Yevropa Chempionlar Ligasining G va H guruhlarida 4 noyabr, chorshanba kuni 3-tur o‘yinlari o‘tkazildi.
«Barselona» o‘z maydonida Kiyevning «Dinamo»sini qabul qildi. Uchrashuv debyutidayoq katalonlar penalti ishlab oldi, uni Lionel Messi golga aylantirdi. 65-daqiqada Xerard Pike Ansu Fatining uzatmasidan keyin jamoasining ikkinchi golini urdi. 75-daqiqada Viktor Sigankov o‘rtadagi farqni qisqartirishga muvaffaq bo‘ldi. Biroq qolgan vaqtda hisob o‘zgarmadi.
Guruhning nariga o‘yinida «Yuventus» safarda «Ferensvarosh»ni tor-mor keltirdi. 7-daqiqada Alvaro Morata turinliklarni oldinga olib chiqqan bo‘lsa, 60-daqiqada ispaniyalik futbolchi dublni rasmiylashtirdi. Ikkinchi bo‘limning ikkinchi yarmida Paulo Dibala ikkita gol urgan holda hisobni yirik ko‘rinishga olib keldi. Bunga maydon egalari so‘nggi daqiqalardagi gol bilan javob berishga erishdi.
Bir qator yetakchilarisiz qolgan PSJ jamoasi «Leypsig» mehmoni bo‘ldi. Uchrashuvning 6-daqiqada Anxel di Mariya parijliklarni oldinga olib chiqdi. Bunga nemislar 41-daqiqada Kristofer Nkunkuning goli bilan javob qaytardi.
Ikkinchi bo‘lim debyutida Emil Forsberg penaltini aniq ijro etdi va vaziyatni «buqalar» foydasi tomon o‘zgartirdi. 69-daqiqada Idrissa Guyening chetlatilishidan keyin PSJ kamchilikda qoldi. Shu bilan hisob o‘yin yakuniga qadar o‘zgarmadi.
Guruhning dastlabki o‘yinida «Manchester Yunayted» safarda «Istanbul Bashakshehir»ga imkoniyatni boy berib qo‘ydi.
YECHL, 3-tur
4 noyabr, chorshanba
"G" guruhi
«Ferensvarosh» Vengriya — «Yuventus» Italiya 1:4
Gollar: 0:1 – 7 Morata, 0:2 – 60 Morata, 0:3 – 72 Dibala, 0:4 – 81, avtogol Dvali, 1:4 – 90 Boli.
«Ferensvarosh»: Dibus, Botka (Xayster, 68), Dvali, Lovrenchich, Blajich, Izael (Boli, 74), Somalia, Ngen (Mak, 73), Shiger, Zubkov (Uzuni, 80), Haratin.
«Yuventus»: Shensni, Kyellini, Danilo, Bonuchchi, Remzi (Makkenni, 53), Kuadrado (Frabotta, 76), Rabyo, Artur (Bentankur, 46), Kyeza (Bernardeski, 76), Ronaldu, Morata (Dibala, 67).
Ogohlantirish: Botka (19).
«Barselona» Ispaniya — «Dinamo Kiyev» Ukraina 2:1
Gollar: 1:0 – 5, penalti Messi, 2:0 – 65 Pike, 2:1 – 75 Sigankov.
«Barselona»: ter Shtegen, Alba, Pike, Dest, Pyanich (Serxi Roberto, 60), de Yong, Pedri (Alenya, 83), Buskets (Langle, 74), Fati (Trinkau, 74), Grizmann (Dembele, 60), Messi.
«Dinamo Kiyev»: Nesheret, Zabarniy, Shabanov, Kendzera, Popov, Shepelev, Andriyevskiy, Sigankov, Buyalskiy (Lednev, 86), Rodrigesh (de Pena, 71), Supryaga (Verbich, 71).
Ogohlantirish: Buyalskiy (70).
"H" guruhi
«Leypsig» Germaniya — PSJ Fransiya 2:1
Gollar: 0:1 – 6 Di Mariya, 1:1 – 41 Nkunku, 2:1 – 57, penalti Forsberg.
«Leypsig»: Gulachi, Anxelinyo, Konate, Upamekano, Mukiyele (Xenrixs, 64), Nkunku, Zabitser (Kampl, 90), Olmo (Poulsen, 64), Aydara (Adams, 76), Forsberg (Klyuyvert, 76), Orban.
"PSJ": Navas, Florensi (Rafinya, 84), Kimpembe, Kurzava (Bakker, 73), Markinyos, Errera, Danilu Pereyra, Sarabiya (Kerer, 73), Guye, Di Mariya, Kin.
Ogohlantirishlar: Upamekano (15), Kimpembe (19), Konate (25), Guye (37), Kurzava (67).
Chetlatishlar: Guye (69), Kimpembe (90).
«Istanbul Bashakshehir» Turkiya — «Manchester Yunayted» Angliya 2:1
Gollar: 1:0 – 12 Ba, 2:0 – 40 Vishcha, 2:1 – 43 Marsyal.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
