Angliyaning «Manchester Yunayted» jamoasi bosh murabbiyi Ole Gunnar Sulsher «Tottenhem»ga qarshi bahs oldidan fikrlari bilan o‘rtoqlashib o‘tdi.
«Tottenhem»ga qarshi uchrashuv haqida
Natija doimo muhim. Biz maydonda qay darajada faol bo‘lsak, natija ham shu darajada biz uchun yoqimli bo‘ladi. Yigitlar tobora sport formasini tiklab bormoqda. Biz uchun bu juda muhim. Ayniqsa, chempionat o‘yinlarida ochko jamg‘arish uchun faol bo‘lishimiz lozim.
Keynni qanday to‘xtatib qolish mumkin?
Xarri ajoyib futbolchi. U ayni damda, sayyoramizdagi eng kuchli markaziy hujumchi, ammo bizning ham o‘zimizning Xarri ismli himoyachimiz bor.
Transferlar haqida
To‘g‘risi, transferlar haqida bosh qotirishni istamayman. Mening bor e’tiborim yakshanba kuni bo‘lib o‘tuvchi uchrashuvga qaratilgan. Klub bizning tarkimiz kuchli bo‘lishi uchun harakat qilmoqda. Agar nimadir sodir bo‘lsa, buni darrov sizlarga ma’lum qilamiz.
Mourinyoning qaltis hazillari haqida
Biz ayni damda juda og‘ir kunlarni boshimizdan o‘tkazyapmiz. Shu bois, biroz ko‘ngilni yozish zarar qilmaydi. Bu shunchaki, so‘zlar xolos. Menga uning intervyulari juda yoqadi. U tug‘ma g‘olib, biroq men uning psixologik o‘yinlarida ishtirok etmoqchi emasman. Men murabbiy sifatida juda hurmat qilaman. Uning futbolga rivoji uchun qo‘shgan hissasi ulkan.
Mourinyo ketgach,jamoa rivojlandimi?
O‘ylashimcha, bu progress haqida men so‘zlashim to‘g‘ri bo‘lmaydi. Mening «Manchester Yunayted»ni kuchaytirish borasida o‘z rejam mavjud. Shu reja asosida ishlashda davom etamiz. Men yosh futbolchilarga imkon berishdan lazzat olaman. Ba’zilar uchun bu progressdek tuyulishi mumkin. Shu bois, bu haqida aynan ular so‘zlagani ma’qul.
Grinvud Angliya terma jamoasiga chaqirilmadi
Meyson Angliya terma jamoasining kelajagi desam, adashmagan bo‘laman. Men uning termaga chaqiruv olmagani haqida hech qanday izoh bermoqchi emasman. Yaqinda Garet Sautgeyt bilan ingliz futbolchilarimiz haqida suhbatlashdim. U bugungi kunda Grivunvudning o‘sishi uchun o‘yin amaliyoti kerak ekanligini aytdi.
Sobiq futbolchilarning tanqidlari haqida
Patris, Rio, Gari va Fletch singari futbolchilar uchun klub eshiklari doimo ochiq. Ular har-xil intervyular berish o‘rniga, men bilan kelib so‘zlashishlari mumkin. Nima ham derdim, ular o‘z vazifasini bajarmoqda. Bu ularning tanlovi.
Butun jamoa yanada kuchliroq bo‘lishni istamoqda. Mening vazifam klubni yanada tepaga olib chiqish. Aynan shu vazifa ustida bosh qotiryapman.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
