«Manchester Yunayted» muxlislari jamoa sardori Xarri Maguayr ustidan kulishda davom etadi. Hatto, ayrim ishqibozlar unga o‘lim xavfi bilan tahdid qilishdi va uyiga bomba qo‘yishlarini aytdi.
Xarri uchun qiyin vaziyatlar boshlangani rost. U «Arsenal» bilan o‘yinda zaxirada qoldirildi, ammo bu harakat natijaga ta’sir qilmadi - «Manchester Yunayted» 1:3 hisobida mag‘lub bo‘ldi.
ESPN o‘yindan keyin quyidagilarni yozdi: «Xarri formasi yomon bo‘lgani uchun zaxirada qoldi. Maguayr so‘nggi paytlarda juda ko‘p xatolarga yo‘l qo‘ymoqda, shuning uchun u muntazam ravishda muxlislar tomonidan tanqid qilinadi».
Xarrining o‘zi «Liverpul» bilan muvaffaqiyatsizlikdan keyin (0:4) bunga munosabat bildirdi: «Bu mavsumda men bir nechta yomon o‘yinlarni o‘tkazdim. Ammo har bir o‘yinda yomon o‘ynasam yoki yetarlicha natija ko‘rsata olmasam, «Manchester Yunayted»dagi har bir bahsni asosiy tarkibda boshlamagan bo‘lardim. Ikkala murabbiyning ham meni maydonga tushirishiga sabablar bor. Jamoaga nima bera olsam, asosiy tarkibda ham buni ko‘rsata olaman. Lekin men klub sardori ekanligimni tushunaman, ular mendan ko‘p narsa talab qilishadi va katta mablag‘ to‘lashadi. Ishlar noto‘g‘ri bo‘lsa, ko‘p gol o‘tkazib yuborsak, meni tanqid qilishadi. Lekin aslida bu noto‘g‘ri. Mag‘lubiyatga barcha birdek javobgar», deydi Maguayr.
Ammo u bilan uchralgan mag‘lubiyatlar futbolchining so‘nggi bir necha kundagi hayotida sodir bo‘lgan asosiy dahshatlar oldida hech narsa bo‘lmasa kerak. Ikki kun oldin Sky Sports nashri «Manchester Yunayted» himoyachisiga xotini va ikki farzandi bilan birga yashaydigan uyida bomba qo‘yilgani haqida xabar berdi. Futbolchi Cheshir polisiyasiga murojaat qildi, huquq-tartibot idoraci xodimlari hidlovchi itlar yordamida uyni ko‘zdan kechirishdi, ammo hech narsa topa olishmadi. The Sun gazetasi bu haqda yanada batafsilroq ma’lumot berdi: «Bomba haqidagi xabar Maguayrga elektron pochta orqali kelgan. Hujumchiga ultimatum qo‘yilgan. Xarri yoki «Manchester Yunayted»ni tark etadi, yoki uning uyiga o‘rnatilgan uchta bomba portlatib yuboriladi».
Bomba tahdidi Xarrini qo‘shimcha xavfsizlik choralari haqida o‘ylashga majbur qildi. Matbuot inglizning yangi videokuzatuv tizimini sotib olgani va kechayu kunduz qo‘riqchi yollagani haqida yozmoqda.
«MYU» muxlislari nafaqat Maguayrni tanqid qilishmoqda, balki uning ustidan ancha keskin kulishmoqda ham. Hammasi uning noqulay harakatlari tufayli yuzaga kelgan. Inglizlar uni jamoadagi yomon natijalari va individual xatolari uchun ham haqoratlamoqda. Muxlislar, ayniqsa, «Siti» (1:4) va «Liverpul» (0:4)ga qarshi o‘yindagi muvaffaqiyatsizliklardan so‘ng Maguayrni bu borada asosiy aybdor qilib ko‘rsatishdi. Turli memlar ijtimoiy tarmoqlarda tarqalib ketdi, Xarri ularda «Liverpul»ga hujumchi qilib qo‘yilgan edi.
So‘nggi paytlarda Maguayr raqiblariga to‘p yetkazib berish bilan bir qatorda, bema’ni harakatlarni ham amalga oshirdi. Masalan, «Norvich» bilan o‘yinda u tasodifan Pol Pogbaning boshiga urib yubordi va uni jarohatladi. Aytgancha, Xarrining sheriklari va hatto Krishtianu Ronalduning o‘zi ham bu epizodda azob chekishiga to‘g‘ri keldi. Maguayrning muvaffaqiyatsizliklari 2019 yilning yozida «MYU»ga kelganidagi to‘langan pullarni hisobga olsak, ancha bo‘rttirib qabul qilinadi. O‘shanda klub 80 million funt sterling to‘lagan edi. Bu haligacha futbol tarixidagi himoyachilarning eng qimmat transferi hisoblanadi. Masalan, van Deyk uchun «Liverpul» bor-yo‘g‘i 75 million yevro ajratgan xolos. Sautgeyt muxlislarga Xarriga hushtakbozlik uyushtirgani uchun tanbeh berdi va Karrager unga kapitan roli bosim o‘tkazayotganini ta’kidladi. Terma jamoada ham Maguayrda muammolar bor. Mart oyida Kot-d'Ivuar bilan o‘yinda muxlislar uni troll qilishdi. Keyin Garet Sautgeyt Xarrini himoya qildi va muxlislarni tanqid qildi:
«Uning omma oldida bu tarzda qabul qilinishini bema’nilik va tabiiy absurdlik deb bilaman. Uning biz uchun nima qilayotganini, Angliya terma jamoasida qanchalik ajoyib o‘ynaganini hisobga olsak, men muxlislar fikrini tushunolmayapman. U terma jamoa vakili, shunday ekan, bu futbolkadagi har qanday futbolchini qo‘llab-quvvatlash kerak», — deydi bosh murabbiy.
Jeymi Karrager Maguayrga nisbatan nafrat sabablari haqida fikr yuritdi - uning fikricha, sardorlik roli himoyachiga bosim o‘tkazmoqda va zamonaviy himoya uslubi unga mos kelmaydi: «Maguayr uchun «Manchester Yunayted»dagi vaziyatni o‘zgartirish qiyin, chunki u kiyinish xonasida hech qanday vakolatga ega emas. O‘tgan yozdan beri Maguayr kim sardor bo‘lishi kerakligi haqida tinmay bosh qotirardi. Va u rahbar sifatidagi maqomini tasdiqlay olmadi. Bu uning o‘yinlariga ta’sir qilmay qolmaydi».
«Arsenal»ga qarshi so‘nggi o‘yindan oldin Xarri joriy mavsumda «Chelsi»ga qarshi faqat birgina bahsni o‘tkazib yubordi xolos. Va bu diskvalifikasiya tufayli edi.
Bundan tashqari, «Manchester Yunayted» 2021/22 yilda Maguayrsiz bor-yo‘g‘i 10 ta o‘yin o‘tkazgan va shundan atigi 2 tasida g‘alaba qozongan (yana beshta durang va uchta mag‘lubiyat).
Demak, «Manchester Yunayted»ning barcha muammolari faqat bir futbolchiga bog‘langan bo‘lishi dargumon. Uni jamoa va uning xodimlari bilan murosa yo‘liga kirishi alohida masala.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
