Rossiya chempionati tarixida biror legioner boshidan Yusuf Yazijidek samara ko‘rsatgan emasdi. Qishda Moskvaning SSKA klubi safiga qo‘shilgan turk yarim himoyachisi dastlabki 4ta o‘yinda 6ta gol urdi! Qoyilmaqom start! «Harbiylar» 20 mart kuni «Rubin»ni qabul qilib, 6:1 hisobida g‘alaba qozonishdi - gollar shousini aynan Yusuf Yaziji ochib berdi va yopdi. Orada yana bir gol va «xet-trik» naqd!
Yaziji avvaliga to‘pni boshi bilan darvozaga yo‘lladi, ikkinchi bo‘limda yaqin masofadan mo‘ljalni aniq oldi, yakunda penaltidan foydalandi. SSKA Yusufni yanvar oyi o‘rtalarida «Lill»dan ijara kelishuvi asosida oldi. Qarangki, u bir nafasda rus futbolini zabt etishga kirishdi. Har holda, chempionatdagi 4ta o‘yinda 6ta gol urishdan tashqari, kubok turnirida ham 2 marta o‘zini ko‘rsatishga ulgurdi. Umuman olganda, Rossiya elit ligasi tarixida biror legioner dastlabki 4ta o‘yinida ketma-ket gol urgan emasdi. Demakki, turkiyalik yarim himoyachi qisqa vaqtda rekordchiga aylandi-qo‘ydi. Boz ustiga, SSKA tarixida biror futbolchi bunday yorqin debyut qayd etmagandi.
Xorijliklar orasida Ros-siya chempionatidagi yurish-ni gollar seriyasi bilan bosh-lash bo‘yicha rekord natija senegallik Ablay Mbengga tegishli edi. U Grozniyning «Axmat» klubi safida dastlabki 3ta o‘yinda gol quvonchini tuygandi. Eng qizig‘i, Mbeng jamoa safiga qo‘shilgach, avvaliga naq 8ta o‘yinda zaxirada o‘tirgan va shundan so‘ng qatorasiga 3 turda gollar seriyasini qayd etgandi. U bu orada jumladan, «Spar-tak»ka qarshi bahs(4:2)da «dubl»ga erishgan va buning uchun Checheniston rahbari Ramzan Qodirovdan katta sovg‘a olgan - Toyota Corolla avtomobili. Nazariy jihatdan qarasak, «Lokomotiv»ning yangi vakili Vilzon Izidorda ham hali Yaziji natijasini takrorlash imkoniyati bor. Har holda, fransiyalik futbolchi «temiryo‘lchilar» libosidagi ketma-ket 3ta o‘yinda gol urdi. Demak, hozir RPLda ikki nafar faol debyutant-legioner bor.
Qiziq, RPLda afsona darajasiga ko‘tarilgan futbolchilar yurishni qanday boshlashgan? Mana, ba’zi nomdor legionerlarning dastlabki 4ta o‘yindagi natijalari: Kevin Kurani - 3ta gol, Vagner Lav va Seydu Dumbiya - 2tadan gol, Xalk, Sardor Azmun, Danni va Velliton - 1ta gol. Kvinsi Promes dastlabki 4ta uchrashuvda gol urishni eplamagan bo‘lsa, braziliyalik Jo debyutni «quruq» o‘tkazib, ikkinchi o‘yinda «Shinnik» darvozasiga 4ta gol «qamagan». Shuning hisobiga unda dastlabki 4ta bahsda 6ta gol yig‘ilgan.
Ma’lumot uchun, Yazijining ijara kelishuvi muddati mavsum oxirigacha mo‘ljallangan, ammo SSKA bosh direktori Roman Babayev allaqachon uning transferini to‘liq sotib olishga harakat boshlanganini ma’lum qildi. Zero, «armiyachilar» endi ravon yo‘lga tushib olishdi - RPLda ketma-ket 6ta g‘alaba, umumiy gollar nisbati - 14:2. Turk futbolchisining agenti Adem Chebejining aytishicha, Yaziji ham g‘oyat mamnun:
«Agar Yusuf Yevropaning katta klubiga o‘tishni istasa, buni aynan SSKA orqali amalga oshiradi. Chunki Moskva klubi odamlarga haqiqiy Yazijini ko‘rish imkoniyatini berdi. Deylik, Berezuskiy mijozimga qattiq ishonadi. Asosiysi, Yusuf SSKAni yaxshi ko‘rib qoldi, u bu yerda baxtiyor. Bosh murabbiy futbolchiga to‘liq ishonch bildirmoqda, u bunga o‘z o‘yini bilan javob bermoqda - ajoyib. Futbolda SSKAdagidek ijobiy muhitni har doim ham topish qiyin...».
RPL: golli seriya bo‘yicha eng yaxshi start olgan legionerlar
№ Futbolchi Mamlakati Natija
1. Yusuf Yaziji Turkiya 4 ta o‘yin (6ta gol)
2. Ablay Mbeng Senegal 3ta o‘yin (4ta gol)
3. Vilzon Izidor Fransiya 3ta o‘yin (3ta gol)
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
