Individual qobiliyati haqida gap ketganda, hech narsa jarima zarbasidan ko‘ra jozibaliroq ko‘rinmaydi. Shunday emasmi?
Ingliz futboli Devid Bekxem, Krishtianu Ronaldu, Tyerri Anri kabi jarima zarbalari ustalarining o‘yinlariga guvoh bo‘lishgan. Va yaqinda ular safiga “Sautgempton”dan 27 yoshli futbolchisi Jeyms Uord-Prouz ham qo‘shildi. Futbolchi 15 yanvar kuni “Vulverxemton” darvozasiga “Free Kick”dan to‘p kiritdi. Bu Jeyms uchun APLdagi faoliyati davomida jarimadan kiritgan 12-gol bo‘ldi.
Keling, Angliya Premyer-ligasida kim jarima zarbasidan eng ko‘p gol kiritganiga aniqlik kiritamiz.
10. Frenk Lempard (9 gol)
Ko‘pchilik jarima to‘pini tepadigan futbolchilar o‘zlarining aniq zarbasi va zargarona harakatlari bilan mashhur bo‘lishadi. Biroq, Lempardning qobiliyati uning zarbasi kuchiga bog‘liq. Frenk ko‘pina jarima to‘pi oldiga kelganda, ko‘proq zarba kuchiga e’tibor qaratgan..
“Chelsi” afsonasi to‘qqizta jarima zarbasini aniq amalga oshirgan. Shu sababdan ham uning “Stemford Brij”dagi faoliyati hech qachon unutilmaydi.
9. Ian Xart (10 ta gol)
Xart jarima zarbasini ijro etuvchi kamdan-kam qanot himoyachisi hisoblanadi. Ko‘pchilik Ianni Premyer-liga tarixidagi eng yaxshi jarima zarbasini amalga oshiruvchi himoyachi deb biladi. Ian futbolchilik karyerasining eng yaxshi yillarini “Lids” safida o‘tkazgan va ushbu klub safida naqd 10 marta jarimadan gol urishni uddalagan. Himoyachi uchun shunchaki, ajoyib natija.
8. Morten Gamst Pedersen (10 ta gol)
Norvegiyalik yarimhimoyachi “Blekbern” futbolchisi sifatida uzoq masofadan jarima zarbalarini ajoyib tarzda amalga oshirgan. Uning sehrli chap oyog‘i Lankashirda Mortenni chinakam afsonaga aylantirdi.
Bundan tashqari, Pedersen har doim o‘zining ajoyib sochlari bilan ajralib turardi.
7. Loran Robert (11 gol)
Loran Robert ko‘pchilikning fikricha, Premyer-liga tarixidagi eng kuchli chap oyoq zarbasi sohibi edi.
Fransiyalik futbolchi “Nyukasl-apon Tayn” klubida o‘ynagan vaqtida jarima zarbasidan 11 ta gol urgan. Loran ko‘pincha jarima to‘plarini Solano bilan baham ko‘rgan va agar ushbu holat bo‘lmaganida, Robertning “Free Kick”dan qancha gol urganini taxmin qilish qiyin...
6. Krishtianu Ronaldu (11 gol)
Muxlislar Krishtianu Ronalduni ko‘p yillar davomida eslab qoladi. Uning ishtirokidagi bir jarima zarbasi ajralib turadi. Uning “Portsmut”ga qarshi o‘yindagi ajoyib zarbasi qolganlaridan ancha chiroyliroq desak adashmaymiz. Portugaliyalik jarima zarbasi tepish san’atida inqilob qilib, nuqtadan ajoyib gol urgan. U “Manchester Yunayted” safida 11 ta jarima golini kiritdi. U 2008 yildagi “Stok Siti”ga qarshi o‘yinda birdaniga ikki marta gol urishga erishgan.
5. Sebastyan Larsson (11 gol)
Tarixan Premyer-liga “Sanderlend” muxlislari uchun biroz omadsiz bo‘lib kelgan va shunday bo‘lib qolmoqda. Albatta, ushbu klub muxlislarini xursand qiladigan holatlar ham yetarlicha topiladi.
Larsson “qora mushuklar” safida kiritgan ajoyib gollari bunga misol bo‘la oladi. Uning nafaqat “Sanderlend” safida, balki “Birmingem”da ham ajoyib gollar kiritgan. Futbolchi APLdagi faoliyati davomida jami 11 marta raqib darvozabonlarini uzoq masofali jarima zarbasidan xafa qilishni uddalagan.
4. Janfranko Zola (12 gol)
Odatda yuqori burchakka yo‘llanadigan Janfrankoning jarima zarbasidan ko‘ra chiroyliroq narsa yo‘q edi.
Italiyalik futbolchi “Chelsi”dagi 8 yillik faoliyati davomida jarima zarbasidan 12 ta gol urgan. Bu uni Angliya Premyer-ligasi tarixidagi eng yaxshi futbolchilardan biri sifatida ko‘rsatdi.
3. Tyerri Anri (12 ta gol)
Tyerri ajoyib to‘purar bo‘lganini hisobga olsak, uning jarima zarbalarini tepish qobiliyatini futbolchining salohiyatini yanada oshiradi.
Ajoyib texnika va kuch bilan tepilgan zarba. Bu biz Premyer-ligada ko‘rgan eng yaxshilaridan biri bo‘lib qolmoqda. Bir paytlar fransuz “Chelsi” darvozaboni Petr Chex va uning mustaxkam jonli devoridan ajoyib gol urishga erishgan.
2. Jeyms Uord-Prouz (12 gol)
Uord-Prouz “Sautgempton” afsonasiga aylanishi aniq, chunki u allaqachon Metta Le Tissyedan “avliyolar” yetakchisi unvonini tortib olgan.
2020 yil 1 noyabr kuni “Aston Villa”ga qarshi bitta o‘yinda, Jeyms ikkita jarima zarbasini amalga oshirgan va bu borada Premer-ligadagi to‘qqizinchi futbolchiga aylandi. Har ikki safar ham u “sherlar” jonli devori ustidan ajoyib zarba berdi va har safar yuqori burchakni mo‘ljalga olishni uddalagan.
1. Devid Bekxem (18 ta gol)
“Qizil iblislar”ning afsonaviy yarimhimoyachisi Angliya Premyer-ligasi tarixidagi jarima zarbadan gol urish bo‘yicha rekordchi hisoblanadi. U raqiblaridan naqd oltita ko‘p to‘p kiritishni uddalagan. Hech qachon jarima zarbasini Bekxemdan ko‘ra muvaffaqiyatli amalga oshiruvchi futbolchi. U birinchi raqamli super yulduz edi. Devid o‘zining to‘p bilan ishlash qobiliyati orqali dunyo bo‘ylab shuhrat qozondi. Uning ijro etish texnikasi nafis go‘zalligi bilan ajralib turardi.
Jamshidjon Mahmudov tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
