Ole-Gunnar Sulsher endi “Manchester Yunayted”da emas va ko‘pchilik muxlislar buni mantiqiy ekanligini bilishadi. Bir necha oy oldin mutaxassisning kelajagi porloqdek tuyulgandi. Ammo...
Norvegiyalik bilan yangi shartnoma imzolandi va “Yunayted”rahbariyati jadvaldagi ikkinchi o‘rindan so‘ng jamoasining holati bilan faxrlanardi. Hozirda esa “qizil iblislar”ning kuchli to‘rtlikka kirishi ham aniq emas. Ammo qayerda xatolik yuz berdi? Va Ole nima qilishi kerak edi?
Din Xendersonni Yevropa Ligasi finalida asosiy tarkibda tushirish kerak edi
David De Xea Yevropa ligasi finalida 11 ta penaltini hammasini o‘tkazib yubordi va bu “Vilyarreal”ga bayram qilish imkonini berdi.
Bu kabi narsalarni oldindan aytish qiyin bo‘lsa-da, De Xea 2016 yildan beri penalti qaytarishni uddalamayapti. Albatta, klubdagi statistikani e’tiborsiz qoldirib bo‘lmaydi va Xenderson yaxshiroq o‘ynashiga shubha yo‘q edi. O‘sha o‘yinda “Manchester Yunayted” yutganida, Ole ustidan bosim kamroq bo‘lardi. Ha, qaror aniq emas, lekin agar norvegiyalik aqlliroq bo‘lsa, u hali ham “Yunayted” ustozi sifatida ishlashi mumkin edi.
Jessi Lingard va Donni van de Bekni sotish kerak edi
Ser Aleks Fergyuson “Yunayted”ni boshqarganida, chempionlar bilan teng keladigan tarkibga ega edi. Yarimhimoyaga Park Chi Sung va Darren Fletcher javob berishgan bo‘lsa, agarda formada bo‘lganida bir mavsumda 15 ta gol urishga qodir hujumchi Lui Saa zaxira o‘rindig‘ida o‘tirdi.
Balki yangi mavsumda Lingard va van de Bekni saqlab qolgan Ole aynan shunday o‘ylagandir. Ammo Fergining kunlari o‘tdi. Futbolchilar terma jamoalarga chaqirilish uchun o‘ynashni xohlashadi va Ole o‘zining tejamkorligi bilan o‘z futbolchilari va matbuot tomonidan bosim darajasini oshirdi.
Yarimhimoyachi sotib olishi kerak edi
Yarimhimoya “Yunayted”ning zaif nuqtasi. Klub tayanch yarimhimoyachisiz hech qachon muvaffaqiyat qozona olmaydi. Bu “teshik”ni yopish uchun vaqt va pul bor edi, lekin murabbiy uni boshqa pozisiyalarga sarfladi. Masalan, sotilishi mumkin bo‘lgan Pol Pogbani saqlab qoldi. Ronalduni jamoaga taklif qilish qarori ham mantiqan asosli emas edi.
Maguayrning maydonga tushishi
Maguayrning qo‘rqinchli formasi “Manchester Yunayted”ning bu yilgi omadsiz o‘yinining asosiy sabablaridan biri. Ammo o‘tgan mavsumda u juda yaxshi o‘ynadi.
Gvardiola Jon Stounzga og‘ir mavsumdan so‘ng uzluksiz tanaffus bergan “Siti”ni ko‘rib chiqaylik. Uning fonida Maguayr tinmay maydonga tushdi. Buning natijasida u umuman tiklanishga ulgurmadi. Ajablanarlisi, Garri jarohat olganidan keyin ham maydonga tushdi.
Sulsher jarohatlangan Maguayrni boshqa o‘yinchilardan yaxshiroq deb qaror qildi va bu xato qaror edi. Hatto Aksel Tuanzebe ham yaxshiroq harakat qilgan bo‘lardi.
Krishtianu Ronalduni ortga qaytarish
Jamoa uchun Ronalduning qo‘lga kiritilishi orqaga tashlangan qadamdir, chunki uning nomi bilan Ole jamoasining muvozanati buzildi. Bundan tashqari: portugaliyalikning kelishi bilan uzoq muddatli loyiha bilan shug‘ullanadigan va qimmat yulduzlarni sotib olishga intilmagan murabbiyning obro‘si pasayib ketdi. Keyin jamoa o‘z murabbiyini emas, Ronalduni xursand qilishga harakat qila boshladi. Norvegiyalikda bunday yulduz bilan kurashish tajribasi bo‘lmagan va mish-mishlarga ko‘ra, aynan Ronalduning agenti mutaxassisni ishdan bo‘shatishni talab qilgan.
Jamshidjon Mahmudov tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
