27 fevral kuni «Lids» bosh murabbiyi Marselo Byelsa iste’foga chiqarildi. Albatta, voqealarning bunday rivoj olishi ko‘pchilikning kayfiyatini buzdi, o‘z navbatida, ushbu ajoyib shaxs haqida 7ta faktni keltirib o‘tishga sabab bo‘ldi.
Birinchi fakt: bilasizki, Marselo garchi qisqa davom etgan bo‘lsada, maqtashga arziydigan futbolchilik faoliyatiga ega. Uning dastlabki klubi «Nyuells Old Boyz» bo‘lgan, bu jamoaning asosiy raqobatchisi, o‘sha shahar sharafini himoya qiluvchi «Rosario Sentral»ga esa Byelsaning otasi muxlislik qilardi. Umuman, sportdagi tanlovda shunaqa holatlar ham tez-tez uchrab turadi...
Ikkinchi fakt: 21 yoshida yashil maydonda o‘zidan yorqin taassurot qoldirgan Marseloni Argentina termasiga chaqirishdi. Jamoa Braziliyada o‘tkazilgan Olimpiadadan oldingi turnirda qatnashib, uchinchi o‘rinni egallagandi. Shu bilan o‘yinchilik faoliyati yakunlandi, keyinchalik mu-rabbiy sifatida ish boshladi.
Uchinchi fakt: murabbiylik faoliyati boshida Byelsa ilk jamoasi «Nyuells»ning yoshlar tarkibini boshqargan, keyinchalik aynan shu shogirdlari bilan Argentina chempionati uchinchi divizionida g‘olib chiqqandi. Ammo shu yerda ham bir qiziq tafsilot bor. Gap shundaki, Marselo klub uchun yangi iqtidorlar qidirishga ko‘p vaqt sarflagan, skautlarga esa har doim ham ishonavermagan. Shu tariqa, yosh murabbiy asosiy tarkib uchun yaxshilar yaxshisini topish maqsadida umumiy hisobda 25 ming kilometrdan ko‘proq masofani bosib o‘tgan.
To‘rtinchi fakt: 2019 yilning 28 aprelida Chempionship 45-turidan o‘rin olgan «Aston Villa»ga qarshi bahsda birmingemliklar a’zosi maysaga yiqilgan payt «Lids» futbolchilari tezkor hujum evaziga gol urishdi. Jamoalar o‘zaro janjallashib ketishdi, biroq Byelsa shogirdlaridan javob golini atayin o‘tkazib yuborishlarini so‘radi! Aynan o‘sha voqea sabab klub «FIFA Fair Play Award 2019» sovriniga munosib ko‘rildi.
Beshinchi fakt: 2001 yili Byelsa Xalqaro futbol tarixi va statistikasi federasiyasi talqiniga ko‘ra, yilning eng yaxshi murabbiyi sifatida tan olindi, 2019 yilda esa France Foot-ball jurnali uni barcha davrlarning eng yaxshi murabbiylari reytingida 48-o‘ringa joyladi. Tabiiyki, futboldagi meh-natlar bee’tibor qolmaydi.
Oltinchi fakt: Marseloning oilasi haqida qisqacha. Oila badavlat bo‘lmagan, ammo yaxshigina obro‘-e’tiborga ega edi, zero futbolchining bobosi Rafael Argentinada ma’muriy huquq asoschilaridan biri edi, opasi siyosatda muvaffaqiyatga erishgan, akasi tashqi ishlar vaziri, Aeropuertos Argen-tina 2000 aviakompaniyasi prezidenti bo‘lgan, hozir Chilida elchi hisoblanadi. Ha, qarindoshlaridan o‘zib ketish motivasiyasi tinchlik bermagani aniq...
Yettinchi fakt: 2009 yili «Nyuells Old Boyz» klubining uy stadioniga Marselo Byelsa nomi berildi. Eslatib o‘tamiz, argentinalik mutaxassis qo‘l ostida jamoa ikki marta Argentina chempionligiga erishgan, 1992 yilda Libertadores kubogi finaligacha yetib borgan.
O‘.UMAROV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
