31 yanvar kuni Angliyada transfer oynasi rasman yopiladi. Premyer-liganing ko‘plab klublari tarkibdagi muammoli pozisiyalarni mustahkamlash uchun sanoqli kunlar qolmoqda.
Biroq, APL klublari bozor yopilguniga qadar bir necha kun ichida jiddiy bitimlarni imzolashi mumkin. Biz esa sizlarga yaqin kunlar ichida amalga oshishi mumkin bo‘lgan transferlar haqida ma’lumot berishga qaror qildik.
Lingard qishda “Manchester Yunayted”ni tark etishi mumkin
Jessi Lingard o‘tgan mavsumning ikkinchi yarmini “Vest Xem” safida ijara asosida o‘tkazdi. Shuni ta’kidlashimizz kerakki, bu bitim Jessi uchun haqiqatdan ham omadli bo‘ldi, sababi futbolchi “taqachilar” safida ajoyib o‘yin namoyish etdi: u Premyer-liganing 16 o‘yinida “gol+pas” bo‘yicha 13 ochko to‘pladi.
Lingard ijaradan qaytganidan so‘ng: 9 ta o‘yin, 9 marta zaxiraga olinish, 88 daqiqa o‘ynash va 2 ta golli uzatma. Joriy transfer oynasida Lingardga Saudiya Arabistoni shayxlari qo‘liga o‘tgan “Nyukasl”dan ko‘plab qiziqish bo‘lmoqda. Ammo, bu transferni amalga oshishida ikkita kuchli to‘siq bor: “Manchester Yunayted” va futbolchining o‘zi.
Bir tomondan, klub Jessi bilan xayrlashishni istamayapti. Boshqa tomondan, esa futbolchi klubda qolib, o‘z o‘rni uchun kurashmoqchi. Angliyalik insayder, “The Athletic” nashri jurnalisti David Ornshteyn dekabr oyida shunday deb yozgan edi: “Lingard MYUdagi o‘rin uchun kurashmoqchi”.
Shu bois, hozirda Britaniya OAVlari Lingardni “Nyukasl”ga ijaraga berish variantini muhokama qilmoqda. Ushbu kelishuv amalga oshirish ehtimoli bor va yaqin kunlarda kelishuv ma’lum qilinishi aytilmoqda.
“Arsenal” yangi hujumchi sotib oladimi?
“Arsenal”ning yanvar oyidagi eng chiroyli goli Bukayo Sakaning “Manchester Siti” darvozasiga kiritgan goli bo‘ldi. Siz so‘rashingiz mumkin, nega Sakaning goli bu oyda klub uchun eng yaxshisi bo‘ldi? Sababi, bu yanvar oyida jamoaning Premyer-ligadagi yagona goli edi.
Klubdagi bunday golsiz inqirozning bitta sababi bor. Bu jamoaga kuchli hujumchietishmasligi. “Arsenal”“Siti” darvozasiga bitta gol urgan bo‘lsa,“Nottengem”, “Liverpul” va “Byornli” kabi jamoalar darvosasiga yo‘l topa olmadi. “Byornli”ga qarshi so‘nggi o‘yinda “Arsenal” katta ustunlikka ega edi, gol urish uchun ko‘plab imkoniyatlar bo‘ldi va hisobni ochish uchun Nik Popning darvozasiga penalti ham belgilandi. Ammo, Lyakazet 11 metrlik jarimani golga aylantira olmadi. Shu sabab, klub zudlik bilan hujumchi qidirmoqda.
Dastlab “Fiorentina” to‘purari Dushan Vlaxovich varianti bor edi. U joriy mavsum A seriyaning 21 ta uchrashuvida 17 ta gol urdi. “Arsenal” uzoq vaqt davomida serb futbolchisi bilan shartnoma imzolashga harakat qilib ko‘rdi, ammo Dushan London klubiga o‘tishni istamadi. Qolaversa, Florensiya klubi Vlaxovich uchun 70 million yevro taklif qildi, ammo “to‘pchilar” uchun bu narx yoqmadi. Kecha chiqqan xabarlarga ko‘ra, futbolchi “Yuventus” bilan kelishuvga erishgan. Shuning uchun “Arsenal” muqobil variant qidirishga o‘tdi.
Tanaffusga jamoa Dubaydagi yig‘inga uchib ketdi. Bu vaqtda Mikel Arteta “Arsenal” rahbari Sten Kronke bilan maslahatlashishi uchun AQSHga bordi. Murabbiy klub egasiga jamoaga kimlarni taklif qilish haqida aytgan. “The Athletic” nashri xabariga ko‘ra, Arteta Kronkega qisqa ro‘yxatini ma’lum qilgan. Ushbu ro‘yxatga “Real Sosyedad” hujumchisi Aleksandr Isak va “Everton” futbolchisi Dominik Kalvert-Lyuin kiritilgan. “Arsenal” ular uchun 70 million yevro atrofida mablag‘ sarflamoqchi.
