Joriy mavsum boshida, aniqrog‘i, Ispaniya La-Ligasi 8-turida «Atletiko» o‘z maydonida «Barselona»ni tor-mor keltirdi - 2:0. Savol tug‘iladi: nega to‘satdan aynan shu uchrashuv yodga olinyapti? Gap shundaki, Madriddagi bahsda bosh qahramon bo‘lgan Luis Suares (urugvaylik futbolchi avvaliga Toma Lemar goliga assistentlik qilgan, keyin raqib darvozasini o‘zi ham nishonga olgandi) ijobiy xatti-harakati bilan e’tibor markaziga tushgandi. Ya’ni asovroq tabiatli hujumchi Kataloniya klubi bilan yomon xayrlashganiga qaramay, o‘z golini ham, g‘alabani ham alohida nishonlamagandi. U bu bilan sobiq jamoasiga sukut ko‘rinishida rahmat yo‘lladi. Eng qizig‘i, Luis Suares yana bir sobiq jamoasi - «Liverpul» darvozasiga urgan dastlabki golini nishonlashdan tiyilmagandi. Umuman olganda, zamonaviy futbolda top darajadagi o‘yinchilarning sobiq jamoalari darvozasiga urilgan goldan keyin xursandchilik qilmasliklari urfga aylanib ulgurdi. Bu hurmat belgisi, albatta.
* Krishtianu Ronaldu mavsum-2012|2013da «MYU» darvozasiga 2ta gol urdi va har ikkisini nishonlamadi. O‘shanda «Real» CHL 1|8 finalida «Yunayted» bilan to‘qnash kelgandi. Hammasi - ser Aleks Fergyusonga hurmat ifodasi.
* Krishtianu Ronaldu va «MYU» yo‘llari 2018 yili ham kesishdi - bu vaqtda Fergi «qizil iblislar» boshqaruvida emasdi. Shuning uchunmi, Krishtianu bu gal golni effektli tarzda nishonladi - tribunalarga mukammal mushaklarini ko‘rsatdi.
* Krishtianu Ronaldu CHLda sobiq klublaridan faqat «MYU» emas, balki «Spor-ting» darvozasini ham ishg‘ol qilgan. 2017|2018 yillar mavsumida Krish ilk jamoasiga qarshi bahsda jarima zarbasidan chiroyli gol urdi va sukut saqlashni ma’qul ko‘rdi - u avvaliga qo‘llarini yuqori ko‘tardi, keyin darhol tushirib, uzr so‘ragandek bo‘ldi. Portugaliyalik yulduz keyinchalik o‘z xatti-harakatini chiroyli so‘zlar yordamida ifodaladi: «Aynan shu klub tufayli hozirgi holatdaman».
* To‘g‘ri, Krishtianu Ronaldu 2008 yili boshqacha o‘ylardi: «Sporting» darvozasi tomon yo‘llangan ideal jarima zarbasidan so‘ng dabdabali yuz ifodasini ko‘rsatgandi.
* Muhammad Saloh ham ikki holatda golini nishonlamadi: misrlik futbolchi avvaliga APLda «Chelsi»ga qarshi bahsda sukut saqladi.
* Ikkinchi holat CHLdan o‘rin olgan «Roma» bilan olishuvda kuzatildi. O‘shanda Muhammad Saloh go‘yoki, Roberto Firmino ortiga yashirinib oldi...
* Eng dramatik voqea Frenk Lempardga taalluqli, albatta. U zaxiradan maydonga tushdi va o‘yinning eng oxirgi lahzalarida «Chelsi» darvozasini ishg‘ol qildi. Tabiiyki, Frenk «aristokratlar»ga hurmat belgisi o‘laroq, jim turdi.
* Yana «Chelsi» afsonalari haqida: Fernando Torres CHL-2013|2014 yarim finalida «Atletiko» darvozasiga yo‘l topdi. U qur’adan keyinoq gol urgan taqdirida ham, uni nishonlamaslikka so‘z bergandi. Torres va’dasiga xilof ish tutgani yo‘q.
* Robin van Persi «MYU» safidagi ilk gollaridan birini «Arsenal» darvozasiga yo‘lladi. Albatta, hech qanday nishonlash harakati yo‘q.
* To‘g‘ri, Robin van Persi keyingi mavsum «Arsenal» muxlislari nafratiga javoban o‘z golini risoladagidek nishonladi.
* «MYU»dan yana bir misol: «Vest Xem»da ijara muddatini o‘tagan Jessi Lingard 16ta o‘yinda 9ta gol va 5ta samarali uzatma qayd etish asnosida faoliyatini qayta izga soldi. Keyin «Yunayted»ga qaytdi va «bolg‘achilar» darvozasiga urgan golini nishonlagani yo‘q.
Eng qizig‘i, nishonlanmagan gollar haqidagi hikoyaga terma jamoalar futbolidan ham misollar keltirish mumkin.
* Antuan Grizmann Urugvay termasi darvozasiga gol urib, sukut saqladi. Zero, Fransiya milliy jamoasi vakili Urugvay madaniyatini yaxshi ko‘radi. Antuan ko‘pincha bir tomondan urugvaylik ekanligini yashirmaydi. Qolaversa, «Real Sosyedad»da Grizmanni kashf etgan murabbiy Martin Lasarte urugvaylik, yana «Atletiko» afsonasi Diyego Godin ham.
S.RAHMONOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
