O‘FA birinchi vise-prezidenti Ravshan Ermatov hududlardagi futbol ommaviyligini oshirish, bolalar-o‘smirlar futbolini yanada rivojlantirish bo‘yicha amalga oshirilayotgan ishlar va kelajakdagi istiqbolli loyihalarni muhokama qilish maqsadida Andijon va Namangan viloyatlariga tashrif buyurdi.
Tashrif avvalida Ravshan Ermatov Andijon viloyatdagi akademiyada yoshlar uchun yaratib berilayotgan sharoitlar bilan yaqindan tanishdi. Mas’ullar bilan bo‘lgan suhbatda bolalar uchun maydonlarni sifatli holatga keltirish, inshootlarning yotoqxona va oshxonalarini zamon talablariga mos ravishda jihozlash, shuningdek, Yevropa akademiyalari kabi barcha talablarga javob beradigan sharoitlarni tashkillashtirish bo‘yicha topshiriqlar berildi.
Shundan keyin bolalar-o‘smirlar maktabining faoliyati, infratuzilmasi va mavjud shart-sharoitlari ko‘zdan kechirildi. Viloyat miqyosida bolalar futbolining infrastrukturasi yuzasidan fikr almashildi.
“Mamlakat futbolining ertasi aynan bugungi yoshlarning qanday tarbiyalanishlari, kamol topishlari bilan chambarchas bog‘liq. Shu sababli bolalarimizning kelajagimizdagi o‘rnini his etgan holda ularning muammolariga, to‘qnash keladigan qiyinchiliklariga amaliy va ilmiy-tahliliy ko‘mak berish har birimizning mas’uliyatli vazifamiz hisoblanadi” dedi Ravshan Ermatov.
Uchrashuv davomida kelajakda Andijondan ko‘plab iste’dodli futbolchilar yetishib chiqishi uchun viloyatdagi futbol mahorati maktablarining faoliyatini tizimli va xalqaro standartlar asosida tashkil etish zarurligi ta’kidlandi. Futbol maktablarida tarbiyalanayotgan bolalar nafaqat jismonan, balki ma’nan ham yetuk bo‘lishi, ularning ta’lim olishi va kitob o‘qishi zarur ekanligi aytildi.
Yosh futbolchilar bilan o‘tkazilgan muloqotda Tojikistonda o‘tkazilgan CAFA U-15 turniri borasida fikr almashildi. Yoshlar, ayniqsa, bolalar ulkan natijalar uchun katta mehnat, intizom va sabr qilishlari kerakligi aytildi. Shuningdek, ularga tengdoshlari kabi terma jamoalar yig‘inlariga jalb etilishlari uchun harakat va tirishqoqlik zarur ekanligi ta’kidlandi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
