YECHL ishtirokchilari haqida ma’lumot berishda davom etamiz. Navbat hujumkor va jozibali o‘yini orqali ko‘plab muxlislar olqishiga sazovor bo‘lgan "Atalanta" klubiga.
ATALANTA
UEFA reytingi (2020/2021 yakuni): 27
Qanday yetib kelishdi: Italiya chempionatida 3-o‘rin
O‘tgan mavsum: nimchorak final (mag‘lubiyat, umumiy 1:4 «Real»)
Yevrokuboklaradagi eng yaxshi natijasi: chorak final (2019/20)
Bosh murabbiy: Jan Pyero Gasperini
63 yoshli taktik «Atalanta»ning mo‘’jizaviy natijalari ortida turgan asosiy qurol hisoblanadi. Ushbu murabbiy bilan jamoa ketma-ket uch mavsum Italiyada uchinchi bo‘ldi va 2020 yilda Chempionlar Ligasi chorak finaliga yetib bordi. "Manchester Siti" ustozi Pep Gvardiola Gasperini haqida shunday degandi: "Gasperinining «Atalanta»si bilan to‘qnash kelish tish shifokoriga borishga o‘xshaydi".
Asosiy o‘yinchi: Robin Gozens
Gozens (Germaniya) va Yoaxim Melye (Daniya) ushbu yozgi Yevroda eng ajoyib ko‘rsatgan qanot himoyachilari qatorida bo‘lishdi. «Atalanta»ning uch nafar markaziy himoyachi bilan o‘ynayotganida vingerlarning qadri yana ham ortadi va Gozens imkoniyati yetganicha chap qanotda o‘z salohiyatini namoyish etib kelmoqda.
Yozgi eng katta xaridi: Merih Demiral
«Tottenxem» safiga borib qo‘shilgan Kristian Romeroning o‘rnini to‘ldirish oson vazifa emas. Ammo, Demiral faoliyatining birinchi davrida katta salohiyatga ega ekanligini ko‘rsatdi. Odatda Gasperini jamoasida markaziy himoyachilar sezilarli o‘sishga erishishadi. Turkiyalik himoyachi bu yurishidan katta manfaat ko‘rishi mumkin.
O‘yinini ko‘rish kerak: Matteo Lovato
Lovatoga ham yuqoridagi gaplarni bemalol ishlatish mumkin. O‘tgan mavsum «Verona» safida 24 o‘yinida ishonchli harakat qilgan Italiyaning U-21 jamoasi a’zosi «Atalanta» tarkibida Demiralga munosib sherik bo‘lishiga ishonish mumkin. Ayni vaqtda fulbekning transfer qiymati 7 mln yevroni tashkil etmoqda va joriy mavsum bu narx bir necha barobarga yuqorilash ehtimoli ham yo‘q emas.
Bilasizmi?
2003/04 yilgi mavsumdan beri Chempionlar Ligasida debyut qilgan barcha jamoalar orasida «Atalanta» dastlabki ikki mavsumida ham musobaqaning guruh bosqichidan pley-offga yo‘l olishni uddalagan uchinchi klub sanaladi. Bunga qadar «Vilyarreal» va «Sevilya» kabi ispan jamoalari bu ishni uddalashgan.
«Atalanta» joriy mavsum YECHLdagi ishtirokini F guruhida boshlaydi. Bergamoliklarning raqiblari: "Manchester Yunayted", «Vilyarreal» va "Yang Boys" (Shveysariya). Birinchi uchrashuv 14 sentyabr kuni safarda Ispaniya klubiga qarshi o‘tkaziladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
