«Real» prezidenti va Yevropa superligasi raisi Florentino Peres yangi loyiha borasida o‘z fikrlarini bayon qildi.
«Senda faqatgina musobaqa orqali daromad olish imkoniyati qolar ekan, katta uchrashuvlar sonini oshirish istagi paydo bo‘ladi. Superliga esa bizga pandemiya tufayli ko‘rilgan zararlarni kamaytirish imkonini beradi. Ko‘proq katta o‘yinlarda ishtirok etib, ko‘proq pul ishlab olish imkoniyatiga ega bo‘lishimiz mumkin.
Bu yerda hech qanday fitna bo‘lmadi. Italiya, Angliya va Ispaniyaning top-klublari bunday murakkab vaziyatda qandaydir chora ko‘rishi kerak edi. Faqatgina «Real»ning o‘zi joriy mavsumda 400 million yevro zarar ko‘rdi.
Futbol ham hayotimiz kabi rivojlanishi kerak. U hozirgi hayot rejimiga moslashishi kerak. Axir futbolga bo‘lgan qiziqish pasaya boshladi. Futbolni tomosha qilayotganlar auditoriyasi pasayib bormoqda va shunga mos ravishda teletranslyasiyalar narxi ham tushmoqda.
Futbol – yagona umumjahon sport turi. Televideniye o‘zgarishi kerak. 16-24 yoshdagilar nima uchun futbolga qiziqmayotganini tahlil qilib ko‘rish kerak. Faqat ba’zi o‘yinlar insonlarda qiziqish uyg‘otmoqda. Nimanidir o‘zgartirish kerak.
Shunday holat o‘tgan asrning 50-yillarida ham ro‘y bergan. UYEFA va FIFA Santyago Bernabeu va Yevropa chempionlar kubogiga qarshi bo‘lishgan. O‘shanda bu musobaqalar odamlarni o‘ziga jalb qildimi? Kuchli jamoalarga o‘ynash imkoniyatini bering. Biz buni futbol manfaati uchun qilyapmiz.
Bularning barchasi uchun televideniye pul to‘laydi. Aynan shu narsa pul keltiradi. Pul barcha uchun. Agar yuqoridagilar pul ishlab topsa, u barchaga taqsimlanadi. Chunki biz futbolchilarni sotib olamiz va bir-birimizga yordam beramiz.
«Sevilya» ham Superligada o‘ynashi mumkin. Beshta jamoa esa sport prinsiplari asosiyda Superligaga chiqadi. Bu yopiq emas, ochiq turnir bo‘ladi. Jamoalar sport prinsiplari asosida unda ishtirok etish uchun kurash olib borishadi.
UEFA bizni qo‘llab-quvvatlashi lozim. Agar biz ko‘proq pul ishlab topsak, bu faqat futbolning manfaati uchun xizmat qiladi. Buni imkon qadar tezroq boshlashimiz kerak. Barchasini FIFA va UYEFA bilan birgalikda muhokama qilmoqchimiz.
UEFA Chempionlar ligasining yangi formati ustida ishladi. Ammo men hech narsani tushunmadim. Biz futbolni qutqarib qolmoqchimiz, futbolni qutqarish esa — demak, barchani qutqarishdir. Yaqin 20 yil xotirjam o‘tsin, unda hech kim 200 million yevro zarar ko‘rmasin.
Biz ishlamayotgan modulni o‘zgartirmoqchimiz. Yangi modulni esa hech kim tushunmaydi. 2024 yilga kelib biz murdaga aylanamiz. Klublar millionlab yevrolardan mahrum bo‘lishdi», – dedi Peres.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
