Yevro-2020da muxlislar hayratiga sabab bo‘lgan va Jahon Chempionatiga yo‘llanmani eng birinchilardan bo‘lib naqd qilgan terma jamoa – Daniya termasi. Tarkibida top darajadagi yulduz futbolchilari bo‘lmasa-da, mashaqqatli mehnati evaziga yuksak natijalar qayd etayotgan ushbu yurt vakillari yana bir bor bizning alohida e’tiborimizga sazovor bo‘ldi. Hozir biz shu go‘zal mamlakatning ajabtovur futbol ko‘rsatayotgan terma jamoasi haqida fikr yuritishga qaror qildik.
Futbolchilar shaxsiyati
Yuqorida aytib o‘tilganidek, bosh murabbiy Kasper Xyulmann qo‘l ostida mehnatdan qochmaydigan, har qanday sharoitda oxirigacha kurashadigan yigitlar jamlangan. Darvozadagi Shmeyxeldan tortib, hujumdagi Poulsenga qadar har bir chiziqda g‘alaba uchun borini berishga tayyor futbolchilar saf tortib turishibdi. Ularning ko‘zlarida qat’iylik, qadamlarida dadillik, harakatlarida vatanparvarlik hislari jo‘sh urib turibdi. Shuning uchun ham o‘sha katta musobaqadan keyin tomoshabinlarda Daniyaga bo‘lgan simpatiya yuqori edi.
Yevroda ko‘rsatilgan olamshumul ko‘rsatkichlardan so‘ng, ko‘pchilik bu jamoani yana avvalgidek o‘rtamiyonalar qatoriga qaytadi deb o‘ylashgandi. Biroq taxminlar o‘zini oqlamadi. Bu jamoa borgan sari kuchaygandan kuchayib bormoqda.
Eriksen effekti
Yevroda Kristian Eriksenning hushdan ketib yiqilishi uning sheriklariga ikki xil ta’sir qilishi mumkin edi. Birinchisi, jamoa tushkunlikka tushib, bor o‘yinini ham ko‘rsata olmasligi, ikkinchisi esa og‘ir ahvoldagi do‘stlari uchun o‘z darajasidan ham yuqoriroq harakat qilish edi. Daniya termasi ikkinchi yo‘lni tanladi va bu orqali butun dunyoga o‘zlarini kim ekanliklarini ko‘rsatib qo‘yishdi. O‘zi bu mamlakat futbolida kimnidir ajratib ko‘rsatish kerak bo‘lsa, hech ikkilanmasdan Eriksenni ko‘rsatsa bo‘lardi. Ammo baxtga qarshi, shu yetakchisi ham eng kerakli paytda safdan chiqqanidayam bir ma’no bor. Kristiansiz Daniya nisbatan bir tekis tuzilgan. Ya’ni hech kimni alohida ajratib ko‘rsata olmaysiz. Ba’zida Poulsen yetakchilikni qo‘lga olsa, ba’zan Breytueyt zo‘r o‘ynab yuboradi. Hatto yosh Damsgorning ko‘p o‘yinlarda qahramonga aylangani guvohi bo‘ldik. Aniqroq qilib aytadigan bo‘lsak, Daniya terma jamoasida xuddi Shvesiya MTJdagi singari vaziyat takrorlanmoqda. Ibragimovich ketgandan so‘ng shvedlar qancha yaxshiroq ko‘rinishgan bo‘lsa, daniyaliklar ham Eriksen safdan chiqqach shuncha ajoyib harakatlanishmoqda.
Taktik ishlanmalar
Murabbiy Kasper Xyulmannning shogirdlari erishayotgan ajoyib g‘alabalarida katta hissasi bor. Uning murabbiylik faoliyatidagi eng nomdor jamoasi “Mayns“ klubi sanaladi. Lekin u yerda Kasper atigi 1 yil faoliyat olib borgan, xolos. Murabbiylik borasida uning klublar miqyosidagi faoliyatiga havas qilib bo‘lmaydi. Shunga qaramay, u o‘z yurti terma jamoasida fantastik natijalarga erishdi va erishmoqda. Uning “dinamitlar“ bilan olib borayotgan taktik usullariga e’tibor qaratsak, Xyulmann asosan, 3 markaziy himoyachi bilan o‘ynashga odatlangan. 2 qanot himoyachilari raqibni chalg‘itish maqsadida himoyadan hujumga qo‘shilib turishadi. Bunisi zamonaviy futbolda yangilik emas. Lekin bu ishlanma futbolchilarga maydonda erkin harakat qilishlariga imkon beradi. Shuningdek, kuchli pressing qilish uchun bu taktika juda qulay. Qanotlarga tezkor va texnikasi kuchli loterallar jalb etilgan. Gohida murabbiy raqib qanotlaridan emas, markazidan zaif joylar topsa, sxemani 4-1-4-1 yoki 4-3-3ga o‘zgartiradi. Bu usulda 1ta markaziy himoyachi “qurbon“ qilinadi va uning o‘rniga hujumkor yarimhimoyachi tushiriladi. Vaholanki, qanday taktikada bo‘lishidan qat’iy nazar, Daniyaning asosiy g‘oyasi – raqibga o‘yin bermaslik orqali o‘z o‘yinini shakllantirish bo‘lib qolaveradi. Qarshi tomonni doimiy bosimda ushlab turish va hujumkorlikni esdan chiqarmaslik alohida ahamiyatga ega. Shu jihati bilan “dinamitlar“ ko‘plab muxlislar qalbidan joy egallay bildi.
Gap isboti bilan...
Daniya terma jamoasi so‘nggi 6 o‘yindan beri mag‘lubiyatga uchramayapti va hatto, durang ham qayd etilmagan. To‘plar nisbati – 16:1.
Jahon Chempionati saralash bahslarida “dinamitlar“ 9 o‘yinning barchasida g‘alaba qozonishgan. To‘plar nisbati – 30:1.
Har o‘yinda bu jamoa o‘rtacha 3tadan gol uradi, 11ta zarba beradi. To‘p nazorati 60 foizdan yuqori.
Ha, raqamlardan ham ma’lum bo‘ladiki, daniyaliklar oxirgi yillarda ancha o‘sishga muvaffaq bo‘lishdi. Muhimi, ular yaxlit bir jamoa sifatida rivojlandi. Bu yerda kimnidir alohida ajratib ko‘rsatish adolatdan bo‘lmaydi. “Bir yoqadan bosh chiqarib ishlash“ degani shunaqa bo‘lsa kerak. Haqiqatan o‘rnak olsa arzirli mamlakat bu DANIYA.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
