2022 yilgi Jahon chempionati yaqinlashmoqda. Bunda har bir terma jamoa o‘zi uchun ma’qbul futbolchilarni yig‘a boshlaydi. Angliya ham bundan mustasno emas. Quyida Garet Sautgeytning darvozabonlar borasida qanday imkoniyatlarga ega ekanini ko‘rib chiqamiz.
10. Etyenn Grin
Siz «Sent-Etyen»ning Etyenn Grin ismli posboni haqida eshitmagan bo‘lishingiz tabiiy, albatta. 21 yoshli darvozabon yozda o‘zi tug‘ilgan mamlakat sharafini himoya qilishga otlanadi. Bu esa Sautgeytning e’tiborini tortishi aniq. Chunki Grin o‘z klubning ishonchli vakilidir.
9. Ben Foster
Internet tarmoqlarida faol bo‘lgan futbolchi 2011 yilda xalqaro bahslarda qatnashmay qo‘ygan edi. U 2014 yilgi Jahon chempionatida Angliya terma jamoasiga qaytadi. Shundan so‘ng, u ancha vaqt ko‘rinmay ketgan edi. Foster ayni damda «Uotford» postini qo‘riqlamoqda.
8. Aleks Makkarti
Makkartini futbol muxlislari «Sautgempton»dagi qo‘pol xatolari bilan eslab qolgan. U shundan keyin, ancha vaqt davomida o‘z formasini tiklab ola bilmadi. Hozirda esa u barcha kabi «Standart APL darvozaboni»ga aylandi.
7. Karl Darlou
Karl uzoq yillardan beri «Nyukasl» safida harakat qilib kelmoqda. U o‘z vaqtida jamoasining eng asosiy posboniga aylangan edi. Darlou o‘shanda Martin Dubravka bilan tengma-teng raqobat qila olgan. Darvozabon bir necha mavsumlik ijaradagi sargardonlikdan keyin, yana «qarg‘alar» zahirasiga qaytdi.
6. Freyzer Forster
Bir paytlar Forster ko‘pchilik tomonidan Angliya terma jamoasining birinchi raqamli darvozaboni bo‘ladi deb qaralgan edi. Amalda esa unday bo‘lmadi. Forster faoliyatining cho‘qqisi «Sautgempton» klubi bo‘lib qoldi. U Angliya termasida olti marta o‘yin o‘tkazgan, xolos.
5. Sem Jonston
David De Xea o‘z darajasini ko‘rsata olmaganda, Jonston ko‘p yodga olinar edi. Chunki u «qizil iblislar» maktabidan chiqqan. Iqtidorli darvozabon bir necha mavsum pastki ligalarda ijarada yurdi. Jonstonning hozirgi manzili «Vest Brom» bo‘lib turibdi. Shunga qaramay, Sautgeyt uni hali-hamon terma jamoa yig‘iniga chaqirib kelmoqda.
4. Din Xenderson
«Sheffild Yunayted»dagi (2019-20) omadli mavsumdan keyin ko‘pchilik uni De Xea o‘rnini bosishini taxmin qiladi. Sulsher davrida Xenderson va De Xea galma-galdan tez-tez alishtirib turildi. Ammo so‘nggi paytlarda 24 yoshli talant katta o‘yinlardan mosuvo qolmoqda. Xendersonning sifatli futbolchi ekani borasida shubhalar yo‘q. Ammo doimiy o‘yin amaliyoti juda ham muhim narsa.
3. Nik Poup
Ishonchlilik borasida kamdan-kam vakil Poupga tenglasha oladi. «Byornli» posboni barqarorlikning namunasi sanaladi. U 3 yildan beri doimiy ravishda terma jamoaga jalb qilinadi. Ammo Poup Yevro-2020ni jarohati sabab o‘tkazib yuborishga majbur bo‘lgandi. Hozir esa u bilan hammasi joyida.
2. Eron Ramzdeyl
«Arsenal»ning omadsiz startidan keyin, Ramzdeyl harakatlari orqali jamoa o‘zini tiklay olgan edi. Bugunga kelib esa, aynan u milliy terma jamoa postiga asosiy da’vogarga aylandi. Hammasi mavsum yakunida hal bo‘ladi.
1. Jordan Pikford
Angliya terma jamoasi ustozi hozir ham Pikfordni asosiy sifatida tanlaydi. «Everton» vakili 2021 yilda eng zo‘r mavsumlaridan birini o‘tkazadi. Agar Yevropa chempionati finalida ingliz hujumchilari o‘z ishini yaxshi bajara olganlarida edi, Pikford milliy qahramonga aylangan bo‘lardi. Afsuski, unday bo‘lmadi...
ISMATOV J.
Xorazm
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
