Dunyodagi aksariyat siz va biz tanigan futbol yulduzlari katta yo‘lni bosib o‘tgan. Bu yo‘l tarkibida shubhasiz Olimpiya o‘yinlari ham ham mavjud bo‘lgan. Lionel Messi, Neymar, Kasilyas kabi mashhurlar dastlab aynan Olimpiya o‘yinlarida kashf etilgan. Siz bilan quyida birinchi o‘rin uchun eng muhim da’vogar ikki davlat termasi va uning kelajagi porloq bo‘lgan o‘yinchilari haqida gaplashamiz.
Braziliya.
Braziliya terma jamoasi 5 yil oldingi chempionlik tojini himoyalash uchun kun chiqar tomonga otlangan. Tarkibida bir qator taniqli yulduzlari bo‘lgan Janubiy Amerika vakili bu safar ham eng jiddiy da’vogarlar qatorida. Xususan, ularda «Arsenal» yulduzi Gabriyel Martinelli, «Borussiya» a’zosi Reyner hamda eng muhim figuralardan biri, Kopa Amerika finali ishtirokchisi, «Everton» klubi a’zosi Richarlisonlar mavjud. Dastlab, 24 yoshli futbolchiga klubi Yaponiya safariga ruxsat bermagan edi. Keyinchalik Premiyer Ligada «Everton»ning ilk o‘yiniga yetib kelishi ma’lum bo‘lgach, unga izn berildi. Qolaversa, «Aston Villa» yarimhimoyachisi Duglaz Luiz ham asosiy tarkib o‘yinchisi sifatida qayd etilgan. «Gerta» hujumchisi Matyus Kunya, «Sevilya» himoyachisi Diyego Karloslar ham chempionlik uchun kurashda ishtirok etishi tasdiqlangan. Undan tashqari eng qariya va tajribali faxriy o‘yinchi Dani Alvesh ham Braziliyaga yordam berish uchun jalb etilgan.
Ispaniya.
Ispaniya terma jamoasi tarkibida ham shunga o‘xshash holat. Yevro 2020da qatnashgan futbolchilarning kamida 6 tasi Yaponiyaga yo‘l olgan. Ro‘yxat boshida «Barselona»ning 17 yoshli talanti Pedri, «Real Sosedad» hujumchisi Mikel Oyarzabal, «Leypzig» a’zosi Dani Olmo, «Atletik Bilbao» darvozaboni Unay Simon, «shaharliklar»ning sobiq o‘yinchisi Erik Garsia hamda «Vilyareal»ning Pau Torres ismli futbolchilar keltirilgan. Qolaversa, Yevroda qatnashmagan ammo Olimpiyaga yo‘l olayotganlar tarkibida «Nyukasl» klubi sobiq a’zosi (hozir «Real Sosedad»da) Mikel Merino, «Real»dan Dani Sebalyos va Marko Asensiyolar bor. Musobaqa uchun yana bir umidli hujumchi tanlab olingan. Bu 2018 yilda «Vulverhempton»da to‘p surib omadi yurishmagan va o‘tgan mavsumda La liga klubi «Ueska» safida 38 ta o‘yinda 13 gol urishga erishgan – Rafa Mir.
Mana shunday yulduzlarga boy tarkib bilan Olimp sari jo‘nayotgan har ikki davlat termasiga ham omad va zafarlar tilab qolamiz. Bizda esa Olimpiyadaning futbol bahslarini tomosha qilib, ularni qaytadan kashf etish imkoni mavjud.
Jaloliddin ISMATOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
