AGMK bosh murabbiyi Mirjalol Qosimov "Navbahor"ga (1:1) qarshi o‘yindan keyingi matbuot anjumanida jurnalistlarni qiziqtirgan savollarga javob berdi.
"Ikki bir-biriga munosib jamoa o‘zaro bahslashdi. Birinchi bo‘limda "Navbahor" jamoasi yaxshiroq harakat qildi. Ikkinchi taymda esa jamoamiz o‘yinni kuchaytirib, bahsga tezlik va jangovarlik qo‘shdi. O‘ylashimcha, yakuniy natija, ya’ni durang haqli bo‘ldi. Agarda golimizni ertaroq urganimizda, natija yanada boshqacharoq bo‘lishi mumkin edi. O‘yinni tomosha qilgan muxlislarga futbol yoqdi, deb o‘ylayman. Jamoamiz futbolchilariga esa oxiriga qadar kurashishgani uchun minnatdorchilik bildiraman. Bugun 3 ochkodan mahrum bo‘lishimiz mumkin edi. Yakunda bir ochko bo‘lsa ham topdik. Yarim qadam bo‘lsada oldinga qadam tashladik. Jamoamiz hakam xushtagiga qadar kurashgani uchun 1 ochko bilan bo‘lsada taqdirlandi. Kelasi o‘yinga jiddiy tayyorgarlik ko‘rib, olmaliqlik muxlislarni xursand etishga harakat qilamiz.
Birinchi bo‘limdagi o‘yin? Avvalgi bahslarda, masalan "Loko" bilan ham birinchi taymda yomon o‘ynamagandik. Masalan, "Bavariya"ning ham o‘yini PSJ bilan dastlabki bo‘limda deyarli o‘xshamadi. "Andijon" bilan esa birinchi taymda himoyani yorib kirish qiyin bo‘lgandi. Bugun ham raqibning himoyasini yorib kirish ikkinchi taymda ham qiyin bo‘ldi. Jamoalar, raqiblar har xil. Ulardan kelib chiqib turli taktikalar tanlanadi. Ba’zan har ikki taraf birinchi bo‘limda o‘zaro bir-birini o‘rganadi. Bugun uchrashuv oxiriga borib o‘yinimizni kuchaytirishga erishdik. Bugungi o‘yin natijasini hech qanday sensasiya demagan bo‘lardim.
Futbolda har qanday natija ro‘y berishi mumkin. Yana o‘sha "Bavariya"ni eslasak, bir necha yillar avval finalda 90 daqiqa yutib turib, qo‘shib berilgan daqiqalarda g‘alaba mag‘lubiyatga aylanib ketgandi. Futbol shunisi bilan qiziq. Lekin bugungi o‘yin natijasini sensasiya demagan bo‘lardim. "Navbahor"dagi yo‘qotishlar? Ba’zi asosiy tarkib futbolchilarini hisoblamasa, qolgan futbolchilar o‘ynashdi. Mirzohid G‘ofurov va G‘ulomovni aytmasak, qolgani doim asosiy tarkibda o‘ynab yurgan futbolchilarni ko‘rdim. O‘tgan yili G‘ulomov zaxiradan tushadigan futbolchi edi, to‘g‘rimi? Bugun har taraflama bir-biriga mos jamoalar o‘ynashdi va natija ham adolatli bo‘ldi.
Shorahmedovning tushmagani rotasiya bilan bog‘liq. Unda jarohat yo‘q. Shunchaki har 3-4 kundagi o‘yinlar oralig‘ida imkon qadar ko‘proq rotasiyaga qo‘l urib, endigina jismoniy holatini tiklayotgan futbolchilarga ham asta-sekinlik bilan ko‘nikma beryapmiz. Bizda ham kasallarganlar ko‘p bo‘lgandi. Vaziyatdan kelib chiqib ish tutyapmiz", — deya o‘yindan keyingi fikrlari bilan o‘rtoqlashdi Mirjalol Qosimov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
