Muxlislar «Chelsi» va «Yuventus» ayollar jamoalari o‘rtasidagi o‘yinda gol ko‘rishmadi, ammo ajoyib «tomosha» guvohiga aylanishdi. Uchrashuv davom etayotgan pallada muxlislardan biri maydonga yugurib tushdi va telefonini qo‘liga olib, kim bilandir suratga tushishni o‘yladi. Biroq styuardlar yugurib kelayotganini ko‘rgach, qochishga urindi. Shunda «Chelsi» futbolchisi Sem Kerr bir tutib, uni maydonga qulatdi va xodimlarga bunday yordami uchun hakamdan sariq kartochka oldi.
Britaniya OAVning aniqlashtirilishicha, maydonga yugurib tushgan muxlis «Chelsi» sardori Magdalena Eriksson bilan suratga tushishni xohlagan ekan. Chunonchi, Magdalena o‘yindan bir necha kun oldin ayollar futbolida stadionlarni to‘ldirish muhimligi haqida gapirgandi. U jumladan, 2018 yilgi kubok finalida muxlislar «Chelsi» ayollar jamoasiga qanday yordam berishganini esladi. O‘shanda tribunalarda 45 ming muxlis yig‘ilgandi.
Sem Kerr - «Chelsi»ning avstraliyalik legioneri. 2019 yildan buyon Angliyada o‘ynayotgan Sem dunyoning eng yaxshi ayol futbolchilaridan biri hisoblanadi. U kreativ harakatlari golni chiroyli tarzda nishonlashi bilan mashhur: odatda ajoyib salto namoyish etadi. Albatta, bu Sem ijrosidagi bu «tryuk» fanatga tashlanishidan ta’sirliroq ko‘rinadi. Umuman, Semning «Instagram»dagi sahifasida golni nishonlashga bog‘liq salto suratlari juda ko‘p. Sem Kerr shuningdek, golni nishonlash borasida Avtraliya futboli faxri Tim Keyxilldan ham ko‘chirma olgan. Ha, burchak bayrog‘i bilan «boks tushish» sahnasi ko‘zda tutilmoqda. Xullas, Sem ayollar o‘rtasidagi JCH-2019da aynan Keyxill harakatini takrorladi. Yana bir fakt shuki, u Avstraliya ayollar terma jamoasidagi debyutini atigi 15 yoshi (!)da nishonlagan.
Sem Kerning faoliyatida muxlislarga bog‘liq boshqa qiziqarli voqelik ham bor. «Barselona» ayollar termasi 2019 yilning bahorida «Lion»ga yutqazgach, avstraliyalik futbolchi kutilmaganda, bunga alohida izoh yozdi: «Barca» raqobatbardosh emas». Kataloniya klubi oradan ko‘p o‘tmay, «Chelsi»ni tor-mor keltirgach, ispaniyalik muxlislar Sem Kerrni turli-tuman «tvit»lar bilan bombardimon qilishdi.
Sem aslida muxlislarning futbolchilar bilan suratga tushishni xohlashlariga oddiy qaraydi. Deylik, «Tvitter»da notanish kishi 7 yoshli qizalog‘i u bilan suratga tushish orzusi haqida yozganida, u darhol ijobiy javob qaytargandi. Ya’ni navbatdagi o‘yindan so‘ng qizcha orzusini ro‘yobga chiqardi.
Surxon
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
