Aslida Nataniel Fillipc yangi mavsum oldidan navbatdagi ijara asosida boshqa klubga o‘tishi ko‘zda tutilgan edi, biroq pandemiya sababli uning maoshini to‘lashga tayyor jamoa topilmadi. Oqibatda, aynan uni Yurgen Klopp APLning 7-turi doirasida «Vest Hem»ga qarshi uchrashuvda maydonga asosiy tarkibda tashladi.
Aslida, uning mavsum boshida Chempioshipdagi klublardan biriga o‘tishi yoki ortga Germaniyaga yo‘l olishi taxmin qilingan edi. Sababi, qahramonimiz ortda qolgan mavsumda «Shtutgart» sharafini himoya qilgan va ancha ishonchli ko‘ringan edi. Boz ustiga, «Shtutgart» uzoq tanaffusdan so‘ng yana Bundesligaga qaytgach, Fillipsni ortga qaytarib olishiga hech kimga shubha yo‘q edi.
Agar «Vest Hem»ga qarshi o‘yinni (2:1) inobatga olsak, Nataniel Fillips ancha sifatli himoyachi ekanligini ko‘rsatib berdi.
«So‘nggi kunlarda juda ko‘p voqealar bo‘lib o‘tdi. Shu bois, hozir ushbu intervyuni beryapman. To‘g‘risi, mavsum boshida ijara asosida yana Germaniyaga qaytishimga shubham yo‘q edi. Menga bir nechta klub qiziqib qolgan edi. Va nihoyat bu ish amalga oshdi. Men o‘zim sevgan jamoam sharafini himoya qilganimdan juda xursandman.»,-deb intervyu berdi himoyachi «bolg‘achilar»ga qarshi o‘yindan so‘ng.
Tan olish lozim, Fillips o‘yin davomida o‘zining hayajonini umuman sezdirgani yo‘q. Hatto «Vest Hem» hujumchisi Allerni bir necha bor zararsizlantirdi. U jarima maydonchasi ichida ikki bor to‘p uchun kurashda g‘olib chiqdi va o‘yinning eng yaxshi futbolchilaridan birga aylandi.
Klub tushib qolgan vaziyatdan Fillips o‘zi uchun ajoyib imkoniyat yaratib oldi. Qizig‘i shundaki, Klopp mavsum oldidan Fillipsni katta musobaqalar uchun ro‘yxatdan ham o‘tkazmagan edi. Qahramonimizning APLdagi debyutidan so‘ng, Yurgen tomondan maqtovlarga loyiq ko‘rildi.
"U ajoyib futbolchi. Aqilli va sovuqqon. Eng muhimi bu xislatlarini maydonda ham muvaffaqiyatli namoyish etmoqda."
Nataniel o‘z vaqtida ikki mavsum «Bolton» sharafini himoya qilgan Jimmi Fillipsning farzandi sanaladi. U ham otasi singari «Bolton» jamoasi akademiyasida tarbiya topgan bo‘lib, 2016/17 yilgi mavsumda Liverpulga ko‘chib o‘tgan.
E’tiborlisi shundaki, futbolchi 18 yoshga to‘lganida, unga AQSHdan taklif kelib tushadi. Shimoliy Karolina Universiteti futbolchiga klub jamoasidan joy va stipendiya taklif etadi, biroq Fillips «Liverpul» bilan professional shartnoma imzolashni afzal ko‘radi. 3 yil davomida «Liverpul» yoshlari safida toblangan yigitni Germaniyaga ijara asosida jo‘natib yuborishgani katta naf berdi.
E’tiborlisi shundaki, o‘tgan yili qishda «Liverpul» o‘z futbolchisini «Shtutgart»dan qaytib oldi va bir fursat uning xizmatlaridan foydalandi. Kubok bahsi doirasida «Everton»ga (1:0) ga qarshi uchrashuvda Fillips maydonga tushdi va uni Germaniyaga qaytarib yubordi.
Qisqa muddatga bo‘lsada, Nataniel «Liverpul»ning muhim futbolchisi bo‘lishni epladi. «Mersisaydliklar» og‘ir damda jamoaga yordamga kelgan Fillipsni qadrlashmoqda. Bu bejiz emas. pandemiya chog‘ida markaziy himoyachi uchun 40-50 million yevro sarf etish qay darajada o‘zini oqlashi noma’lum. Buni vaqt ko‘rsatadi. Ayni damda, Yurgen Klopp kechasi xotirjam uxlashi mumkin. Chunki, Virjilning yo‘qligini bildirmay turishga qodir uning yangi «askari» mavjud.
Olimpik
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
