Ushbu ruknimizdagi eng so‘nggi yangiliklar bilan tanishtirishda davom etamiz.
Barns «MYU»da?!
Angliyaning «Manchester Yunayted» jamoasi «Lester» yarim himoyachisi Xarvi Barnsni o‘z safiga qo‘shib olmoqchi.
Bu haqida "The Sun« nashri xabar tarqatmoqda. Manbada yozilishicha, »qizil iblislar« Jeydon Sancho bilan shartnoma imzolay olmagach, bor e’tiborini »tulkilar" yarim himoyachisiga qaratishgan.
Eslatib o‘tamiz, avvalroq Barnsning «Liverpul»ga o‘tishi borasida mish-mishlar paydo bo‘lgan edi.
Nima uchun Villian kelmadi?
Londonning «Tottenhem» jamoasi bosh murabbiyi - Joze Mourino Braziliya termasi a’zosi Villianning amalga oshmay qolgan transferi haqida fikr bildirdi.
"Afsuski, biz unga "Arsenal« taklif qilgan maoshni to‘lay olmas edik. U juda ham yaxshi futbolchi va mening do‘stim, biroq moliyaviy jihatdan bu transferni amalga oshirishga qurbimiz yetmas edi.»
Eslatib o‘tamiz, Villian yozda erkin agent maqomida Londonning boshqa bir klubi - "Arsenal" bilan shartnoma imzolagan edi.
Uinks ketadi
Londonning «Tottenhem» jamoasi yarim himoyachisi Xarri Uinks qishda klubini o‘zgartirishi aniq bo‘lib ulgurdi.
"The Mirror" nashrining ma’lum qilishicha, futbolchi Yevropa chempionatida ishtirok etmoqchi. Shu bois, to‘liq o‘yin amaliyotiga ega bo‘lish niyatida.
Manbaning ma’lum qilishicha, Uinks APLning o‘rtamiyona jamoasi bilan shartnoma imzolash orqali, o‘z sport formasini Yevropa chempionatiga qadar saqlab qolmoqchi.
Balotelli nimalar qilmoqda?
Italiya va Angliya klublaridagi faoliyati bilan barchaga yaxshi tanish bo‘lgan Mario Baloteli faoliyatini Italiyada davom ettiradi.
Bu haqida jurnalist - Fabrisio Romani ma’lum qilmoqda. Uning aytishicha, hujumchi dushanba kuni «Monsa» bilan shaxsiy shartnoma borasida kelishuvga imzo chekadi.
Boshqa Italiya nashrlari esa, bu ma’lumotni to‘liq rad etuvchi xabarlarni e’lon qilishda davom etmoqda. Unga ko‘ra, 30 yoshli futbolchi qishda Braziliyaning «Vasko Da Gama» jamoasi bilan shartnoma imzolash maqsadida uchib ketgan emush.
Voqealar rivojini kuzatishda davom etamiz.
Kuman uni olib qolmoqchi
Kataloniyaning «Barselona» jamoasi bosh murabbiyi Ronald Kuman Martin Bretueytning kelajagi borasida qayg‘urmoqda.
Gollandiyalik mutaxassis daniyalik futbolchini qishki transferlar chog‘ida sotib yuborishga qarshi chiqmoqda.
Goal nashrining ma’lum qilishicha, murabbiy futbolchining yana o‘z sport formasini tiklab olgani uchun unga yana bir imkon bermoqchi.
Eslatib o‘tamiz, avvalroq hujumchi bilan APLning bir nechta jamoasi qiziqib qolgani va «Barselona» qishda Martinni sotishga qaror qilgani haqida xabar bergan edik.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
