Bugun Yevropa ligasining final uchrashuvi bo‘lib o‘tadi. Ispaniyaning «Vilyarreal» va Angliyaning “Manchester Yunayted” klublari o‘zaro to‘qnash kelishadi. Uchrashuv Polshaning Gdansk shahrida bo‘lib o‘tadi va Toshkent vaqti bilan 00:00da boshlanadi.
«Vilyarreal»
“Sariq suvosti kemasi” mavsumni La ligada 7-pog‘onada yakunladi. Klub bu orqali Yevropa ligasining navbatdagi mavsumi uchun yo‘llanmani naqd qilib qo‘ydi. Ammo jamoa Yevropa ligasi finalida g‘alaba qozonsa, Yevropa chempionlar ligasida o‘ynash huquqini qo‘lga kiritadi.
«Vilyarreal» finalgacha ancha mashaqqatli yo‘lni bosib o‘tishiga to‘g‘ri keldi. "Dinamo Kiyev" hamda "Dinamo Zagreb" klublarini qiynalmasdan yenga oldi. Chorak finalda to‘qnash kelgan Zagrebning «Dinamo»si, undan oldingi bosqichda «Tottenhem»ni ajoyib kambek evaziga mag‘lub eta olganini barchamiz ko‘rgan edik. Yarim finalda kuchli raqib, «Arsenal»ni musobaqa bilan xayrlashishga majbur etdi. Unai Emeri o‘zining sobiq jamoasini ayab o‘tirmadi. Yuqoridagi raqiblarni yengib, finalning haqli qatnashchisiga aylandi.
Jamoaning finalgacha yo‘li:
1/16 final: «Zalsburg» (umum. 4:1)
1/8 final: "Dinamo Kiyev" (umum. 4:0)
1/4 final: "Dinamo Zagreb" (umum. 3:1)
1/2 final" «Arsenal» (umum. 2:1)
“Manchester Yunayted”
Mankunianliklar Angliya premyer-ligasini 2-pog‘onada yakunlashdi. Tabiiyki, chempionlar ligasi uchun yo‘llanma bilan muammo yo‘q. Ammo oldindagi maqsad – yana bir titulni qo‘lga kiritish. Dunyodagi eng katta muxlislar auditoriyasiga ega bo‘lgan klublardan biri, sovrin qo‘lga kiritish borasida ancha oqsagan. Ular so‘ngi bor, bundan roppa-rosa 4 yil oldin, aynan Yevropa ligasi kubogini boshi uzra baland ko‘targan edilar. O‘z ichki chempionatida ro‘shnolik ko‘rmayotgan "qizil iblislar" finalda sovrin yutib, muxlislariga quvonch ulashmoqchi. «Man. Yunayted» ham finalga qadar birmuncha jiddiy raqiblar sinovidan o‘tishiga to‘g‘ri keldi. Italiya grandlari, «Milan» va «Roma»ga qarshi bahslar shular jumlasidandir. Klub Chempionlar ligasi guruhida uchinchi o‘rinni band etib, Yevropa ligasida yurishini davom ettirdi va bu yerda pley-offdan bahslarga kirishdi.
Jamoaning finalgacha yo‘li:
1/16 final: "Real Sosyedad" (umum. 4:0)
1/8 final: «Milan» (umum. 2:1)
1/4 final: «Granada» (umum. 4:0)
1/2 final «Roma» (umum. 8:5)
Eslatib o‘tamiz, ushbu final bahsini tungi 00:00 dan boshlab, UzReport TV kanalida jonli efirda tomosha qilishingiz mumkin bo‘ladi. Bahsni Davron Fayziyev va Orif Tolipov sharhlab borishadi.
Jaloliddin Ismatov tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
