Xabar berganimizdek, bugun “Bunyodkor” taqdimot va tanishtiruv marosimini o‘tkazdi. Klub direktori Ulug‘bek Mirzayev, bosh murabbiy Shuhrat Maqsudov, futbolchilar va muxlislar ishtirok etgan marosimda jamoaga taklif etilgan yangi o‘yinchilar tanishtirildi hamda ularga liboslar topshirildi. Shuningdek, OAV xodimlari klub rahbariyati, murabbiy va futbolchilarga o‘zlarini qiziqtirgan savollar bilan murojaat qilishdi.
Dastlab klub direktori Ulug‘bek Mirzayev o‘z fikrlarini bildirdi: — Barchani yangi mavsum bilan tabriklayman. Ertaga “So‘g‘diyona”ga qarshi o‘yin bilan biz uchun mavsum boshlanadi. Jamoa har doimgidek o‘z oldiga yangi marralarni qo‘yadi va yuqori o‘rinlarni egallashga harakat qiladi.
Shuhrat Maqsudov: — Barchani yangi mavsum bilan tabriklayman! “Bunyodkor” yangi mavsumga tayyorgarlikni deyarli yangilangan tarkib bilan 5 yanvarda boshladi. Klubimiz prezidenti Mehriddin Abdullayev bilan suhbatlashgach, asosiy e’tibor akademiyamiz tarbiyalanuvchilariga qaratilishi bo‘yicha bir qarorga keldik. To‘g‘ri hozir bir qadam orqaga tashlayotgandirmiz, ammo vaqti kelib ikki qadam oldinga yuramiz. Fevral oyida Turkiyada yig‘in o‘tkazdik. Yoshlarning ko‘zida xohish-ishtiyoqni ko‘rdim, faqat ularga tajriba yetishmayapti va bu tabiiy holat. Tajriba o‘yinlar orqali keladi. “Bunyodkor”ning kelajagi ishonchli qo‘llarda. Yoshlarga e’tibor qilayotganimizni akademiyamizda hozir tahsil olayotgan yosh bolalar ham ko‘rishmoqda va ular ham kelajakda asosiy tarkibga kirishga harakat qilishadi. Biz yolg‘iz emasmiz, futbolchilarimiz mana shu muxlislarimiz uchun chiroyli o‘yinlar namoyish etishga harakat qilishadi. Muxlislardan bitta iltimos, har qanday natija qayd etilsa ham jamoani qo‘llab quvvatlab turasizlar deb umid qilaman.
Ma’lumot uchun aytib o‘tish kerak, “Bunyodkor” yangi mavsum uchun 27 nafar futbolchi ro‘yxatdan o‘tkazdi. Jamoa sardori, tojikistonlik himoyachi Davronjon Ergashev eng yoshi katta o‘yinchi hisoblansa, Jahongir O‘rozov eng yosh futbolchi sanaladi.
Davronjon Ergashev: — Jamoamiz yangi mavsumga 99 foizga tayyor. Har bir o‘yinda faqat g‘alaba uchun chiqamiz. Bizga qarshi o‘ynaydigan jamoalarga oson bo‘ladi, deyishmoqda, ishontirib aytaman unday bo‘lmaydi. “Bunyodkor” doim sovrinli o‘rinlar uchun kurashadi.
Jahongir O‘rozov: “Bunyodkor” doim g‘alaba uchun maydonga tushadi. Barchaga yangi mavsumda omad yor bo‘lsin.
Shundan so‘ng jamoamizga kelib qo‘shilgan yangi futbolchilarga liboslar taqdim etildi.
Suhrobjon Sultonov — 32
Sardor Xursandov — 2
Dilshod Jo‘rayev — 5
Usmonali Ismonaliyev — 22
Husayn Ergashboyev — 14
Dmitriy Pobulich — 11
Fransis Narx — 8 (viza bilan bog‘liq muammo tufayli hali O‘zbekistonga yetib kelmadi).
Liboslar topshirilgach, OAV xodimlari o‘zlarini qiziqtirgan savollar bilan murojaat qilishdi.
— Turkiyadagi yig‘inda nimadan ko‘nglingiz to‘ldi-yu, nimadan qoniqmadingiz?
— Bitta joyda yashadik va oilaga aylanib ketdik. Yaxshi raqiblar bilan o‘rtoqlik uchrashuvlari o‘tkazdik. O‘rtoqlik o‘yinlaridagi natija u qadar muhim emas. Asosiysi futbolchilarning o‘zaro til topishib ketishi. Turkiyadagi yig‘indan ko‘nglimiz to‘ldi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
