Koutinyo «Liverpul»ni tark etib, «Barselona»ga Chempionlar Ligasini yutish uchun yo‘l oldi, ammo u buni faqat «Bavariya» tarkibida amalga oshirdi. U yerga braziliyalik tasodifan tushib qoldi. Azar "Real"ga sovrinlar uchun bordi va o‘shanda klubini o‘zgartirmaganda hozir finalga tayyorlagayotgan bo‘lar edi. Futbol kubok izlovchilarni masxara qilishni yaxshi ko‘radi, ammo Keyn boshqacha holat.
Uni jamoada nima ushlab turdi?
Aksincha, u «Tottenxem»da ancha vaqt to‘p tepdi, klubni qo‘llab-quvvatladi va muxlislarni hurmat qildi. Oldinroq ketishim kerak edi, U jamoani oldinroq tark etishi mumkin edi, ammo sadoqat va balki uning narxi balandligi ham bunga xalaqit berdi. Pandemiya oldidan Daniel Levi forvard uchun katta pul talab qildi - bu 200 million evroga etdi. Natijada, xaridorlar boshqa variantlarni ko‘rib chiqishni boshladi va Keyn qoldi, gollar urdi va Premyer-Liga tarixdagi eng yaxshi o‘nta to‘purarlar ro‘yxatiga kirdi.
Keynning ambitsiyalari «shporlar»ning imkoniyatlaridan ustun keldi, bu bilan hatto Mourinyo ham Yevropa Ligasi finaliga chiqa olmadi va ular Jozening iste’fosidan keyin Liga kubogi finalini boy berishdi. Keyn ruhan charchagan, uni tushunish mumkin va unga yangi klub izlash vaqti keldi. Levandovski o‘ttizdan keyin qanday o‘ynashni ko‘rsatgani - Keynga yaxshi motivasiya bo‘lishi kerak.
Forvard qaysi klubga o‘tishi mumkin
Bu so‘nggi yangiliklar. Keyn rahbariyatni uning ketishi haqida xabardor qildi, ammo unga Premyer-Ligadan klub izlash kerakligini aytdi. «Tottenxem»ga ziyon yetkazish istagi yo‘q, ammo oilaviy manfaatlar mavjud. Futbolchi xarchand o‘z klubiga zarar yetkazishni istamasada, u boshqa chempinoatga moslashib ketishi qiyin bo‘lishini biladi. Robert Myunxenni tark etsa, Keyn kabi o‘rinbosar ayni muddao bo‘ladi,ammo «Bavariya» Germaniya chempioni va Bundesliganing rekordchisi bilan hamkorlik qilayotgan bir paytda pul sarflashni xohlamayapti. "Real"da Benzema bor va ular Mbappeni orzu qiladi, «Barselona»da esa pul yo‘q. Garchi, ular Keyn bilan shartnoma imzolashni xohlasada va bu uchun mablag‘ topgan taqdirda ham, Kataloniyaliklar tarkibida ko‘p yulduzlar o‘ynab keta olmayapti.
Gvardiolaning Ibragimovichni jilovlashga urinishi qanday tugaganini eslang - shvedning o‘sha davrga bag‘ishlangan tarjimai holining faqat ayrim boblari qiziqarli chiqdi. Villa va Suares kabi yigitlar "Barselona"da ildiz otishdi va Keynning uslubi esa Messining uslubga qarshi biroz teskari. Agar, jamoada ajoyib murabbiy bo‘lsa, ular tajriba o‘tkazishlari mumkin. PSJ Keynga qiziqmoqda va ular Ikardini sotishi mumkin, ammo angliyalik hujumchi Liga 1da o‘ynagan bo‘larmidi?
Agar Jota yoki Firmino Saloh va Maneni to‘ldirsa, «Liverpul»ga Harri juda ham kerak emas. Ammo Sadio yana bir g‘alati mavsumni o‘tkazsa va Moxammed «Enfild Roud»dan boshqa jamoaga o‘tishni istasa, Klopp yangi hujumchi qidirishi kerak. Yana bir qator nomzodlar mavjud va Keynga ko‘plab klublar qiziqmoqda, ammo u hamma jamoaga ham mos tushavermaydi. Narx, uslub va yana ayrim mikro sabablar uning boshqa klubga o‘tish ehtimolini pasaytirishi mumkin.
Balki, u "Tottenxem"da qolar va balki faoliyatini boshqa klubda davom ettirar, ammo baribir uning tanlovi bu eng yaxshisi bo‘ladi. Agar, u klubda qolsa, buni cheksiz sadoqat sifatida qabul qilamiz. Agar, jamoani tark etsa, bunda ham u haq. Axir, katta futbolchilarga katta sovrinlar kerak. Hozircha unda hech qanday sovrin yo‘q. Biroz achinarli holat.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
