Ispaniya chempionatida g‘oliblik uchun kurash olib borayotgan "Barselona" safarda "Valensiya" klubi mehmoni bo‘lib, o‘ta qiyin g‘alabani qo‘lga kiritdi.
Kataloniyaliklar o‘yin boshidayoq juda xavfli vaziyatni yuzaga keltirishdi. Ammo Pedri yaqin masofadan darvoza tomon zarba bera olmadi. Ushbu vaziyat birinchi taymdagi golga tortadigan eng xavfli hujumligicha qoldi.
Ikkinchi bo‘limda esa, kutilmaganda, "Valensiya" hisobni ochdi. Burchakdan to‘p uzatib berilgan pallada Ter Shtegen o‘ta no‘noq harakat qilgani uchun Paulista bo‘sh darvozani ishg‘ol qildi.
"Barsa" darhol o‘yinga qaytdi va nafaqat qaytdi, balki 12 daqiqa ichida "ko‘rshapalaklar" darvozasiga 3 marta yo‘l topdi. Himoyachi to‘pni qo‘li bilan o‘ynagani uchun dastlab mezbonlar darvozasi tomon penalti belgilandi. Messining 11 metrli jarima zarbasini Silessen qaytardi, qaytgan to‘pga Buskets yetib keldi va jamoadoshiga uzatma berdi. Pedrining zarbasini himoyachi qaytardi, Messi esa qaytgan to‘pni darvozaga joylab qo‘ydi.
Oradan ko‘p o‘tmasdan Albaning uzatmasidan keyin De Yong bosh bilan xavfli zarba yo‘lladi. Darvozabon to‘pni qaytardi, ammo Grizmann jamoasini oldinga olib chiqdi.
Bahsning 69-daqiqasida Messi jarima zarbasini chiroyli tarzda golga aylantirdi: to‘p ustunga tegib, chiziqni kesib o‘tdi.
"Barsa" go‘yoki o‘yin taqdirini hal qilib qo‘ygan edi. Ammo o‘yinning 83-daqiqasida Soler olis masofadan to‘pni Ter Shtegen qo‘riqlayotgan darvozaning "to‘qqizligi"ga "sanchib" qo‘ydi va bahsga intrigani qaytardi.
"Barselona" esa uchrashuv so‘ngida to‘pni yaxshi nazorat qilib, g‘alabani o‘zida ushlab qoldi.
Ispaniya La ligasi, 34-tur
Valensiya – Barselona 2:3 (0:0, 2:3)
Gollar: 1:0 – 50 Gabriel Paulista, 1:1 – 57 Messi, 1:2 – 63 Grizmann, 1:3 – 69 Messi, 2:3 – 83 Soler.
Valensiya – Sillessen, Toni Lato (Diakabi, 64), Gilyamon (Gameyro, 79), Gayya, Vass, Gedesh, Rachich (Oliva, 79), Gabriel Paulista, Soler, Tyerri Korreyya, Maksi Gomes.
Barselona – ter Stegen, Dest (Serdji Roberto, 75), Arauxo, Langle, Alba, de Yong, Buskets, Pedri (Moriba, 75), Pike, Messi, Grizmann.
Ogohlantirishlar: Rachich (35), Toni Lato (56), ter Stegen (65).
Eron
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
