Chempionlar Ligasi joriy mavsumi uchun "Manchester Siti" klubining ham qaydnomasi e’lon qilindi.
O‘tgan mavsum musobaqada finalga qadar yetib borgan Pep Gvardiola shogirdlari bu ishni ushbu mavsumda ham uddalashadimi yoki bu natijalarindan ham yaxshiroq ko‘rsatkich qayd etishadimi, balki kutilmaganda musobaqani erta tark etishar...
Oldindan biror bir narsani aytish qiyin. Biz ularning bu mavsumga tanlagan tarkibidan kelib chiqqan holda «shaharliklar»ning imkoniyatlarini o‘rganib chiqishga harakat qilamiz.
"Manchester Siti" mavsumlar oralig‘ida "Aston Villa"dan yarim himoyachi Jek Grilishni xarid qildi. Angliyalik xavbek o‘z mahoratini namoyish etgan holda APLning dastlabki o‘yinlarida "Manchester Siti" a’zosi bo‘lishga loyiq ekanligini isbotlab ulgurdi. Endi bu ishni Yevropa Chempionlar Ligasida ham ko‘rsatishi lozim. Mazkur musobaqa Grilish uchun yangilik bo‘lsa-da, o‘zining bor mahoratini yana ishga sola olishiga umid qilamiz.
Darvozabonlar: Ederson, Zakk Steffen, Skott Karson.
Shubhasiz, Ederson jamoaning asosiy darvozaboni hisoblanadi. AQSH terma jamoasining birinchi raqamli posboniga aylangan Steffen esa o‘z navbatini kurishiga to‘g‘ri keladi. Tajribali Karson esa favqulodda holat uchun qaydnomaga kiritilganini ko‘pchilik yaxshi tushungan bo‘lsa kerak. Ederson jarohat olmasa, «Siti» darvozasi bu mavsumda ham ishonchli qo‘llarda deb aytishimizga asoslar yetarli.
Himoyachilar: Kayl Uoker, Joao Kanselu, Ruben Diash, Jon Stouns, Emerik Laport, Natan Ake, Aleksandr Zinchenko.
Uoker, Stouns va Diash asosiy tarkib futbolchilari. Zinchenko ham chap qanotda bosh ro‘llarda bo‘lishi tabiiy. Ba’zi hollarda esa Gvardiola uni Kanselu bilan rotasiya qilishiga ham o‘rganib qoldik. Biroz barqaror bo‘lmagan, ammo yaxshi saviyadagi himoyachilar bilan to‘ldirilgan tarkib deb bemalol ayta olamiz.
Yarim himoyachilar: Ilkay Gundogan, Jek Grilish, Rodri, Kevin de Bryuyne, Bernardu Silva, Fernandinyo, Riyad Mahrez, Fil Foden, Romeo Lavia.
«Siti» ayni paytda yarim himoyachilari bilan bemalol maqtana oladigan klub sanaladi. Jamoaning markaziy hujumchisi bitta bo‘lsa ham, unga yordam beradigan, o‘rnini bosa oladigan hujumkor yarim himoyachilar talaygina. Nomlarga e’tibor bering, yaxshilab yana bir marotaba qaytadan o‘qib chiqing.
Mazkur futbolchilarning tarkibda mavjudligi va ularni o‘ynata oladigan mutaxassis faoliyat olib borayotgani "Manchester Siti"ning ustunligi hisoblanadi.
Hujumchilar: Rahim Sterling, Gabriyel Jezus, Ferran Torres.
Gabriyel Jezus yagona markaziy hujumchi hisoblansada, Sterling va Torres uning ishini qoyilmaqom tarzda bajara olishadi. Serxio Aguero «Barselona»ga yo‘l olganidan keyin, klub Xoland, Keyn, Ronaldularga qiziqdi, Levandovskini ham tarkibiga qo‘shib olmoqchi bo‘ldi. Ammo, yakunda birorta futbolchini ham hujumga sotib ola bilmadi. Shu ko‘rinishda ham Pep Gvardiolaning hujum chizig‘i juda ham kuchli va optimal.
Oltinchi mavsum Gvardiola «shaharliklar» bilan o‘z maqsadiga erisha oladimi? Siz, bu borada qanday fikrdasiz?
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