Ammo, Isak va Kalvert-Lyuin bo‘yicha muzokaralarda muammolar yuzaga kelsa, “Arsenal”yozda hujumchi qidirishga to‘g‘ri keladi.
“Manchester Siti” hali ham yangi hujumchi topadimi?
“River Pleyt” futbolchisi Xulian Alvaresgauzoq vaqt davomida Italiya klublari tomonidan qiziqish bo‘lib kelgan va “Inter”da argentinalikni sotib olish uchun katta imkoniyat boredi. Klub bosh direktori Beppe Marotta Alvaresning agenti bilan bir necha bor gaplashgan, “Inter” sport direktori yordamchisi Pyer Auzilio bir necha oy oldin Argentinada bo‘lib, hujumchinining o‘yinlarini yaqindan kuzatib borgan.
Alvaresga bo‘lgan qiziqishning nega ortib borayotganini osongina tushuntirish mumkin. Yakuniga yetagan Argentina chempionatida u 20 o‘yin o‘tkazib, 18 gol urdi va 6 golga assistentlik qildi. Ammo, Italiya klublari uning shartnomasidagi 25 million yevroni to‘lashni istamadi.Ammo, “Man Siti” vaziyatdan foydalanib qolishga harakat qildi va unga 20 million funt to‘lashga roziligini bildirdi. Agar, kelishuv amalga oshsa, Alvares kelasi yozda “Man Siti”ga o‘tadi, deb yozadi ESPN. Ushbu transfer amalga oshadimi yoki yo‘qmi, yaqin kunlarda bilib olamiz.
“Tottenxem” Premer-liganing eng baquvvat futbolchisini sotib oladimi?
“Tottenxem” anchadan beri “Vulverxempton” hujumchisi Adama Traorega qiziqish bildirib kelgan. Klublar transfer borasida o‘tgan yozda, Nunu Londonga kelganida kelishib olgandi. Biroq, ma’lum sabablarga ko‘ra, ushbu xarid amalga oshmagandi. Hozirda Antonio Konte boshchiligidagi murabbiylar shtabi yana Adama variantiga qaytishdi.
Lekin, hozircha klublar transfer summasini kelishib olishmagan. “Tottenxem”o‘z taklifini ikki marta oshirgan va Traore uchun 15 million yevro to‘lashini bildirgan. “Bo‘rilar” esa futbolchi uchunkamida 20 million yevro so‘rashmoqda. Angliya nashrlarining yozishicha, “Tottenxem” transfer oynasining so‘nggi kunigacha ushbu bitimni amalga oshirish uchun harakat qilali. Agar, bu muvaffaqiyatli yakunlanmasa, klub bu transferga yozda qaytadi.
PSJ “Tottenxem” yarimhimoyachisiga qiziqish bildirmoqda
2019 yilning yozida “Tottenxem” Tangi Ndombele uchun “Lion”ga 60 million yevro to‘lagan edi. Ndombele klubda o‘z o‘yinini namoyish eta olmadi va hali ham tanqidlardan aziyat chekmoqda. Shu sabab, jamoasini o‘zgartirishga qarshi emas. Hozircha unga yana bir top-klub PSJ qiziqish bildirmoqda. Unga shaxsan Maurisio Pochettino taklif bilan chiqqan.
Ndombele bo‘yicha muzokaralar yanvar oyi boshida boshlangan va hali ham davom etmoqda. Tomonlar uzoq vaqt davomida bitim shartlari to‘g‘risida qaror qabul qila olmadi va hozirgacha qaror qilmagan. Hozirda jamoalarda mavsum oxirigacha sotib olish huquqi bilan ijaraga berish imkoniyati mavjud. Shuningdek, almashtirish varianti bor. Unda “Tottenxem” Yulian Draksler, Jorjinyo Veynaldum yoki Leandro Paredes kabi futbolchilardan birini o‘z tarkibiga qo‘shib olishi mumkin. Ammo, buning ham amalga oshishi qiyin. Chunki, Veynaldum yozgacha klubini o‘zgartirmoqchi emas, Paredes London klubi variantini rad etdi.
Fabrisio Romano shunday deb yozadi: Tottenxem” va PSJ Ndombelening transferini jiddiy muhokama qilishmoqda va yaqin orada bir to‘xtamga kelishlari kerak.
Premyer-liga atrofida yana qanday mish-mishlar bor?
Qisqacha:
Kristian Eriksen “Brentford” bilan olti oylik shartnoma imzolaydi. Tomonlar barcha tafsilotlarni kelishib oldilar. Faqat chuqurlashtirilgan tibbiy ko‘rikdan o‘tish va kardiologning futbol assosiasiyasi xulosasini tasdiqlashini kutishgina qoladi.
Usmon Dembele “Chelsi”ga o‘tishi mumkin. Tomas Tuxelshaxsan fransuz futbolchisini o‘z jamoasida ko‘rishini bildirgan. Ammo, hozircha Dembele “Barselona”dagi muammolarini hal qilishi kerak.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
