Janubiy Amerika mintaqasida futbol bo‘yicha 2022 yilgi Jahon Chempionati saralashining 2-turidan o‘rin olgan uchrashuvlar bo‘lib o‘tdi.
Braziliya terma jamoasi safarda Peru bilan o‘ynadi. Avvaliga peruliklar Andre Karrilyoning golidan keyin oldinga o‘tib oldi. 28-daqiqada Neymar penaltini aniq amalga oshirgan holda muvozanatni tikladi.
Ikkinchi bo‘lim debyutida Renato Tapiya mezbonlarning ikkinchi golini urdi. 64-daqiqada Risharlison hisobni tenglashtirishga erishdi. O‘yin yakunlanishi arafasida Neymar ikkita gol urgan holda jamoasining g‘alabasini ta’minladi.
Argentina terma jamoasi Boliviya maydoniga safar qildi va 2:1 hisobida irodali g‘alabaga erishdi.
Urugvay terma jamoasi Ekvador maydonida mehmon bo‘ldi. Mehmonlar Ekvadorning to‘rtta goliga Luis Suaresning so‘nggi daqiqalarda qayd etgan dubli bilan javob qaytardi.
Yana bir uchrashuv Chili va Kolumbiya terma jamoalari o‘rtasida kechdi. 7-daqiqada Jefferson Lerma hisobni ochdi. Bunga chililiklar birinchi bo‘limda Arturo Vidal va Aleksis Sanchesning goli bilan javob qaytardi. Ikkinchi bo‘limga qo‘shib berilgan daqiqalar o‘tib borayotgan bir vaqtda Radamel Falkao hisobning tenglashtirishga erishdi.
JCH—2022 saralashi, KONMEBOL
2-tur bahslari
14 oktyabr, chorshanba
Peru — Braziliya 2:4
Gollar: 1:0 – 6 Karrilyo, 1:1 – 28, penalti Neymar, 2:1 – 59 Tapiya, 2:2 – 64 Risharlison, 2:3 – 83, penalti Neymar, 2:4 – 90+4 Neymar.
Peru: Galese, Abram, Sambrano, Trauko, Advinkula, Gonsales (Arauxo, 90), Tapiya (Kueva, 90), Yotun, Akino, Karrilyo, Farfan.
Braziliya: Ueverton, Markinyos (Rodrigo Kayo, 12), Lodi (Telles, 69), Danilo, Tiago Silva, Kazemiro, Duglas Luis, Koutinyo (Everton, 69), Neymar, Risharlison, Firmino (Everton Ribeyro, 69).
Ogohlantirishlar: Tapiya (37), Gonsales (54).
Chetlatish: Sambrano (89).
Boliviya — Argentina 1:2
Gollar: 1:0 – 24 Moreno, 1:1 – 45 Martines, 1:2 – 79 Korrea.
Boliviya: Lampe, Torres, Sagredo, Valverde, Karrasko, Kastro (Sespedes, 66), Chumasero (Miranda, 66), Vayyar (Orosko, 83), Kardoso (Arabe, 87), Moreno, Sausedo (Bustamante, 46).
Argentina: Armani, Otamendi, Montiyel, Martines, Talyafiko, de Paul (Dominges, 69), Paredes (Rodriges, 69), Okampos (Korrea, 59), Palasios, Martines (Medina, 89), Messi.
Ogohlantirishlar: Talyafiko (16), Valverde (38), Karrasko (60), Dominges (90), Palasios (90), Torres (90), Moreno (90).
Ekvador — Urugvay 4:2
Gollar: 1:0 – 15 Kaysedo, 2:0 – 45 Estrada, 3:0 – 52 Estrada, 4:0 – 75 Plata, 4:1 – 84, penalti Suares, 4:2 – 90+5, penalti Suares.
Ekvador: Dominges, Estupinyan (Palasios, 74), Arreaga, Arboleda, Presiado, Ibarra (Franko, 69), Grueso, Mena, Valensiya (Plata, 69), Estrada (Kampana, 85), Kaysedo (Noboa, 85).
Urugvay: Kampanya, Vinya, Kaseres, Godin, Arauxo, Valverde (Arambarri, 89), Nandes (de la Krus, 46), Bentankur (Torreyra, 77), Maksi Gomes (Rodriges, 63), Suares, Rodriges (Nunyes, 46).
Ogohlantirishlar: Grueso (37), Palasios (83).
Chili — Kolumbiya 2:2
Gollar: 0:1 – 7 Lerma, 1:1 – 38, penalti Vidal, 2:1 – 41 Sanchesb 2:2 – 90+2 Falkao.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
