Chempionlar Ligasi asosiy favoritlaridan biri - PSJ klubi haqida ma’lumotlarni taqdim etamiz.
PSJ
UYEFA reytingi (2020/21 yakuni): 8
Qanday yetib kelishdi: Fransiya vise-chempioni
O‘tgan mavsum: yarim final (mag‘lubiyat, umumiy 1:4 "Manchester Siti")
Yevrokuboklardagi eng yaxshi ishtirok: finalchi (2019/20)
Bosh murabbiy: Maurisio Pochettino
2019 yilda kutilmaganda «Tottenxem» bilan YECHL finaliga qadar yetib borgan mutaxassis joriy yilning yanvar oyida Tomas Tuxelning o‘rniga PSJ boshqaruviga keldi. Aytish kerak, Pochettino 20 yil oldin Parij klubida futbolchi sifatida ham faoliyat olib borgan. Qisqacha qilib aytganda, Maradonaning jamoadoshi Maurisio ayni vaqtda Messidan tashqari yana bir qator yuqori darajali hamyurtlari bilan ishlamoqda.
Asosiy o‘yinchi: Neymar
Parijdagi beshinchi mavsumini o‘tkazayotgan Neymar ayni kuchga to‘liq bo‘lib turibdi. Braziliyalik Fransiyaga kelganidan beri deyarli har mavsum chempionlikni nishonlamoqda va o‘tkazgan o‘yinlari va gol urish ko‘rsatkichlari bo‘yicha deyarli teng natija qayd etmoqda. Shu paytga qadar u PSJ safida 123 o‘yinda 88 gol va 54 assist muallifiga aylangan. Shu natija orqali ham uning jamoaga qanchalik samarali o‘yinchi ekanligini bilib olish mumkin. Joriy mavsumdan «Barselona»dagi sobiq jamoadoshi Lionel Messi bilan yana birlashgani, bu yil ham Fransiya klubining chempionlik uchun imkoniyatlarini oshirib yubordi.
Yozgi eng katta xaridi: Lionel Messi
Bu xuddi tushga o‘xshaydi, ammo 21 yil, 778 o‘yin va «Barselona» uchun 672 goldan keyin afsonaviy Messi qizil va ko‘k rangdagi boshqa jamoaning libosinin kiydi. Erkin agent sifatida PSJga kelib qo‘shilgan 34 yoshli argentinalikdan dahshatli hujum chizig‘ining boshqaruvchisi bo‘lishi kutilmoqda. Neymar, Mbappe, Di Mariya... Shunchaki super hujumkor tarkib!
O‘yinini ko‘rish kerak: Janluiji Donnarumma
Yevro-2020 musobaqasida Italiya bilan chempion bo‘lgan hamda Yevropa chempionatining eng yaxshi futbolchisi deb topilgan darvozabon yozgi transferlar oynasida PSJ bilan shartnoma imzoladi. Italiya terma jamoasining birinchi raqamli posboni yangi klubida asosiy tarkibdan o‘rin olishi uchun anchagina ter to‘kishiga to‘g‘ri keladi.
Bilasizmi?
O‘tgan mavsum chorak finalda PSJ «Bavariya»ni musobaqadan chiqarib yuborgandi. Bu YECHL tarixida ilk bor finalchi, amaldagi chempionni pley-offda chiqarib yuborgani bilan yodda qoldi. Eslatib o‘tamiz, 2019/20 yilgi mavsum finalida myunxenliklar Parij klubini 1:0 hisobida mag‘lubiyatga uchratgandi.
A guruhida "Manchester Siti", «Leypsig» va «Bryugge» bilan bitta kvartetdan o‘rin olgan Fransiya grandi ikki turdan keyin 4 ochko bilan birinchi o‘rinda bormoqda. Ilk turda Belgiya jamoasi bilan 1:1 o‘ynagan Pochettino shogirdlari, ikkinchi turda APL chempionlarini 2:0 hisobida mag‘lubiyatga uchratishdi. Uchinchi turda jamoa Bundesliga vakilini qabul qiladi.
Andijon
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
