«Barselona» nihoyat Ronald Kumanni iste’foga chiqardi. Hal qiluvchi bahs Madrid klubiga qarshi bo‘ldi, ammo bu «Real» emas, aksincha poytaxtning boshqa jamoasi «Rayo Valyekano» bilan o‘yindan so‘ng yuz berdi. «Stadion.uz» nashri gollandiyalik mutaxassisning o‘rnini kim egallashi mumkinligi haqida fikr yuritadi.
Ronald Kumanning ishdan bo‘shatilishini kutilmagan hodisa deb bo‘lmaydi. Ikki mavsumdan beri yuzaga kelayotgan omadsiz uchrashuvlar bunga sabab bo‘ldi. Gollandiyalik murabbiy klub miqyosidagi katta muvaffaqiyatlari bilan maqtana olmaydi. Niderlandiya chempionatidagi 2000 yillardagi g‘alabalarni unchalik muvaffaqiyatli davrlar deb bo‘lmaydi. «Barselona»ning oldingi rahbariyati Kumanni murabbiy etib tayinlaganida, bu qarorni hech kim tushunmagandi. Saylovlarda muxlislarning qo‘llab-quvvatlashi uchun jamoa boshqaruviga klub afsonasini tanlash populistik qaror edi. Biroq, bu reja ish bermadi. Kataloniyaliklarning hozirgi prezidenti Joan Laporta Kuman qoniqarsiz o‘yinlariga chidashi kerak edi, lekin hamma narsaning chegarasi bor. «Real»dan uchralgan mag‘lubiyatni ko‘pchilik kutilmagan natija deb qabul qilmadi. Leknin, nisbatan oddiyroq «Valyekano» qarshiligini sindira olmaslik, barchani g‘azabini keltirdi.
Ayni paytda, «Barselona»ni kim boshqarishi haqidagi savol ko‘pchilikni o‘ylantirib turibdi. Bu Xavi bo‘ladi yoki yo‘q. Ispan klubi afsonasi uzoq vaqtdan beri murabbiylik faoliyatini olib bormoqda. Xavi aqlli futbolchi edi va ko‘pchilik bu uning muvaffaqiyatli murabbiy bo‘lishiga ham yordam berishi kerak deb hisoblaydi. Ochig‘ini aytganda, sobiq futbolchining Kataloniya klubidagi muvaffaqiyatli faoliyatini taxmin qila olmaydi. Kimdir allaqachon «As-Sadda»dagi erishgan yutuqlari bilan Xavining murabbiylik qobiliyati yuqori ekanligini isbotlamoqchi. Biroq, bu yechimning javobi emasdek ko‘rinadi. Sababi, Qatar chempionatining saviyasini, La Liga bilan taqqoslaganda, saviya jihatdan juda ham past musobaqa ekanligi ko‘rinib qoladi.
«Barselona» muxlislari Xavini klubida murabbiylik faoliyatini olib borishni jindan ham xohlamoqda. Bu ajoyib futbol ertagi bo‘lishi mumkin, ya’ni yangi Xosep Gvardiolani topishga urinish. Biroq, bu juda katta xavf. «Barselona» ayni paytda jamoa sifatida butunlay qulasharafasida va chuqur inqirozni boshdan kechirmoqda. Bunday vaziyatda jiddiy tajribaga ega bo‘lmagan yosh mutaxassisga ishonish ruletka o‘yinidir.
Biroq, Xavining «Barselona»ga kelishining muhim plyus tomoni bor. Ya’ni, kataloniyaliklarning moliyaviy ahvoli og‘ir, yosh mutaxassis o‘z tug‘ilgan klubidan katta maoshga ega shartnoma talab qilishi dargumon. Boshqa har qanday kuchli murabbiy «Barselona»ning moliyaviy ahvoli haqida qayg‘urmaydi, balki shartnomada belgilanajak maosh haqida so‘raydi.
Agar «Barselona» hali ham afsonani emas, balki jamoani yana yuqoriga olib chiqa oladigan kuchli murabbiyni tanlasa, Xaviga e’tibor qaratmaslik qaramaslik kerak. Mish-mishlar orasida, «Ayaks» ustozi Erik ten Xag nomi ham keltirilmoqda. Haqiqatdan ham. ushbu mutaxassis salohiyati «Ayaks» darajasidan ancha yuqori ekanligi namoyon bo‘lmoqda. Uning katta jamoalarda, ayniqsa La Ligada ko‘rish esa ko‘pchilikka qiziq tuyulishi mumkin. Qolaversa, aynan u Frenki de Yong bilan ishlagan va uning o‘yinini butun dunyoga ochib bergan.
Balki, omadsiz mavsumining oxirigacha kutib, yozda «Liverpul» ustozi Yurgen Kloppni ham taklif qilish mumkin. Chunki, OAV orqali keltirilayotgan nomzodlar orasida, nemis mutaxassisi nomi ham bor. Kloppning ispan klubiga o‘tishiga yana bir sabab, u APLdagi deyarli barcha sovrinni qo‘lga kiritdi, hatto Yevropa maydonlarida ham mersisaydliklar bilan muvaffaqiyat qozona oldi. Shu sabab, La Liga varianti Yurgen uchun ham qiziq uyulishi mumkin.
«Barselona» «River Pleyt» bosh murabbiyi Marselo Galyardoni taklif qilishi mumkinligi haqida ham xabarlar tarqalgan. Argentina murabbiylik maktabi so‘nggi yillarda juda ham rivojlanayotganini hisobga olsak, bu ham qiziqarli variant bo‘ladi. Shuningdek, ushbu murabbiy allaqachon Janubiy Amerika qit’asidagi hamma sovrinlarni qo‘lga kiritganini ham e’tirof etish kerak. Har holda, Libertadores kubogida g‘alaba qozonish, Qatar chempionatida muvaffaqiyatga erishishdan ko‘ra yaxshiroq, chamamizda.
:focal(1163x638:1165x636)/origin-imgresizer.eurosport.com/2018/12/10/2479680-51492310-2560-1440.jpg)
Shunga qaramay, «Barselona» Xavini murabbiy sifatida tayinlash haqida o‘ylayapti, shekilli. Bir necha soat avval og‘zaki kelishuv haqidagi xabarlar tarqaldi. Ammo, bu qaror murabbiyning saviyasiga qarab emas, balki ko‘pchilikning orzusiga qarab qabul qilingan qaror bo‘ladi. Boshqa tomondan esa bu ajoyib yarimhimoyachi haqiqatan ham zo‘r murabbiymi, yoki boshqami, degan savol qiziq tuyuladi.
Jamshidjon Mahmudov tayyorladi.
Surxon
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
