Belgiya terma jamoasi kuchli va yulduzlarga boy tarkibga ega bo‘lishiga qaramay, bu safargi musobaqani ham muddatidan oldin tark etishga majbur bo‘ldi. Italiyadan uchralgan mag‘lubiyat tasodif edi deb hech kim aytolmasa kerak. Harxolda, turnir oldidan Yevroda zafar quchishi mumkin bo‘lgan favoritlar qatorida ushbu jamoa ham qayd etilgan edi.
Roberto Martines, jamoasi turnirni tark etganidan so‘ng, murabbiylikdan ketishi yoki qolishi bilan bog‘liq savollarga javob berishdan bosh tortdi. Ilgari, Frank de Bur, Fernando Santos, Didye Desham kabi murabbiylarga berilgan savolga Martines ochiq javob bermadi. Lekin juma kungi Myunxendagi o‘yindan keyin baribir o‘z fikrlarini bildirib o‘tdi.
«Hozir ochig‘ini aytishim kerak: mag‘lubiyatdan boshqa narsani o‘ylay olmayapman. Yevroni tark etganimiz bu haqiqat. Biz yana bir yirik turnirda o‘zimizning haqiqiy kuchimizni ko‘rsata olmadik. Endi o‘yinlarimizni tahlil qilish vaqti keldi. Haqiqiy bahoni esa muxlislarimiz berishadi. Jamoadagi hamma hozir umidsizlik va qayg‘uga botgan. Hozir men o‘ylayotgan narsalar mag‘lubiyatdan ortiq bo‘la olmaydi».
Niderlandiya bosh murabbiyi De Bur o‘zining jamoadagi 5 yillik faoliyatidan so‘ng xuddi yuqorida aytilgan Martinesnikiga o‘xshash fikrlar bergandi. Nima bo‘lganda ham asliyatda shunday: yana bir musobaqa qo‘ldan chiqarildi va jamoada bir muncha reforma ishlari talab etiladi.
47 yoshli mutaxassis Belgiyani so‘nggi uch yil davomida FIFA jadvalida 1-o‘rinda olib yurdi. Bir kichik davlat bo‘la turib, futbolda kuchli ta’sirga ega. Ammo oltin avlod shakklanganiga qaramay, halihamon titul yuta olgani yo‘q. Ba’zida esa muvaffaqiyatsiz o‘yinlari ortib ketyapti. Shunday bo‘lsa ham Roberto Martines bosh murabbiy va Belgiya futbol assosiasiyasi texnik direktori. Unga katta ishonch bildirilgan. Futbolchilar orasida ham obro‘yi baland. Ammo hali aytarli yaxshi natijaga erishmagan.
U Belgiya MTJda o‘z faoliyatini 2020 yilgacha, nari borsa Qatardagi Jahon chempionatiga qadar davom ettirishni reja qilgan edi. Musobaqadan erta chiqib ketgani tufayli endi ketish ehtimoli yuqoriladi. Martinez Belgiyada yoshlar futbolini rivojlantirishda beqiyos rol o‘ynagan. Xuddi Angliyada bo‘lgani kabi 21 yoshgacha bo‘lgan yoshlardan eng yaxshi iste’dodlarni saralab olish tizimini shakllantirgan. Ularni professional ligalarda to‘p surishiga imkoniyat yaratgan. Martines ketgach, 16 oydan so‘ng Jahon chempionati o‘tkaziladi. Bu vaqt davomida esa butunlay jamoani buzib qayta quradigan mutaxassis kerak. G‘oyalardagi o‘zgarishlarga esa har qanday yulduz futbolchi uchun ko‘nikishi qiyin bo‘ladi.
Jaloliddin Ismatov
O‘zbekiston
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
