Tarixdagi boshqa Jahon kuboklaridan farqli ravishda kelayotgan musobaqa qishda o‘tkazilishidan xabaringiz bor. 2022 yilgi turnirning vaqti o‘zgartirilishiga asosiy sabab qilib, o‘tkaziladigan joy – Qatar iqlimining o‘zgacha ekanligi keltiriladi. Ya’ni Qatar, umuman Arabiston yarim orolida joylashgan mamlakatlarning yozi o‘ta issiq kelishi sabab, bu mavsumda futbol o‘ynash katta noqulayliklar keltirib chiqaradi. Shu nuqtayi nazardan yangi Jahon chempionati noyabr oyining yarmida start olib, to dekabr yarmigacha davom etishiga kelishildi. Ha, bu vaqt Qatarda futbol uchun qulaydir. Ammo aynan mana shu paytda Yevropada, xususan Angliyada ichki chempionat qizg‘in pallasiga kirgan bo‘ladi. Xo‘sh, unda nima bo‘ladi, qanday yo‘l tutiladi? Quyida mana shu savolga javob olishingiz mumkin.
Keyingi yilgi jahon chempionati munosabati bilan Angliya futbolini taqvimlashda bir qator o‘zgarishlar qilinadi. Xususan, Angliya kubogi finali har doimgidan ancha kech, 3 iyun kuniga belgilanadi. APL klublari Qatardagi mundial sabab 2022 yilning 13 noyabridan to Yangi yil oldidan o‘tkaziladigan Boksing dey kunlariga qadar 6 haftalik dam olishga chiqishadi. Bu esa Londondagi barcha PL jamoalari yig‘ilishi oldidan klublarga taqvim zichligining to‘liq oqibatlarini ochib beradi. APL keyingi mavsumda o‘z odatiy vaqtidan 1 hafta oldin, 6 avgustda boshlanadi. Bunda klublar avgust so‘ngida, transferlar oynasi yopilishidan oldin hafta o‘rtasida hamda oktyabr oyida 5 tadan ko‘p o‘yin o‘tkazilishi belgilangan.
UYEFA esa o‘zining har uchta(YECHL, YL, YKL) turnirining guruh bosqich, 6 ta turini Jahon chempionati boshlanishidan ilgari(13 noyabrdan oldin) yakunlashni reja qilmoqda. Shuningdek, Angliya liga kubogidagi 16 talik uchrashuvlar ham 26 dekabrga qadar(APL qaytgungacha) o‘ynalishi kerak. Ushbu musobaqaning 4 raundi 18 dekabr(Jahon kubogi finali) hamda 26 dekabr(APL restarti) oralig‘ida o‘tkazilishi belgilandi. Shunga qaramay, Yevropaning gigant jamoalari Yangi yil arafasidagi Boksing deydan to mavsum oxirigacha kubok o‘yinlarini ham qo‘shib hisoblaganda 40 tagacha uchrashuv o‘tkazishiga to‘g‘ri kelmoqda. Shuni inobatga olgan holda, APLda turnir davomiyligi may oyining so‘nggi yakshanbasiga qadar, ya’ni yana 1 haftaga uzaytiriladi. Angliya kubogi finali esa 3 iyun kuni, YECHLning Istanbuldagi hal qiluvchi o‘yini(10 iyun)dan bir hafta oldin o‘tkazilishi belgilangan.
Ushbu o‘zgarishlar fonida taqvimning bunday tuzilishidan kelib chiqib, klublar sanksiyalarga duch kelishi mumkin. Negaki, bunday o‘zgarishlar klublar rahbariyatini jahlini chiqarmoqda. Ba’zilari esa, hatto jazoga tortilishidan qo‘rqmayapti ham. Ba’zilar esa buni noto‘g‘ri jarayon deb hisoblashadi. Xafsalasizliklarga qaramay, klub rahbarlari ushbu taklifga rozi bo‘lmasdan boshqa iloji yo‘q ekanini biladi. Chunki Superliga mashmashasidan ko‘plar o‘zi uchun xulosa olgan. Shunday ekan, klublar tomonidan bildirilayotgan e’tirozlar va ko‘tarilgan muammolar to‘g‘ri hal qilinishi lozim. Biz esa voqealar rivojini kuzatishda davom etamiz.
Ingliz tilidan Jaloliddin ISMATOV tarjimasi
Olimpik
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
