Haftaning asosiy mish-mishlarida Lionel Messi nima uchun PSJni tark etmoqchi ekanligi, Mbappe “Real”ga emas, aksincha APLga o‘tishi rostmi? O‘zbeksion kubogi yarim final uchrashuvlaridagi hakamlar qarori noto‘g‘rimi? Shu kabi xabarlar dayjestini “Stadion.uz” nashrining hafta xabarlari rukni orqali xabar topishingi mumkin.
Messi PSJni tark etadi
Lionel Messi PSJ kulini tark etishi haqidagi mish-mishlar kunning eng “bomba” xabari bo‘ldi. Bunga asosiy sabab sifatida Leoning parijliklar safidagi ishonchsiz o‘yinlari ko‘rsatilmoqda. Albatta, Messidan ko‘p narsa kutilgandi. Futbolchining o‘zi ham PSJdagi startidan ko‘ngli to‘q emas. Mish-mishlarga ko‘ra, Lionel yozda klubni tark etish haqida o‘ylamoqda. Argentinalik futbolchi mavsum so‘ngida shartnomani buzishi mumkinligi haqida ma’lumotlar bor. Qo‘shimcha qilinishicha, Messi va PSJ o‘rtasidagi bitimda aynan shunga o‘xshash band kiritilgan.
Mbappe Premyer-ligaga o‘tishi mumkin
Kilian Mbappening “Real”ga o‘tishi muqarrardek tuyuladi. Futbolchining o‘zi Madrid grandida o‘ynash istagi haqida gapirdi va Madrid klubiham fransuzni qo‘lga kiritish istagi haqida gapirishdan tortinmadi. Biroq, bu hafta “Liverpul” Mbappeni sotib olishga umid qilayotgani haqida ma’lumot paydo bo‘ldi. Mersisaydliklar klubi maosh bo‘yicha “Real”ning moliyaviy taklifidan ko‘proq berishga va fransiyalik hujumchiga mavsum uchun 30 million yevro maosh to‘lashga tayyor.
O‘zbekiston kubogi yarim finalida hakamlar noto‘g‘ri qaror chiqardimi?
O‘zbekiston kubogi yarim final uchrashuvlari doirasidagi AGMK – “Nasaf”, “Paxtakor” – “Bunyodkor” jamoalari o‘rtasidagi bahsdagi hakamlar bilan bog‘liq vaziyatga baho berildi. Unga ko‘ra, Olmaliqdagi AGMK va “Nasaf” uchrashuvidagi qarshiliklar a’zosi Marko Stanoyevichning maydondan chetlatilishi, AGMK tomonidan 110-120 daqiqalarda kiritilgan gollarning bekor qilinishi va “Nasaf” foydasiga penalti belgilanishi kabi holatlar hakamlik qoidalariga mos ravishda chiqarilgan qaror deb topildi.
Shuningdek, Toshkentdagi “Paxtakor” va “Bunyodkor” o‘rtasida kechgan uchrashuvda “sherlar” futbolchilari Dragan Cheran va Sherzod A’zamovning qizil kartochka olib chetlatilishida ham hech qanday shubhali holatlar va hakamlik hatolari emasligi ta’kidlangan.
Zidan PSJ murabbiyiga aylanadi
Fransiyaning PSJ klubi rahbariyati “Real” sobiq ustozi Zinedin Zidan bilan kelishuvga erishgani aytilmoqda. “Foot Mercato” nashri xabariga ko‘ra, tomonlar keyingi mavsumdan hamkorlik qilish borasida amalda kelishib olgan.
Ammo fransuz mutaxassisini xavotirga solayotgan yana bir jihat hal etilmagani malum bo‘ldi. Gap shundaki, Zidan Parijda erkin harakat qilishni va sport direktori Leonardoga bo‘ysunmaslikni xohlamoqda.
Bugun esa Parij klubi egasining ukasi Xalifa bin Hamad Al-Tani o‘zining “Twitter”dagi sahifasida ma’lum qildi.
Ijtimoiy tarmoqda u kelishuvga erishilgani va tez orada klub bu haqda rasman e’lon qilishini yozgan.
“Zizu, PSJga xush kelibsiz”, deb yozgan Al-Tani.
“Manchester Yunayted” “Real” to‘purarini APLga olib kelmoqchi
Joriy mavsumda “Real”da muvaffaqiyatli o‘ynab kelayotgan braziliyalik hujumchi Vinisius Junior “Manchester Yunayted” qiziqishlari doirasiga tushib qoldi. “El Nacional” nashri jurnalistlarining yozishicha, “qizil iblislar” futbolchi uchun “qirollik klubi”dagidan ko‘ra qulayroq shartnoma taklif qilmoqchi.
Biroq madridliklar shartnomasi yana 2,5 yilga mo‘ljallangan futbolchini qo‘yib yuborishni istamasa kerak. Bundan tashqari, ispanlar kelishuvni uzaytirishga va unda avvalroq xabar qilinganidek, tovon puliga bir milliard yevro miqdoridagi bandni belgilashga tayyor.
La Liganing joriy mavsumida 21 yoshli hujumchi 13 ta o‘yin o‘tkazib, 8 ta gol va 2 ta golli uzatmaga mualliflik qilgan.
Jamshidjon Mahmudov tayyorladi
Mash’al
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
