Stadion.uz ortda qolgan yevrohaftalikdagi eng qiziqarli voqealarni yodga oladi.
YECHLda ikkita dubl! Yevropa Ligasida 2 ta xet-trik
Yevropa Chempionlar Ligasining ilk turidayoq to‘rt futbolchi to‘purarlar poygasida peshqadamlikni qo‘liga oldi. Ulardan biri «Dinamo» darvozasini ikki bor ishg‘ol qilgan Alvaro Morata bo‘lsa, ikkinchisi «Leypsig» himoyachisi Anhelino. Himoyachi «Istanbul» darvozasiga ikkita gol kiritishga muvaffaq bo‘ldi. Shuningdek, Lukakuning ikkita goli «Inter»ga g‘alaba uchun kamlik qilgan bo‘lsa, Koman "Atletiko" kipperini ikki bor xafa qildi.
Yevropa Ligasida esa, birinchi turning o‘zidayoq xet-trik qayd etildi. Ikki futbolchi ham bu ishni raqib maydonchasida amalga oshirdi. 21 yoshli Darvin Nunes «Lex»ni (2:4) ranjitgan bo‘lsa, «Lill» «Sparta»ni Yusuf Yazidjining 3 ta goli evaziga (4:1) taslim etdi. Tan olish lozim, ilk tur ikkita musobaqada ham gollarga boy bo‘ldi.
Shubhali penalti va hakamlarga e’tiroz
Yevropa Chempionlar Ligasining ilk turi hakamlar bilan bo‘lgan mojarosiz o‘tmadi. Voqea «Siti» o‘z maydonida «Portu»ni qabul qilgan uchrashuvda paydo bo‘ldi. "Ajdarlar« tezkor gol urishni uddalashdi, ammo ko‘p o‘tmay hakam ular darvozasiga penalti belgiladi. Rahim Sterling o‘z uslubida jarima maydonchasi ichiga yorib kirishidan bir necha soniya ilgari Ilkan Gundogan »Portu" kipperi Markesinga nisbatan qo‘pollik ishlatgan edi. Latviyalik hakam VARni tomosha qildi va bu vaziyatga e’tibor qaratmadi. oqibatda, «Portu» kiritgan tezkor gol o‘z ahamiyatini yo‘qotdi. O‘yindan so‘ng «Portu» jamoasi bosh murabbiyi Serjiu Konsesau o‘z g‘azabini yashirib o‘tirmadi.
"Men shu o‘rinda Portugaliyalik hakamlardan uzur so‘ramoqchiman. Ichki birinchilik doirasidagi o‘yinlarda ularga juda ko‘p e’tiroz bildiraman. Ularni bizga nisbatan nohaq qaror chiqarishda ayblar edim, ammo bugungi o‘yindan so‘ng fikrim batamom o‘zgardi. Endilikda xalqaro hakamlar ham Portugaliyalik referilardan o‘rganishi kerak bo‘lgan narsalar mavjud ekanligini bilib oldim. Hakamlik bugungi bahsning natijasiga o‘z ta’sirini ko‘rsatdi"
Yevropa Chempionlar Ligasida avtogol paradi
YECHLning ilk turi avtogollarga juda boy bo‘ldi desak, adashmagan bo‘lamiz. 16 ta o‘yinda futbolchilarning 5 tasi o‘z darvozasini ishg‘ol qilishdi. Ilk avtogolni «Bryugge» kipperi darvozaboni boshlab berdi. Lovrenning zarbasi to‘singa chekkach, to‘g‘ri darvozabonga tegdi va to‘p darvozadan joy oldi. Guruhning ikkinchi uchrashuvida es,a «Borussiya Dortmund» darvozaboni Marvin Hits bu ishni takrorladi. Maydondagi futbolchilar ham vaziyatdan chetda qolishni istamadi. Antoni Marsial, Rafayel Varan va Niko Talyafikolar ham o‘z hisobiga bittadan «gol yozdirib» qo‘ydi.
YEL gollar shousi
Yevropa Ligasi doirasidagi bahslarning ikkitasida 8 tadan gol kiritildi. Ulardan biri «Bayer» va «Nitsa» o‘rtasida kechgan bo‘lsa, ikkinchisi Ispaniyada bo‘lib o‘tgan «Vilyareal» : «Sivasspor» qarama-qarshiligida kuzatildi.
Nemislar Patrik Viyera boshchiligidagi jamoani 6:2 hisobida tor-mor etishdi. O‘yin esa, kutilganda teng kurashlar ostida o‘tdi. Vaziyatlardan foydalanish borasida «Bayer» uddaburonroq chiqdi va yakunda yirik g‘alabani qo‘lga kiritdi.
