Insayder Xose Feliks Diasning so‘zlariga ko‘ra, belgiyalik futbolchi Eden Azar Londonning «Chelsi» klubiga qaytishi mumkin. Futbolchi Tomas Tuxel bilan ishlashni istamoqda. Yana bir ishonchli manba - jurnalist Ramon Alvares de Montning aytishicha, «Real» va «Chelsi» allaqachon muzokaralarni boshlab yuborgan.
«Real Madrid» Xoland transferi uchun Azardan voz kechishga tayyor
• Azarning maoshi juda katta va Peres uchun Kilian Mbappe va Erling Xolandni bir vaqtning o‘zida qo‘lga kiritish uchun belgiyalikdan qutilishi kerak bo‘ladi. Eden soliqlarni hisobga olmaganda yiliga taxminan 15 million yevro maosh oladi. Shuningdek, «qirollik klubi»ning yana bir a’zoasi Garet Beyl ham shuncha miqdorda ish haqi oladi va bu ikki futbolchi «Real»dagi eng yuqori maosh oladigan futbolchilardan biri hisoblanadi. Ikkisi ham madridliklar safida unchalik ko‘p maydonga tushmaydi, lekin Garet bilan vaziyat hal bo‘lgan: Yozda uelslik futbolchi madridliklar safini erkin agent maqomida tark etadi.
• Edenning shartnomasi 2024 yilgacha amal qiladi va bu jamoa uchun katta muammo. «Real Madrid» Azarning noprofessionalligi va jarohatlarga moyilligi sabab undan hafsalasi pir bo‘lgan. Qolaversa, belgiyalik futbolchi sog‘lom bo‘lgan paytda ham unchalik foydasi yo‘q: u raqobatda Vinisiusga imkoniyatni boy berdi, o‘ng qanotda esa Anchelotti Rodrigo yoki Asensioni Edendan afzal ko‘radi.
• Azar bosh murabbiy Karlo Anchelotti bilan chiqishib ketmadi. Futbolchi maydonga tushirmayotgani uchun italiyalik mutaxassisdan juda norozi. Ispan nashrlarining ta’kidlashicha, Azar va Anchelotti nafaqat maydonda, balki echinish xonasida ham bir-biri bilan kelishmaydi. Shu sabab belgiyalik futbolchi madridliklar safidan ketish haqida o‘ylamoqda.
• «Real Madrid» Erling Xolandni sotib olmoqchi. Mbappe bilan shartnoma imzolanishi deyarli hal qilingandek ko‘rinsa-da, norvegiyalik haqidagi savollar hamon ochiq qolmoqda. Germaniyaning Bild nashri xabariga ko‘ra, Xoland uchun kurashda «Man Siti» peshqadam, lekin «Real Madrid» ham osonikcha taslim bo‘lmoqchi emas». Ammo, «qaymoqranglilar» Mbappening transferini inobatga olgan holda, 2022 yilning yozida Xolandni sotib olish kerakmi yoki yo‘qmi, hali qaror qilgani yo‘q. Ispan nashrlari xabariga ko‘ra, «qirollik klubi» rahbariyati Xolanddan yana bir mavsum «Borussiya D» qolishini iltimos qildi. Ko‘ramiz, vaziyat qay tomonga o‘zgarar ekan?!
Erling «Real Madrid»ga juda qimmatga tushadi. To‘lovlarning ko‘pligi tufayli aniq raqamlar yo‘q – agent Mino Rayola va Xolandning otasi ham shartnomadan yaxshigina foyda ko‘rishi mumkin. Shu sabab, ispan klubi Azarni sotish orqali norvegiyalikning transferiga pul yig‘moqchi.
• Bonus - «Real» «Chelsi» himoyachisi Ris Jeymsga qiziqish bildirmoqda va u nazariy jihatdan Azar transferining bir qismi bo‘lishi mumkin. Ammo 22 yoshli ingliz futbolchisi Tuxel jamoasining muhim futbolchisi hisoblanadi, shuning uchun londonliklarning bu shartnomaga rozi bo‘lishi juda qiyin bo‘ladi. Buni «Real» prezidenti Plorentino Peres ham yaxshi tushunib turibdi va vaziyatni hozircha kuzatib turibdi.
Nega aynan Chelsi?
• Futbolchining o‘zi «Real» rahbariyatidan «Chelsi»ga qo‘yib yuborishini talab qilmoqda: Azar Tuxel bilan ishlashni xohlaydi va u o‘z karyerasini aynan eski klubida tiklay olishiga ishonadi. Londonga qaytish uchun Eden maoshining katta qismidan voz kechishga ham tayyor. Shuni ham ta’kidlashimiz kerakki, hozircha futbolchini sotib olmoqchi bo‘lgan boshqa da’vogarlar yo‘q.
• «Chelsi» ham Azarni qaytarishga tayyor, lekin «aristokratlar» belgiyalikka «Real»da oladigan maoshi kabi to‘lay olmaydi. Ba’zi manbalarning xabar berishicha, Beylning «Tottenxem»ga ijaraga berilishi haqidagi ssenariy takrorlanishi mumkin. Ya’ni yozda belgiyalik futbolchi katta ehtimol bilan «ko‘klar» safiga ijara asosida o‘tadi.
• Marca xabariga ko‘ra, belgiyalik futbolchining to‘liq transferi hali muhokama qilinmagan. Sababi «Chelsi» Eden bilan uzoq muddatli shartnoma imzolab, tavakkal qilishni istamayapti.
Azarning barcha muammolariga qaramay, Londonga qaytishi, yangi hikoyaning boshlanishiga o‘xshaydi.
Jamshidjon Mahmudov tayyorladi.
Qo‘qon-1912
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
