Bugun Angliya-Premyer Ligasi 6-turidan o‘rin olgan uchrashuvlarga start beriladi. Turni «Chelsi» hamda "Manchester Siti" jamoalari o‘rtasidagi bellashuv ochib beradi.
Mazkur markaziy o‘yindan oldin qiziqarli ma’lumotlarni taqdim etib o‘tamiz.
«Chelsi» tarixda ilk bor Pep Gvardiola jamoalarini qatorasiga to‘rinchi marta mag‘lubiyatga uchratgan ilk klubga aylanishi mumkin.
Tomonlarning APL doirasidagi oxirgi 12 bahsi durang natija bilan tugamagan. «Chelsi»da 5, «Siti»da esa 7 g‘alaba mavjud.
Joriy mavsum Premyer-Liganing 5 o‘yinida «Chelsi»ning 10 nafar o‘yinchisi gol urishga muvaffaq bo‘ldi. Bunda avtogollar hisobga olinmagan. Oxirgi marta bunday natijaga «Arsenal» 2009/10 yilgi mavsumda erishgan va bu natijani dastlabki 4 turda uddalagandi.
"Manchester Siti"ning Kevin de Bryuynesi Premyer-Liga o‘yinidan o‘rin olgan «Chelsi»ga qarshi oxirgi 3 to‘qnashuvning har birida gol urgan - faqat Kreyg Bellami musobaqada o‘ynagan maxsus bitta kklub darvozasiga ketma-ket 4 bahsda gol urgan (2007-2011, «Nyukasl» darvozasiga).
Bahs rasmiylari
Bosh hakam: Maykl Oliver
Qanot hakamlari: Styuart Burt, Simon Bennett
To‘rtinchi hakam: Robert Jons
VAR: Darren Ingland
VAR yordamchisi: Den Robatan
Taxminiy tarkiblar
Chelsi - Mendi, Kristensen, Ryudiger, Silva, Aspilikueta, Alonso, Jorjinyo, Kovachich, Xaverts, Ziyesh, Lukaku
Manchester Siti - Ederson, Uoker,Ake, Diash, Kanselu, Fernandinyo, Foden, De Bryuyne, Jezus, Torres, Grilish.
Yo‘qotishlar
«Aristokratlar» safida Meyson Maunt jarohati bois maydonga tusha olmaydi. Kristian Pulishich va Eduar Mendi ham olgan jarohatidan to‘liq forig‘ bo‘lganicha yo‘q, ularning harakat qilishi noma’lum.
«Shaharliklar» safida Jon Stouns, Emerik Laport, Rodri, Zinchenko, Gyundogan - barcha o‘yinchilar kichik jarohat olganlari bois ularning maydonda harakat qilishi so‘roq ostida. Benjamin Mendi anchadan beri maydonga tushmayapti.
Raqamlar
"Manchester Siti" Premyer Liga doirasidagi oxirgi 4 o‘yinda darvozasidan to‘p olib chiqmadi.
«Chelsi» APLda oxirgi 3 uy uchrashuvida faqat g‘alaba qozonishga muvaffaq bo‘ldi.
«Chelsi» barcha musobaqalarda "Manchester Siti"ga qarshi so‘nggi 3 bahsda g‘alaba qozongan.
Londonliklarning APLdagi oxirgi 3 o‘yinida 2,5 tadan ko‘proq gol kiritilgan.
«Chelsi» oxirgi uch o‘yinda kamida ikkitadan gol urgan (Premyer Liga).
Jamoalar APLda o‘zaro 48 marta to‘qnash kelishgan. «Chelsi» 27 marta g‘alaba qozongan bo‘lsa, 14 o‘yinda «Siti» zafar quchgan. 7 bahsda durang natija qayd etilgan.
Ayni vaqtda APL musobaqa jadvalida 13 ochko to‘plagan «Chelsi» birinchi, 10 ochko bilan "Manchester Siti" beshinchi o‘rinni egallab turibdi.
Eslatib o‘tamiz, bugungi uchrashuv Toshkent vaqti bilan soat 16:30 da boshlanadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
