Uchrashuv ahamiyatidan kelib chiqsak, uning tomoshabop va keskin kurashlar ostida o‘tishini taxmin qilish qiyin emasdi. Har ikki jamoa shunga munosib tarzda stadionga to‘plangan muxlislarga murosasiz o‘yin taqdim etishdi.
Birinchi bo‘limda xavfli vaziyatlar asosan standartlardan keyin vujudga keldi. Ayniqsa, “Navbahor” futbolchilarining burchak zarbasini ijro etishlari natijasida “Andijon” darvozasi oldida golga tortadigan holatlar kuzatildi. Mezbonlar ham o‘z navbatida, oldinga intilib, xavfli hujumlar uyushtirishdi. Shunday holatlardan biri 34-daqiqada kuzatilib, O‘tkir Yusupov so‘nggi himoyachi rolini bajarib, oldinga intildi, lekin biroz xatoga yo‘l qo‘yishi oqibatida andijonliklar hisobni ochishlari mumkin edi. Lekin bu vaziyatda himoyachilarimiz faol harakat qilishdi.
Shu tariqa, tomonlarning astoydil urinishlariga qaramay, birinchi bo‘limda hisob ochilmadi. 15 daqiqalik tanaffusdan keyin “Navbahor” ustunlikni o‘z tomoniga og‘dirib, hujumni kuchaytirdi. Urinishlar 67-daqiqada o‘z samarasini berdi. Mirzohid G‘ofurovning burchakdan oshirib bergan to‘pini barchadan chaqqon harakat qilgan Igor Golban ikkinchi harakatda darvoza to‘riga joyladi – 0:1.
Goldan so‘ng maydon egalari vaziyatni o‘nglash maqsadida oldinga intilishdi, lekin futbolchilarimizning tartibli harakatlari darvozamizga to‘p kiritilishining oldini oldi. 79-daqiqada “Andijon” a’zosi Baxtiyorjon Qosimov ikkinchi sariq kartochkani olib, maydondan chetlatildi. Oradan 8 daqiqa o‘tib, “Navbahor” mezbonlar darvozasiga ikkinchi to‘pni kiritdi. Vakillarimizning qarshi hujumi payti Ehsoni Panshanbe darvozabon bilan yakkama-yakka vaziyatga chiqib borib, o‘zi gol urishi mumkin bo‘lgan vaziyatda to‘pni sherigi Boyan Naydenovga uzatdi. Yarim himoyachimizga esa bo‘sh qolgan darvozani ishg‘ol qilish qiyinchilik tug‘dirmadi – 0:2.
89-daqiqada “Andijon” futbolchilari hisobn qisqartirishdi. Gol muallifi – Usmonali Ismonaliyev. Lekin bu uchrashuvdagi so‘nggi gol bo‘ldi va “Navbahor” safardan uch ochko bilan qaytdi.
Superliga. 25-tur
21 noyabr (yakshanba)
“ANDIJON” - “NAVBAHOR” – 1:2 (0:0)
Andijon. “Bobur arena” stadioni. 5469 tomoshabin.
Hakamlar: Zokir Qodirov, Sanjar Shoyusupov, Aleksandr Sidorov, Husan Muzaffarov.
Nazoratchi: Konstantin Smirnov.
O‘zPFL komissari: Said Shohruh.
Gollar: Usmonali Ismonaliyev (89) – Igor Golban (67), Boyan Naydenov (87).
“Andijon”: 1.Eldor Adhamov, 3.Azamat Isroilov (20.Izzatillo Abdulhaqov, 82), 4.Usmonali Ismonaliyev, 5.Abdulvohid G‘ulomov, 8.Baxtiyorjon Qosimov, 9.Pavel Zabelin, 14.Vasiliy Sovpel, 17.Farhodjon Sohibjonov, 18.Abdug‘ani Kamolov (10.Vladislav Vasilyev, 78), 26.Muhammadkarim Toirov, 49.Plamen Dimov.
“Navbahor”: 1.O‘tkir Yusupov, 4.Boyan Siger, 7.Azimjon Ahmedov, 8.Sardor Telyakov (20.Ibrohim G‘anixonov, 61), 17.Ehsoni Panshanbe (28.Ilhomjon Alijonov, 90), 19.Mirzohid G‘ofurov, 22.Igor Golban, 24.Davronbek Hoshimov, 70.Abbosjon G‘ulomov, 88.Boyan Naydenov, 95.Zabihillo O‘rinboyev.
Ogohlantirishlar: Pavel Zabelin (1), Baxtiyorjon Qosimov (15), Abdug‘ani Kamolov (28), Plamen Dimov (58), Usmonali Ismonaliyev (89) – Abbosjon G‘ulomov (8), Igor Golban (19), Boyan Naydenov (30), O‘tkir Yusupov (90+2).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
