa rahbariyati bilan gaplashganimizda, har yili bo‘ladigan muvaffaqiyatsizliklarni yengib o‘tishimiz va yuqoriroq o‘rinlar uchun tarkibni shakllantirishimiz kerakligini ta’kidlashgandi. Bosqichma-bosqich jamoani shakllantirib, Osiyo Chempionlar ligasida o‘ynaydigan o‘rinlar uchun kurashamiz. Qisqa qilib aytganimda oldimga aniq maqsad qo‘yilmagan, lekin raqboatbardosh jamoa shakllantirishni maqsad qilganmiz. Hozir ishlarimiz yomon emas. Bu yilgi mavsumning o‘zidayoq kuchlilar safiga qo‘shilish uchun kurashmoqchimiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
