Angliya futbolida "Manchester Yunayted" va "Liverpul" orasidan holis muxlis uchun birini tanlab olish mushkul. Negaki, har ikki gigant klub ham katta tarixga ega. Ayni paytga kelib esa, har ikki tomonda dunyoning eng kuchli hujumchilari to‘p surmoqda. Bular Ronaldu va Salohdir. Har ikkisi dunyoning eng yaxshilari qatorida ye’tirof etiladi. Ammo ikkisidan qay biri yaxshiroq? Quyida ikki futbolchini solishtirishga harakat qilamiz.
Sovrinlar yutish
Sovrin yutish futbolda hamma narsani anglatmaydi. Ammo ushbu futbolchilar sovrinlarini hisoblashdan oldin, ularning individual qobiliyatlariga e’tibor qaratish kerak bo‘ladi. Shunday bo‘lsa ham sovrin yutish borasida Saloh Ronalduning yoniga yo‘lay olmaydi. Portugaliyalik Angliya, Ispaniya va Italiyada bir necha bor chempionlik unvonlarini qo‘lgan kiritgan. Qolaversa, Ronaldu beshta yevrokuboklar egasi. Yevropa sahnida esa bunday natijaga faqat "Real" afsonasi Pako Xento erishgan, xolos. Krishtianu 2016 yilda terma jamoasi bilan birga qit’a chempioni bo‘lgan. Buni ham unutmasligimiz lozim. Bunda o‘tmishda qo‘lga kiritilgan "Oltin to‘p"lar va boshqa shaxsiy sovrinlarni keltirib o‘tirishni foydasi yuq. Negaki, tepadagilarning o‘zi Salohning taslimiyati uchun yetarli bo‘ldi. Taqqoslanganda, Salohning sovrinlar juda oz ko‘rinar, ammo uning qadri yuksak va kerakli paytda erishilgan yutuqlardir.
Dribling
Ronaldu o‘smirlik paytidayoq o‘z driblingi ustida qattiq ishlagan. To‘p bilan muomalaning yuqori cho‘qqisiga erishgach esa, bundan biroz chekindi. Vinger fintlar, og‘ishmalar va kuchli quvvat bilan hamohanglik kasb etardi. O‘sha davrda yakkama yakka kurashlarda unga teng keladigani bo‘lmagan. Futbolchi sifatida rivojlanib borgani sari Ronaldu mahsuldorlikni afzal ko‘ra boshladi. U endilikda juda kerak bo‘lib qolsagina, birga-bir holatlarda dribling va fint qo‘llaydi, xolos.
Bu borada Saloh butun faoliyati davomida raqiblarni o‘ziga jalb qilish, ortda qoldirish, ularni aldab o‘tish va ayniqsa, sprinterlikda aql-bovar qilmas tezlikka ega bo‘lgan. Uning yaqindagina "Man Siti" va "Uotford"ga qarshi bergan zarbalari buni yaqqol isbotidir. Shuning uchun bu borada Salohning imkoniyatlarini yuqori baholaymiz.
Vaziyatni yakunlash
Raqib darvozasi oldidagi vaziyatlarni muvaffaqiyatli yakunlashda har ikki hujumchi ham tengsizdir. Ular hozirda bu borada xuddi dinamit kabi xususiyatga ega. Ularni APL "Oltin butsa"si uchun nomzodlar safida ko‘rish hech kimni hayron qoldirmagan bo‘lardi. Savol esa yana o‘sha-o‘sha: qay biri yaxshiroq?
Saloh o‘zining Angliyadagi debyut mavsumidayoq barcha uchrashuvlarda maydonga tushirilgan va 32 ta gol bilan mavsumni yakunlagan edi. Mutlaqo ajoyib natija! Shu bilan bir qatorda Ronalduning goleadorlik qobiliyatini yuqori baholashga majburmiz. Negaki, u bir necha mavsumlar davomida 40+ ko‘rsatkichga erishgan yagona hujumchi. Uning eng cho‘qqiga chiqqan davri 2014-2015 yillarga to‘g‘ri keladi. Krishtianu ushanda 48 ta gol bilan mavsumni tugatgan edi. Uning terma jamoadagi to‘purarligi ham tahsinga loyiq. Xullas, bu borada Ronaldu yuksakroq.
Butun maydon bo‘ylab faollik
Zamonaviy hujumchilarga faqatgina gol urish yoki uzatmalar ijro etish xos degan fikrda bo‘lsangiz, qattiq adashasiz. Bundan tashqari ular o‘z jamoasini har bir jabhada qo‘llab-quvvatlashi va faol bo‘lishi ham talab etiladi. Yurgen Klopp qo‘l-ostida harakat qilayotgan Muhammad esa bu borada keskin o‘sishga erishdi. Shu sabab u Ronaldudan yaxshiroqdir. Ronaldu himoyaviy ishlarda deyarli ishtirok etmaydi. U buning o‘rniga har doim o‘z kuchini o‘yinni hal qiluvchi pallasiga olib qo‘yishni afzal ko‘radi. Ronalduning pressingdagi harakatlariga ham havas qilib bo‘lmaydi. U o‘tgan yili pressing ko‘rsatkichi bo‘yicha Yevropaning top beshlik chempionatlarida eng past, 7,23 foizlik statistika qayd etdi. Shu sabab maydondagi jabhalarda faollik borasida Saloh Ronaldudan ustunlik qiladi.
ingliz tilidan Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