Ispaniyada esa, biroz boshqacha ko‘rinishdagi o‘yin ssenariysi namoyish etildi. «Sariq suvosti kemasi» avvaliga 2:0 hisobida oldinga chiqib oldi. Keyin hisob tenglashtirildi. Ko‘p o‘tmay tabloda 3:3 natijasi yondi. Keyin Pako Alkaser ishga kirishib ketdi. Hujumchi o‘zining ikkita goli bilan «Sivasspor»ni imkonsiz vaziyatda qoldirdi. Yakunda, ispanlar ishonchli g‘alabani qo‘lga kiritishdi. Turk klubi uchun esa, ajoyib bahs uchun o‘z minnatdorchiligimizni bildirib o‘tamiz.
Messi va Vinisiusning rekordlari
«El-klasiko» arafasida «Barsa» va «Real» futbolchilari o‘ziga xos rekord qayd etishdi.
Ispaniya La Ligasidagi to‘qnashuvdan oldin Messi ECHLning ketma-ket 16-musobaqasida gol kiritgan birinchi futbolchiga aylandi. Bunga qadar Rayng Giggzgina 16 ta musobaqada gol kiritgan, biroq o‘rtada uzilishlar mavjud edi. Argentinalik futbolchi uning rekordini yangiladi va yanada mukammallashtirdi. Uning rekordini qaytarish imkoniyati Krishtianu Ronalduda mavjud. Portugaliyalik futbolchi 15 ta musobaqadan beri gol kiritib kelmoqda.
Vinisius Junior esa, biroz o‘zgacha tarzda futbol tarixiga kirishga muvaffaq bo‘ldi. Gap shundaki, u maydonga tushganidan 15 soniya o‘tib gol kiritdi. Afsuski, Vinisiusning rekordi jamoasiga hech qanday naf keltirmadi.
«Bavariya» sovrinni munosib himoya qilmoqchi
E’tiborlisi shundaki, «Bavariya» o‘tgan mavsumda o‘z uslubi bilan barchani hayron qoldirgan, biroq ularni "Atletiko« to‘xtatib qolishi taxmin qilingan edi. Kutilmaganda, »Matraschilar« »RB Leypsig«dan mag‘lub bo‘lishdi va musobaqani erta yakunlashdi. Ular o‘rtasidagi o‘zgacha to‘qnashuvni barcha kutgan edi, ammo bu o‘yin yangi mavsumda bo‘lib o‘tdi. Tarkibini Suares bilan kuchaytirib olgan "Atletiko" kutilganda tor-mor etildi. Kingsli Koman esa, o‘yinda chinakam shou namoyish etib berdi.
Parij qizil rangda
Aslida, «qasos» guruhida PSJning imkoniyatlari yuqori baholanayotgan edi. Amaldagi finalchi ikki yil avvalgi alamli mag‘lubiyat alamini olishi taxmin qilingan edi. Amalda esa, barcha boshqacha ko‘rinish oldi. Tomas Tuxel shogirdlari birinchi bo‘limni qo‘ldan boy berishdi. Keyin, Parij hisobni tenglashtirdi, ammo o‘yindagi yakuni so‘zni Reshford aytdi. Tuxel o‘tgan mavsumdagi muvaffaqiyatli yurish tasodif emasligini isbotlashi lozim edi, ammo bu o‘yini bilan barchaning ko‘nglida shubha uyg‘otdi. To‘liq tarkib va o‘z maydonida «Manchester Yunayted»ga bor berilgan o‘yin sababli uning kursisi yaxshigina qimirlab ketdi.
«Real» qoqildi
Birinchi turdagi eng hayratlanarli voqea Madridda sodir bo‘ldi. «Real» 20 yillik tanaffusdan so‘ng, o‘z uyida Ukraina klubiga mag‘lub bo‘ldi. Asosiy tarkibning deyarli 10 ta futbolchisi yo‘qligiga qaramay, «Shaxtyor» g‘alabani qo‘lga kiritdi. Ajablanarlisi shundaki, mehmonlar o‘tin taqdirini birinchi bo‘limning o‘zida hal etib qo‘yishdi. Ikkinchi bo‘limdagi o‘zgarishlar esa, hech yo‘q durangni ushlab qolishga ham kamlik qildi. Ispaniya nashrlari ketma-ket ikkinchi mag‘lubiyatdan so‘ng Zidanning o‘rnini egallashga qodir yangi nomzodlar nomini e’lon qilishni boshladi. Ayni damda, Pochettino va Raul variantlari mavjud ekanligi haqida yozishmoqda. Bu shunchaki taxmin xolos, biroq Zidan guruh bosqichini mag‘lubiyat bilan boshlagani ko‘pchilikni hayron qoldirgani rost.
Al-G‘arafa
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
