«Liverpul» Angliya Premyer-ligasining yangi mavsum dastlabki 9 turida mag‘lubiyat alamini tatib ko‘rmagan yagona jamoa. «Qizillar» hisobida 6 g‘alaba va 3 durang bor.
Mersisaydliklar Chempionlar ligasini qiyin guruhda boshlab, «Milan» (3:2), «Portu» (5:1) va «Atletiko» (3:2) bilan bahs olib borgan holda uchta ajoyib g‘alabaga erishdi.
Ayni paytda «qizillar» Angliya Liga kubogi chorak finaliga «Norvich» (3:0) va «Preston» (2:0) bilan o‘yinlarda qiyinchiliklarga duch kelmadi.
2021/22 yilgi mavsumda barcha musobaqalarda 14 ta o‘yinda «Liverpul» 11 g‘alaba qozongan va 3 marta durang o‘ynagan. Yurgen Klopp shogirdlari 14 uchrashuvdan 8 tasini (57%) o‘z darvozasidan gol o‘tkazib yubormasdan o‘tkazdi va urilgan gollarning umumiy soni 43 tani yoki o‘rtacha har bir o‘yinda 3,07 ta golni tashkil etdi.
«Liverpul»ning mag‘lubiyatsiz seriyasi allaqachon 23 uchrashuvdan iborat. «Qizillar» so‘nggi mag‘lubiyatini aprel oyida, Chempionlar Ligasi chorak finalida «Real»dan qabul qilib olgandi.(1:3)
Muhammad Saloh mavsum boshida ajoyib o‘yin ko‘rsatmoqda: misrlik futbolchi 12 o‘yinda 17 ta gol va 5 ta golli uzatmani amalga oshirgan. Ajoyib!
Faktlar shuni ko‘rsatadiki, «Liverpul» o‘zining eng kuchli sport formasiga chiqdi. Va bunday kuchli o‘yinning sababi nima?
Markaziy himoyachilarning qaytishi
«Liverpul»ning joriy mavsumdagi muvaffaqiyatini o‘tmish bilan solishtirganda, yaqqol faktni aytmasdan turib, tahlil qilib bo‘lmaydi: endi Yurgen Klopp jamoasi yana eng kuchli himoyachi van Deyk boshchiligidagi himoyaga ega. Niderlandiyalik futbolchi nafaqat maydonga qaytdi, balki kutilganidek o‘ynamoqda ham. Jarohatlarning oqibatlari deyarli sezilmadi. Zafarli qaytishda uni o‘tgan mavsum oxirida o‘yinga majburlamaslik qarori, shuningdek, himoyachining Niderlandiya terma jamoasi bilan Yevro-2020ga bormaslik haqidagi qarori katta rol o‘ynadi.
Bu to‘liq tiklanish va yangi mavsumga to‘liq qurollangan holda tayyorlanish imkonini berdi. Klopp yana nafaqat van Deykka, balki Virjilning markaziy himoyadagi sherigi bo‘lib qolgan Matipga ham ishonishi mumkin, garchi yangi kelgan Konatening kelajagi istiqbolli ko‘rinsada. «Liverpul» himoyasi sifatini oddiy fakt bilan baholash mumkinki, Jo Gomes hozirda Yurgen Klopp uchun markaziy himoyachi sifatida to‘rtinchi tanlovdir.
«Domino effekti»
Odatda bu atama salbiy kontekstda ishlatiladi: bitta bo‘g‘im tushib, halokat zanjirini boshlab beradi. Ammo qarama-qarshi domino effekti ham mavjud, bir tomonni yaxshilash jamoaning tegishli fazilatlarini yaxshilaydi va umumiy darajani oshiradi. Shunday qilib, asosiy markaziy himoyachilarning qaytishi, albatta, «Liverpul»ning standart hujumdagi pozisiyalarini yanada samaraliroq qildi va himoya markazida van Deykdek bo‘lakning bo‘lishi muqarrar ravishda darvozabonga ham, yarim himoyachilarga ham ishonch bag‘ishlaydi.
Himoya markazida jahon miqyosidagi futbolchining bo‘lishi juda yaxshi ruhiy holatni ham ta’minlab beradi. Virjil butun jamoaga kuchli ta’sir ko‘rsatadi.
Muvaffaqiyatga intilishda mayda-chuyda narsalar bo‘lmaydi
Yurgen Klopp yorqin va xarizmatik inson, lekin uning kepkasi ostida doimiy ravishda jamoa samaradorligini oshirish uchun g‘oyalar ishlab chiqaradigan pragmatist bor.
Nemis murabbiyi mayda-chuyda narsalarga maksimal darajada e’tibor qaratadi: u birinchi bo‘lib o‘z qarorgohiga autdan to‘pni to‘g‘ri tashlashni o‘rgatuvchi murabbiyni taklif qildi va shu mavsumdan boshlab jarayonlar ta’sirini o‘rganuvchi Neuro11 kompaniyasidagi hamkasblari bilan hamkorlik qilmoqda. Bu kompaniya tomonidan taqdim etilgan moslamalar futbolchining maydondagi foydali harakatlarini hisoblash uchun xizmat qiladi.
Ajoyib trio yana tarkibda
O‘tgan mavsum Sadio Mane va Roberto Firminyo uchun «Liverpul»da o‘tkazgan eng yomoni bo‘ldi va Muhammad Saloh o‘z imkoniyatlaridan pastroq o‘ynadi. Endi hamma narsa boshqacha bo‘ladi, shekilli. Braziliyalik futbolchi asosiy tarkibda bor-yo‘g‘i 4ta o‘yinda maydonga tushib, 6ta gol urdi va golli uzatmani amalga oshirdi.
Diogo Jota bilan raqobat Bobbi uchun o‘sish imkonini beradi
Yana bir muhim omil muxlislarning tribunaga qaytishi, Firminyo esa aynan muxlislar energiyasi bilan oziqlanadigan futbolchilardan biri hisoblanadi. Manega esa shunchaki tanaffus kerak edi. Mo Saloh hozirda dunyoning eng yaxshi futbolchisi. Rekordlarni yangiladi, Premyer-liga tarixidagi eng sermahsul afrikalik futbolchiga aylandi va u to‘xtab qolmaydi. Bunday aql bovar qilmaydigan Saloh bilan kuchli hujum muvaffaqiyatning yana bir kalitidir.
To‘liq tribunalar
«Liverpul» 30 yillik tanaffusdan so‘ng uzoq kutilgan chempionlikni qo‘lga kiritdi, biroq o‘z muxlislari oldida buni nishonlay olmadi. Endi esa buni takrorlamoqchi, lekin Enfildning shovqini bilan. Muxlislarning tribunaga qaytishi jamoa uchun ham motivasiya beradi. Angliya futbol taxtiga uchta asosiy da’vogarning o‘yiniga muxlislarning ta’sirini solishtiradigan bo‘lsak, to‘liq tribunalar «qizillar»ga «Man Siti» va «Chelsi»ga qaraganda ko‘proq ta’sir qiladi.
Futbolni seving, «Liverpul»ni seving!
You will never walk alone!!!
Ruslan Maksimov tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
